Сүмөлөгүн кайнаткан, дасторконун жайнаткан,
Бал кымыз, тунук суусу дүйнө элин тамшанткан.
Чалкып жаткан көлүбүз, Теңир сүйгөн жерибиз,
Манас баба урпактары, эгемендүү элибиз.
Тоолоруң жайкалган, атыр жыт арчалар,
Кыргызстан жерине бүт аалам барабар.
Бөбөктөр жаралат Ала-Тоо жеринде,
Ак бата беришет меймандос элиме.

Кайырма:
Аска зоо каарданат намысты алдырсак,
Аталар арданат, алгала, уландар.
Ала-Тоо шаңданат, апалар нурданат,
Ат салып ойносо ак калпактуу кулундар.

Ак мөңгүлүү аска зоо кыргыз жерге көз салат,
Ак калпактуу кулундар, ий, оюн салып жар салат.
Сүрүп чыгат мекенден элин-жерин сатканды,
Сүрү күчтүү кулундар, ий, жеңиш менен кайтканы.
Тоолоруң жайкалган, атыр жыт арчалар,
Кыргызстан жерине бүт аалам барабар.
Бөбөктөр жаралат, Ала-Тоо жеринде,
Ак бата беришет меймандос элиме.
Кайырма:

Комментарийлер (12)