Багымда күндө булбул сайраса да,
Бир жолу көрбөптүрмүн ошол кушту.
Түшүмдө башка менен кеткениңди,
Жоорутуп албаптырмын ошол түштү.

Кайырма:
Ардагым, ардагым бактылуу бол,
Ардагым, ардагым таалайлуу бол.
Эгерде кызыңды мен деп койсоң,
Мен дагы уулумду сен деп коем...

Мен эми ошол бакка барбай калдым,
Атыңды жүрөгүмдөн алып салдым.
Жөн кана тилек айтып алыс жактан,
Бул ырды сага ырдап, арнап жаздым...

Кайырма:

Багымда күндө булбул сайраса да,
Бир жолу көрбөптүрмүн ошол кушту.
Түшүмдө башка менен кеткениңди,
Жоорутуп албаптырмын ошол түштү.

Комментарийлер (33)