Бул күндөр да өтүп кетер,
Кыйналган жандардын үнү жетер.
Баркын билбей бул жашоонун,
Жашадык заманда "өзүм" деген.
Бул сыноолор өтөт, кетет,
Жамандын артынан жакшы келет.
Абалыңды сурай турган,
Бул күндө адамга адам керек.

Узак жолду улап келген,
Ар бир таң өзгөчө кубат берген
Канча кыйын күн келсе да,
Адамбыз баарына чыдап келген.
Бул сыноолор өтөт, кетет,
Жамандын артынан жакшы келет.
Абалыңды сурай турган,
Бул күндө адамга адам керек.
Күндөн дагы, суудан дагы
Эң кымбат адамга адам керек.

Сабыр керек сынбай турган,
Жакшы күн бар али, улай турган.
"Чыңалсын",-деп адамзатты,
Сыноолорду Кудай сунган.
Бул сыноолор өтөт, кетет,
Жамандын артынан жакшы келет.
Абалыңды сурап турган,
Бул күндө адамга адам керек.

Адам жөлөк курбусуна,
Себепкер жаркыган турмушуна.
Кыйын күндө бирге өтөт
Таянып "эл" деген уул-кызына,
Ынтымакта жеңе турган
Кайрат бер, сабыр бер Кыргызыма!
Бул сыноолор өтөт, кетет,
Жамандын артынан жакшы келет.
Абалыңды сурап турган,
Бул күндө адамга адам керек.

Кайырма:
Сүйөм дедиң, сүйөм дедиң, сүйө албадың,
Күтөм дедиң, күтөм дедиң, күтө албадың.
Өмүр бою мени менен боломун деп.
Ал сөзүңө сен эмне үчүн тура албадың?

Жүрөгүмдөн орун алып өзүң гана,
Көпкө жүрдүк ак сүйүүгө азгырыла.
Мына эми турмуш куруу кез келгенде,
Кете бердиң аны менен азгырыла.

Кайырма:
Сүйөм дедиң, сүйөм дедиң, сүйө албадың,
Күтөм дедиң, күтөм дедиң, күтө албадың.
Өмүр бою мени менен боломун деп.
Ал сөзүңө сен эмне үчүн тура албадың?

Сен жүрсөң да аны менен бакылуу,
Кала бердим мен күйүнүп кайгылуу.
Бирок барбайм мен артыңдан сагынып,
Келчи, келчи сен мага деп жалынып.

Кайырма:

Өттү күндөр, өттү айлар арадан,
Сени көрдүм капалуудай карасам.
Адашыпсың көрсө сен бул турмуштан,
Таштап сени кете берди ал адам.

Жан дүйнөмдү үмүткө термей, кыялга термей.
Сага,сага санаалар сансыз агылат селдей.
Карап, карап карегим талып издесем да,
Бүт дүйнөдө таппадым сендей, көрбөдүм сендей.
Карап, карап карегим талып издесем да,
Бүт дүйнөдө таппадым сендей, көрбөдүм сендей.

Өзүң үчүн нур чачкым келет асманда күндөй.
Өмүр бою өзүң деп ырдайм чарчоону билбей.
Карап, карап карегим талып издесем да,
Бүт дүйнөдө таппадым сендей, көрбөдүм сендей.
Карап, карап карегим талып издесем да,
Бүт дүйнөдө таппадым сендей, көрбөдүм сендей.

Айдың көлдү айланып учкан айдарым желдей.
Сендей жанга көз арткан көптөр эч тынчтык бербей.
Ишен жаным, абайла жаным ким болсо да.
Чын баркыңды биле албас мендей, сүйө албас мендей.
Ишен жаным, абайла жаным ким болсо да.
Чын баркыңды биле албас мендей, сүйө албас мендей!

Сен жөнүндө ойлорум...
Деги кандай жансың ойлондурган?
Мен байланам өзүңө,
Ооруң берем жүрөк борборунан.

Музду ээриткен,
Көздөрүн жайдын жылуу убагы.
Тузду кемиткен,
Ээриниң таттуу,
Болом периштен.
Бакыттын жолуна багыт алсак,
Гүлдөй ачылам.

Мен жанында.

Жай, жай, жай
Тартыламын сени карай.
Жай, жай, жай,
Жүрөгүмдөн орун арнайм.
Жай, жай, жай,
Шыбырап сен, сүйөм дечи.
Жай, жай, жай,
Барайын мен сени ээрчип.

Чок салып сен, тутанып,
Жалындады тоңгон сезимдерим менин.
От алып мен өрттөндүм.
Түшунбөдүм сага сезилеби?

Мени дайым баалаган,
Түбөлүк сүйүү арнап,
Коргоочум болуп жүрчү сен!
Сага көздөй басамын.

Кайырма:
Жаныма келсең кылчайып карабайм,
Сүйкүмдүү сөзүңдү сүйүү деп санабайм.
Алдымдан чыксаң адашып жолуңдан,
Алдагың келип кармаба колумдан.

Бир жигит жолум тороду бастырбай,
Сүйүүсүн арнап мага сөз айттырбай.
Дос кызым айтты досумдун жоругун,
Анын да жүрүптүр эшигин каккылай.
Көйрөңдүгүң ий, көңдөйлүгүң эми байкадым...

Алдагың келип кармаба колумдан,
Алдымдан чыкпа, жигит, адашып жолуңдан.

Кат жаздың мага катасы толтура,
Сүйлөшөлү деп жанаша отура.
Катаңды оңдоп кадырлуу болууга,
Түшкүм да келбейт шайтандын колуна.

Кайырма:

Жылмакай жүзүң жылдызы бөлүнгөн,
Байкабас кызга баатырдай көрүнгөн.
Байкатып койбо мактанчаак сөзүңдөн,
Сөз баштап ага биринчи өзүңдөн.

Кайырма: