Көлөмүң болуп кичине,
Көзүмдүн батсаң ичине.
Көргөзбөй алып жүрмөкмүн,
Көңүлү бузук кишиге.
Карааның болуп кичине,
Каректин батсаң ичине,
Каратпайт элем өзүңдү,
Карашы бузук кишиге.

Карасаң башка кишиге,
Кан толо түшөт ичиме.
Эриксе жүрөк булкунуп,
Ээ боло албайм күчүмө.
Жанаша калсаң кичине,
Жалдырап карайм жүзүңө,
Балакет кылбасаң экен,
Башканын кирип түшүнө.

Бийлетип ой-санаамды,
Биликтей күйүп-жанамбы?
Элестеп жүрүп өзүңдү,
Эс жинди болуп каламбы?
Кыйсыпыр кылдың санаамды,
Кыргыздан сендей табамбы?
Сыртыңдан жүрүп кызганып,
Сыркоолуу болуп каламбы?

Көлөмүң болуп кичине,
Көзүмдүн батсаң ичине.
Көргөзбөй алып жүрмөкмүн.
Көңүлү бузук кишиге.
Айтканга күйүп айла жок,
Ашыктык оту кайда жок.
Мени сүй, эгер ишенсең,
Мен сүйгөн менен пайда жок.

Балбылдап жанган чырагым элең,
Жанымда жүргөн ынагым элең,
Алыста жүрсөм, таштап сен кеттиң,
Ардагым менин туруксуз белең.

Кайырма:
Азыр да ойдо элесиң турат,
Сагыныч отун өзүңө бурат,
Эстесем өткөн күндөрдү,
Көзүмдөн жашым агат, куюлат.

Андан бери күндөр өттү уланып,
А мен болсо жүрөм сени сагынып,
Жүрөгүм сыздап кетет сени ойлосом,
Унутпай эстей жүргүн мени дагы.

Кайырма:

Сүйгөнүм, мен тагдырга таарынбаймын,
Сүйбөсөң – сүйчү деп жалынбаймын,
Күтөмүн, күтө берем махабатым,
Сүйгөнүм, сүйчү элем сени дагы.

Кайырма:

Ойгоносуң эртерек,
Көз алдыңда интернет,
Барактап баракчаңды смс келет.

Мен да сага жазылгам,
Жообуң жок күтүп жатсам,
Мен деле кыргыз жигит сага ашыккан.

Кайырма:

Карагым ай карагым,
Сулуу сулуу жамалың.
Чырагым ай чырагым,
Көңүл буруп койчу сурарым.

Келчи келчи карагым,
Актай кылбай сүйүү барагын.
Күлүп койчу барайын,
жүрөгүңдөн оорун алайын.


Баракчаң менден бийик,
Катталган канча жигит,
Кантсе да ишенип кой сүйүүмдү билип.

Түз эфир кылганыңда,
Билгизбей кызганам да,
Бир күнү алып кетем менин айлыма.

Кайырма:

Карагым ай карагым,
Сулуу сүйкүм жамалың.
Чырагым ай чырагым,
Көңүл буруп койчу сурарым.

Келчи келчи карагым,
Актай кылбай сүйүү барагын.
Күлүп койчу барайын,
жүрөгүңдөн оорун алайын.

Суктансам сүрөтүңө,
Карагаттай көзүңө,
Жигиттик намыс менен жетем өзүңө.

Сулуу карындашым ай,
Интернет жылдызым ай,
Бактылуу кылам сени жаным жаным ай.

Кармашып колдоруңдан баскым келди,
Өзүңдү таптым эми.
Таңдарды сени менен бирге тосуп,
Бакытка баткым келди.
Жайнаган жылдыздардай көздөрүңдү
тумардай таккым келди.
Ардагым ушул түнү бир өзүңө,
Таттуу сөз айткым келди.

Кайырма:

Сен келечегим бол, келинчегим бол,
Кечигип келсем үйгө кечирер сен бол.
Түбөлүк сен бол, түгөйүм сен бол.
Жаркылдап жан дүйнөмө жанарым сен бол.

Күн болуп түштөрүмө киргениңде, ишенем эртеңиме.
Жашоону жарык кылып жанымда бол,
ойгонуп кеткенимде,
Берейин жүрөгүмдү сага арнап, берейин түбөлүккө,
Жашайлы чексиз сүйүү, бакыт менен экөөбүз эки дүйнө.

Кайырма.
Сен келечегим бол, келинчегим бол,
Кечигип келсем үйгө кечирер сен бол.
Түбөлүк сен бол, түгөйүм сен бол.
Жаркылдап жан дүйнөмө жанарым сен бол.