Автор : Илимбек Туратбек уулу

Оператор : Мундуз Нурланбек уулу

Ушул жылдын 18-апрелинде Чүй облусуна караштуу Жайыл районунун Алексеевка айылындагы үйлөрдүн бири өрттөнүп кеткен. Алоолонуп өрттөнүп жаткан тилсиз жоону өчүрүү үчүн биринчилерден болуп кошуналары келишип, тамдын ичинен үйдүн ээси Каныбек Какешовдун күйүп калган жансыз денеси табылган. Бул иш боюнча Жайыл РИИБинин тергөө бөлүмү тарабынан издөө иштеринин жыйынтыгында кылмышка шектүу катары маркумдун 48 жаштагы кайниси кармалган. Учурда ал аталган бөлүмдүн убактылуу кармоочу жайга камалып, тергөө амалдары жүрүүдө.