Көз көргүс, кулак уккус алыс экен жүргөн жерим,
Жылуулук, шаттык берет сенин демиң.
Кайгы-муңду тартпаган өмүр бою,
Кайгысыз жашай бергин, ак калпак кыргыз элим!

Кайда жүрсөм шаттантат сенин демиң,
Дем алсам дем берет токой-чериң.
Адырың кызыл-тазыл гүлгө оролгон,
Ак чокулуу тоо жайлаган кыргыз элим!

Токойлуу, ак чокулуу менин жерим,
Кош колдоп кымыз сунат кыргыз элим.
Өмүр бою меймандос жаралгансың,
Өркүндөп, өсө бергин, ак калпак кыргыз элим!

Кылым бою жашай бергин, кыргыз элим!

Комментарийлер (1)