Автор : Илимбек Туратбек улуу

Оператор : Сергек Шатманов

Бишкекте сөз эркиндигин коргоого багытталган тынчтык жөө жүрүшү өттү. Иш-чаранын катышуучулары Жеңиш паркынан Уркуя Салиеванын эстелигине чейин жөө басып келишти. Жүрүш убагында айрым катышуучуларды милиция кармап кетти. Алардын арасында Жогорку Кеңештин депутаты Каныбек Иманалиев, активисттер Мавлян Аскарбеков, Айбек Мырза, энергетика жаатындагы эксперт Расул Умбеталиев жана журналисттер болду. Көп өтпөй Каныбек Иманалиев бошотулду. Ал эми калган кармалгандар 5 суткага камакка алынышты.