Жанр:Эстрада
00:03:51
48,27 Мб
Жүктөлгөн: 29-07-2015
Мен - кыргызмын, кылыч мизде ойногон,
Кылымдардын улуу жээгин бойлогон.
Өмүр өчүп, кайра тирилик башталат,
Өттү далай кыйын кезең ондогон,
Мен - кыргызмын!
Кайырма:
Комузун чертип сайраткан,
Жоргосун токуп камдаткан.
Кыздары да кымыз сунушуп,
Бешбармагын, даамын жайнаткан,
Ээ, эй, мен - кыргызмын!
Мен - кыргызмын, барган тоосу калбаган,
Азаттык деп азап туусун кармаган.
Кыз Сайкалдар кыргын жолун торосо,
Айчүрөктөр күлазыгын камдаган,
Мен - кыргызмын!
Беттеген оюн бербеген,
Береке да, куту эл менен.
Кыздары да назик, чырайлуу,
Пейили да кенен көл белең,
Ээ, эй, мен - кыргызмын!
Мен - кыргызмын, тулпар минип ойногон,
Мекен сүйүп, мекен камын ойлогон.
Кереметтүү, кең пейилдүү элимдин,
Келечегин ойлоп күндө толгоном.
Мен - кыргызмын!
Бапырап түрлүү мал болсун,
Байлыгың ашып, бар болсуң.
Кыйырың өссүн, кыргызым, ай,
Кудайым сага жар болсун,
Ээ, эй, мен - кыргызмын!
Мен - кыргызмын, дүйнө эли тааныган,
Медер туткан мекеним бар таанымал.
Кан Манастын урпактары бар болсун,
Кагылайын калың кыргыз калкыман,
Мен - кыргызмын!
Кайырма:
