Суранам, кетпесеңиз, ичим тыз-тыз,
Жүрөктө сезимдерди ойготтуңуз.
Суранам, өчүрбөстөн ошол отту,
Жанымда дагы бир аз,
Жанымда дагы бир аз отуруңуз.

Кайырма:
Жүрөгүм, ичим тыз-тыз,
Сезимди ойготтуңуз.
Суранам, өчүрбөстөн ошол отту,
Жанымда дагы бир аз отуруңуз.

Сүйлөңүз, ширин экен сөздөрүңүз,
Тиктеңиз, назик экен көздөрүңүз.
Суктанып жүзүңүзгө тигилейин,
Айтылсын жүрөктөгү,
Айтылсын жүрөктөгү сөздөрүңүз.

Кайырма:

Суранам, кетпесеңиз, ичим тыз-тыз,
Жактыңыз махабаттын отун укмуш.
Жылынып ошол оттун илебине,
Жанымда дагы бир аз,
Жанымда дагы бир аз отуруңуз.

Эркелесең кулпуруп өзгөчөмсүң,
Элигиндей талаанын
Аруулардын кечеги данегисиң,
Ай үстүндө маралым.
Адамзаттын ажарлуу көркөмүсүң,
Күндөй ачык кабагың,
Көңүлдөгү сезимдей эрке кушуп,
Сагынычтын шамалы.

Кайырма:
Мөлтүрөгөн, мөлтүрөгөн
Мөлтүрөгөн жанарың...

Санаа-ойдун сезимдин чертимисиң,
Оттой неге жанамын.
Жүрөгүмдө жаралган махабатым,
Жоодураган каралдым.
Кербен сулуу чырайлуу келбетиңе,
Көзүмдү албай карадым.
Өз теңимди таба албай жер бетинен,
Бакытыма бааладым.

Кайырма:

Сызып учкан ак куудай көл бетинен,
Аппак экен тамагың.
Жадыратар жолумду, өмүрүмдү
Үлбүрөгөн жамалың
Сендей сулуу жок десем сен сезбейсиң,
Барбы менин амалым
Бул өмүргө келгендей жакшы ыр үчүн
Мөлтүрөгөн жанарым.

Ак көйнөк, кызыл көйнөк, жашыл көйнөк,
Кыздар ай, жүрөгүм от кетет ойноп.
Ойлонтуп кызгалдактай кылыгыңар,
Кыялым Ала-Тоону кетти бойлоп.

Кайырма:
Кыздар ай, эшигиңде көпкө күттүм,
Үшүдүм жамгыр жааган түндө калдым.
Ышкырдым терезеңер күйүп турду,
Укпадыңар күйүп- жандым.

Кыздарга арналат да ушул ырым,
Айтайын жүрөктөгү болгон сырым.
Санаага салып мени койдуңарбы,
Черткилеп өйдө-төмөн жүрөк кылын.

Турамын тоодой болгон ойду толгоп,
Кыздар ай, койдуңарбы бизди ойлоп.
Жылмайып сарсанаага салдыңарбы,
Ойлорум аккан сууну кетти бойлоп.

Кылыгың кыргыздын күүлөрүндөй,
Көркөмүң боёктун түрлөрүңдөй,
Жүзүңдөн чачырап ар бир нуруң,
Жайкалган жайлоонун гүлдөрүндөй.

Кайырма:
Шириним, шириним, таттуум менин,
Бал-шекер бардыгы айткан кебиң.
Жароокер жайдарым, жакшым менин,
Жадырап ала жүр жайдын демин,
Жаным менин.

Жылмайып мээримдүү караганың,
Маралдын көздөрүн ирмешиндей.
Жашоомду гүлдөтүп, кооздодуң да,
Шырдактын оймосу-чиймесиндей.

Кайырма:

Ашыктык сүйүүнүн желегиндей,
Жан дүйнөм махабат белегиндей.
Өзүңө арнаган сезимдерим,
Сыр каткан деңиздин тереңиндей.

Кайырма:

Кара бир тоонун боорунан,
Калдайып учуп куш конот.
Кара көз сулуу Даткайым, ай,
Кандай бир жанга туш болот.

Улуу бир тоонун боорунан,
Удургуй учуп куш конот.
Сурма көз сулуу Даткайым, ай,
Буйруган жанга туш болот.

Ак-Тоонун башы ак жалтаң,
Абайлап баспай тайгылдым.
Аз гана ойноп, көп күлгөн, эй,
Даткайым, сенден айрылдым.
Аз гана ойноп, көп күлгөн, ай,
Даткайым, сенден айрылдым.