Туулган жерим асыл турагым,
Сезимимде өчпөс чырагым.
Симфония болсоң сен эгер,
Нота болуп сага турайын.

Кайырма
Кереметтүү күүлөр куюлуп,
Кулагымда турат угулуп.
Туулган жерим сенде турбайбы,
Айтып бүткүс кооз сулуулук.

Түшкө кирсе түркүн жамалың,
Жүз көрүшүп тунуп каламын.
А сен болсо бүтпөс чоң дастан,
Бар болгону мен бир сабагың.

Обон салып талаа жаңыртып,
Кайрыктары миң бир кыялдын.
Дептер болсоң сансыз барактуу,
Из калтырар мен бир сыямын.

Комментарийлер (12)