Ыр угуңуз, сизге арналып жазылган,
Ыр артында өзүм бармын жашынган.
Гүл жыттанып, бал татыган үлбүрөк,
Сүйүү ырларын сүйөсүзбү, асыл жан.

Ыр угуңуз, бир аз токтоп, агатай,
Буулугуу жок, кудум баёо баладай.
Бул дүйнөдө болгон үчүн махабат,
Күндүзү күн, түндө көрүп жанараак.

Кайдан мага кыш сезимди жаз кылуу,
Махабаттан шарап сунуп мас кылуу?
Бар болгону убактыңды алармын,
Өзүмө окшош уяң ырым аркылуу.

Комментарийлер (0)