Автор : Илимбек Туратбек уулу

Оператор : Мундуз Нурланбек уулу

31-октябрда “Газпром нефть Азия” компаниясы уюштурган “Кыялыңызды утуп алыңыз!” акциясынын 2-этабынын жеңүүчүлөрү аныкталды. Аталган акциянын 2-этабы 19-августтан 20-октябрга чейин өткөрүлгөн. Салтанаттуу иш-чарада ноутбуктар, унаа үчүн шаймандар, G-Drive сертификаттары сыяктуу 200дөн ашуун белектер жеңүүчүлөргө тапшырылды. Ал эми 2-этаптын башкы байгеси катары Ысык-Көлдүн жээгиндеги “Роял Бич” пансионатында 3 бөлмөлүү коттедж ойнотулган. Анын жеңүүчүсү 44 жаштагы сатуучу Замирбек Чакиров аталды. Чакировдун жашоосундагы эң чоң кыялы орундалып, кубанычы коюнуна батпай турган чагы.