Оо, досторум ооматтары келишкен
Омал төкмөл, бул өмүрдө
Оор, жеңилин бөлүшкөн,
Жан досторум жарык кылган бактымы
Жандап чогуу көтөрүшкөн жаман-жакшымды.

Кайырма:
Досторум менин досторум -
Кымбаттар жүрөктөгү, кубаттар билектеги,
Мендеги жигердин тиректери,
Эң таза тилектери.

Ай, досторум алыс болсо жокторум
Аруу дилден урматташып алга жылсам кошторум
Ыраазымын ырысымдын барына
Ынтымакта бир бололу мындан ары да.

Кайырма:

Өмүр маңызындай, гүлдүн дарысындай
Чыныгы достор ишеничим, демим
Урматтарым менин.

Кайырма:

Комментарийлер (1)