Агарып аткан таңдайым,
Арзуумду сизге арнадым.
Арабыз алыс болсо да,
Асылым, сизди тандадым.

Жаркырап аткан таңдайым,
Жалындап жүрөк ар дайым.
Жашыңыз өйдө болсо да,
Жаштыгым сизге арнадым.

Жакуттан шуру тизейин,
Жан билбес жерден күтөйүн.
Жан сырымда калсаң айтылбай,
Жаштыктан үмүт үзөйүн.

Берметтен шуру тизейин,
Белгилүү жерден күтөйүн.
Боогачым болуп келиңиз,
Болоюн сиздин Үкөйүң.

Ашыктык жолу тар беле?
Арзыган мендей бар беле?
Адашып да калсам тапмакмын,
Агатай, сизди кайра эле.

Сүйүүнүн жолу тар беле?
Сүрдөгөн кандай жан эле?
Кайрадан келсем жашоого,
Сүймөкмүн сизди кайра эле.

Комментарийлер (0)