Көз артат көптөр жериме,
Көз мончок тагып койсомбу?
Көркөмүң дагы арттырып,
Көпөлөк болуп консомбу?

Сук артат көптөр жериме,
Айланып сууну чачсамбы?
Ансайын көркүң арттырып,
Ак марал болуп барсамбы?

Кайырма:
Сактасын суук көздөрдөн,
Садагам Оштой жеримден.
Сулайман пирим колдосун,
Жоо жүрөк, баатыр элимди.

Колумдан келсе туулган жер,
Көз тумар болуп тагылсам.
Уулуңду кимдер талашмак,
От жалын болуп жагылсам.

Кайырма:

Комментарийлер (7)