Сени таппай издеп жүрөм,
Карааныңа зар болуп.
Айтчы, менин кайсы күнөөм?
Жүрөк сыздайт, ый толуп.

Кыйналам түндө уктабай,
Күтүүдөн көңүл калбай.
Келчи эми, асыл ардагым,
Агарып аткан таңдай.

Жылытчы тоңгон жүрөктү,
Кусалыгым жүдөттү.
Күтүүдөн жүрөк чарчады,
Азаптуу күндөр өттү.

Көздөрүң сенин карагат,
Көңүлдү эзип, жаралап.
Көөдөндө толгон кусалык,
Ыр болуп сага арналат.

Комментарийлер (0)