Ар дайым көздөрүбүз чагылганда
Күнөөсүз сүйүүбүзгө багынам да.
Сыртыман колум шилтеп жүргөн менен,
Мен сени сагынам да, сагынам да.

Мен сени кол тийгизбей аяп сүйгөм,
Жан бирге жолдошумдай санап жүргөм.
Мен сени күндө кыспай кучагыма,
Мен сени аяп жүргөм, аяп жүргөм.

Каш керип карегиме тартып элес,
Эркелеп сүйдүрбөчү, кагылайын.
Жалындап жамалыңа күйүп эмес,
Жөн гана агаң болуп сагынайын.

Комментарийлер (1)