Бул жолу биз этно-дизайнер Каныкей Батырованын өзгөчө BATYROVA бренди менен жакындан тааныштык. Кыргыздын байыркы салт-санаасын жана орнаменттерин заманбап мода менен айкалыштырып жараткан бул коллекция бүгүнкү күндө жаңы деңгээлге көтөрүлдү. Дизайнердин айтымында, кийимдерге алтын өңүт кошулуп, улуттук кийимдерди өзгөчө жасалга менен жандантты. Мунун баары кыргыздын бай маданиятын дүйнөгө таанытуу максатын көздөйт.