Автор : Кызжибек Раимова

Оператор : Мундуз Нурланбек уулу

Кыргыз өлкөсү Казакстандан тоок этин ташып келүүгө убактылуу чектөө киргизди. Бул тууралуу Ветеринардык жана фитосанитардык коопсуздук боюнча инспекциясынан кабарлашты. Тоок этин импорттоого чектөө киргизүүгө Казакстан менен Кыргыз өлкөсүнүн чектеш аймактарында куш тумоосу жайылып жатат деген маалыматтын тарашы себеп болгон. Инспекция Казакстандын тиешелүү органдарына чыныгы абал боюнча так маалыматты аныктоо өтүнүчүн жиберген. Абалга жараша чектөө алынат же улантылат.