Ажарыңды ач, кызым, ай шоолаңды чач, кызым.
Бакыт жолуң ачылсын, жан кызым.
Таза сүйүү тамчысын, карма бакыт жарчысын.
Жаратканым жалгап, таалайыңды тап, кызым.

Кайырма:
Кудай берген, ай кызым, кыялдарга бай, кызым,
Бойго жеттиң мына, өз жолуңду тап, кызым.
Атакеңдин, апаңдын ак батасын ал, кызым.
Жараткандан тилейм, бактылуу бол, жан кызым!

Аппак сүтүн актагын апакеңдин, жан кызым.
Акыл сөзүн таштабагын, ай кызым.
Айың сөзгө салбагын атакеңди, жан кызым.
Кайын журтту сыйлап, акылдуу бол, ай кызым.

Кайырма:
Кудай берген, ай кызым, кыялдарга бай, кызым.
Бойго жеттиң мына, өз жолуңду тап, кызым.
Атакеңдин, апаңдын ак батасын ал, кызым.
Жараткандан тилейм, бактылуу бол, жан кызым.
Жараткандан тилейм, бактылуу бол, жан кызым.

Комментарийлер (7)