Автор : Кызжибек Раимова

Оператор : Руслан Алыбаев

Маданият, маалымат жана туризм министри Султан Жумагулов 59 жашында мезгилсиз дүйнө салды. Ал онкологиялык оору менен жабыркап, бир канча жолу Түркиядан операция жасатып келген. Маркум 1959-жылы Нарын облусунун Ат-Башы районунда туулган. 1980-жылдары Кыргыз мамлекеттик университетинин журналистика факультетин аяктаган. Андан соң өлкөдөгү бир катар маалымат каражаттарында эмгектенип, 2009-2010-жылдары президенттин катчылыгынын аналитикалык кызматынын жетекчилигине дайындалган. Андан кийин "Азаттык-Медиасынын" Бишкектеги кеңсесинин жетекчиси, “ЭлТР” телерадиокомпаниясынын, КТРКнын башкы директору кызматтарын аркалаган. Маркумдун артында 1 уул, 3 кызы жана жубайы калды.