Жогорку Кеңештин депутаты Махабат Мавлянова Жакынкы Чыгыштагы жаңжал Борбордук Азия өлкөлөрүнө да экологиялык таасир тийгизиши мүмкүн экенин билдирди.
Анын айтымында, Израил Ирандагы мунайды кайра иштетүүчү заводдорго сокку ургандан кийин абага зыяндуу химиялык заттар тараган. Депутат бул заттар атмосфера аркылуу тарап, өлкө аймагына зыяндуу же кислоталык жамгыр түрүндө түшүшү мүмкүн деген кооптонуу бар экенин айтты.
"Бул процессти мониторинг кылып карай аласыздарбы? Кайсы облуска кислоталык жамгыр түшүшү мүмкүн? Техникалык жактан кароо мүмкүнчүлүгү барбы?",- деди эл өкүлү.
Жаратылыш ресурстары, экология жана техникалык көзөмөл министринин орун басары Асел Раимкулова Гидрометеорология кызматы абанын абалына атайын станциялар аркылуу туруктуу мониторинг жүргүзө тургандыгын билдирди.
+996 779 47 39 39 
