12-август 2004-жылы Бишкекте ЮНЕСКО уюмунун "Аалам мурастары" программасынын алкагында өткөрүлгөн эки күндүк семинар ишин баштаган. Семинарга Кыргызстан, Казакстан, Өзбекстандын китепкана, архив кызматкерлери катышып, адистер Борбор Азиядагы китепкана, музей, архивдердеги баалуу документтерди, сейрек кездешкен китептерди жана даректүү мурастарды сактап калуу тууралуу пикир алмашкан. Адистер баалуу мурастын эскирип, колдонууга жарабай калуу коркунучунан сактап калуу үчүн жаңы технологияларды колдонуу, аларды электрондук көчүрмөсүн алуу туурасындагы тажрыйбалары менен алмашкан. (21 жыл мурун)
