Кыска этек киесиң,
Кылыктуу жылмайып жүрөсүң.
Кыйналып ичимден,
Кызганып жатканым билесиң.
Сымбатың менен сыйкырлап мени,
Санаага ойду чырмап салдың.
Жашоомо бакыт тартуулап анан,
Жүрөктү аста уурдап алдың.

Кайырма:
Саамайыңа күндү илейин,
Сен да мага көңүл бурчу!
Махабатым билдирейин,
Токтой турчу!
Сезимимди океандай,
Сен да туюп кабыл алчы.
Эзе бербей өчүң бардай,
Аясаңчы!

Көзүңдү боёйсуң,
Көңүлдү азгырып коёсуң.
Кокустан кез келсек,
Көрсөң да, көрмөксөн болосуң.
Жамалың менен жадырап карап,
Жанымды торго илип алдың.
Жомокто сулуу периште сымал,
Жүрөккө аста кирип алдың.

Күтүүсүз сүйүү жаралып,
Күн сайын барам арбалып.
Секелек кызды жактырган,
Жүрөккө турам таң калып.

Кайырма:
Сен бир карап койсоң жүрөк эзилет,
"Байке" деген сөзүң "жаным" сезилет.
Жылуу сезим берген, эрке карындаш.
Сен менен бактым, келечегим көрүнөт.

Айырма бир топ эле жаш,
А бирок сендей табылбас.
"Байке" деп жүрөк эзбечи,
Сүйөмүн сени, карындаш.

Кайырма:

Алыс кетсем үйүмдөн, кабатырланып,
Күнү-түнү уктабай санаага батып.
Кара чачың агартып, бизди чоңойттуң,
Рахматымды айтсам да, таманыңда н өпсөм да.
Аздык кылат апакем.

Кайырма:
Апакемдин маанайы,
Ачык болсун ар дайым.
Оорубачы апакем,
Узун өмүр каалаймын.

Төрүбүздүн көркүсүң, бейиш үйүбүз,
Сизден алып тарбия, тунук дилибиз.
Балдарыңды чоңойттуң, урмат-сыйын көр,
Небере да жетелеп, алар сага эркелеп,
Узак өмүр сүрүңүз.

Кайырма:

Бүтпөйт го эч качан иш деген,
Жүргүлө көлүмө биз менен.
Эс алуу жээгинде эң сонун,
Эңсөөнү табасың издеген.
Толкуну Ысык-Көлүмдүн,
Толкутуп турат өмүрдү,
Ыр-бийге толуп шаңданып,
Ар бир күн өтөт көңүлдүү.

Ысык-Көлүм, Ысык-Көлүм,
Кучагын жайып чакырат, го.
Ысык-Көлүм, Ысык-Көлүм,
Жээгине баарын батырат, го.
Ысык-Көлүм, Ысык-Көлүм,
Жүрөккө сүйүү толтур да,
Ысык-Көлүм, Ысык-Көлүм,
Жаныма кубат толкундар.

Ач чардак көл үстүн айланып,
Ажары күү болуп чертилер.
Ак кеме үн салып айдалып,
Азгырат чиркин, сымбаттуу селкилер.
Кыз-жигиттер жээктеги.
Кыналып бүтпөйт кептери,
Ырахат менен куурчалган,
Ысык-Көлүмдүн кечтери.

Кайырма:

Аба ырайы күн ысык кезде,
Керектүү буюмдарды тезден,
Чогултам мен, чогултат досторум.
Баарыбыз көл жээгинде бирге таңды тоскону,
Нурлар менен кубат алып, позитивди кошкону.
Баратам Ысык-Көл, керемети Салкын-Төр,
Калды саналуу мүнөттөр,
Сүйүнүч бардай жүрөктө,
Өтүп нечен чакырым, жай, ылдам, акырын.
Кирип келдик Ысык-Көлгө,
Жанымда бар жакыным.
Ысык-Көл керемети, кыргызымдын бермети.

Байлыгым Ысык-Көл,
Балуу, сыймыгым Ысык-Көл.
Келер дарегим Ысык-Көл,
Көрөр карегим Ысык-Көл.

Жүрөктө сезимди жалгызым жараладың,
Канча убак күттүрүп, сен неге кайрылбадың?
Канчалык сүйөрүмдү билесиңби,
Айла жок мен сага эми кош айтамын.

Кайырма:
Мен эми кайгырбайм,
Сени эстеп көзгө жаш албайм,
Жүрөгүм ыйласа да, сен деп,
Болду эми сагынбайм
Мени издеп кайрылба,
Кечиктиң эми садага,
Сен кеттиң, эми сен сагынба.

Бир кезде ээрчишкен махабатым элең,
Түбөлүк жанымда, болом дечү элең.
Бал ширин бактылуу күндөрдү унуттуңбу,
Оорутуп жүрөктү, кай жакка кеттиң экен.

Өмүрдөгү издеп тапканым,
Өзүң менен ачык асманым.
Ак жоолук салып, жубай болуп,
Астанамды аттадың.

Кайырма:
Оорусам дарым, жашоомдо баарым,
Таттырган бакыт даамын,
Менин түбөлүктүү жарым.
Апамдын күткөн келини сенсиң,
Айдын нуруна теңсиң,
Бир сени менен кут келсин.

Көпчүлүктү сыйлап жүгүнгөн,
Көшөгөнү көрккө бөлөгөн.
Үйдүн ичине жарык чачкан,
Татынакай затыңдан.

Кайырма:

Бул өмүрдө ак сүйүү бир келет,
Ар жүрөккө бирден түгөй берет.
Ишене бергин жалган жашоодо,
Өзүңдү сүйгөн сезим өзгөрбөйт.

Билемин жаным ишениш керек,
Мындай сезимди жүрөк сезе элек.
Кыялдарымды өзүңө арнайм,
Жакшы тилектер кепилдик берет.

Кайырма:
Сен, мен бакыт издедик,
Тандап кимди сүйбөдүк.
Бакыт дайыма жанаша,
Жүрсө неге сезбедик.

Махабатыбыз ынтымак берсин,
Бакыттын дамын жүрөктөр сезсин.
Сүйүүнүн күчү күн өткөн сайын,
Салкындап кетпей, эселеп өссүн.

Жан шерик издеп, ак сүйүү таптым,
Көп жигиттерден бир өзүң жактың.
Түбөлүк сүйөм, сага сөз берем,
Жөлөгүм сенсиң, таалайым, бактым.

Кайырма:

Супер гезит бул – “Супер Инфо”,
Супер гезит менен алдыда бол.
“Супер-Инфодон” гана табасың,
"Супер" менен мезгилден калбайсың.
Мезгил өтөт, заман өзгөрөт,
Убакыт талыкпайт, оку көбүрөөк.
Ошондо гана сен алдыда болосуң,
Өз колуңда сен туура жолдосуң.
Бизди танда биз сени тандайбыз
Бирге, чогуу биз артта калбайбыз.
Талантың барбы, өргө чабар өнөр,
Анда эмне турасың? Биз менен бол.
Бер өзүңө жол, кыл элиңе кызмат,
Бери көздөй чыгып, элиңе бер кубат.
“Супер-Инфо” дайыма бол кабардар,
Бизге кошул, мезгилден артта калба!


Жымыңдаган жылдыздардай,
Көктө жарыктардай.
Эмгек менен ал талыкпай,
Тартылат сыйкыры бардай.
“Мезгилден артта калба!” деп
Бакыт тилеп,
“Мекенди ыйык сакта” деп,
Сатпагын деп.

Кайырма:
“Супер-Инфо” элим менен,
Жерим менен, эскирбеген.
“Супер-Инфо” кылымдарга,
Өчпөс болот эскирбеген.

Жолун улай бирге болом,
"Супер" артта калбайт.
Эмгек менен ал талыкпай,
Адашпай жолун ал тандай.
“Мезгилден артта калба!” деп,
Бакыт тилеп.
“Мекенди ыйык сакта” деп,
Сатпагын деп.

Сен тартынбай мага карачы,
Колуң сунуп колум кармачы.
Түбөлүктүү болуп мен менен,
Көп кыйнабай менин санаамды.

Кайырма:
Мен суранам, сенден суранам,
Сен кайрылсаң абдан кубанам.
Колтукташып сен менен басып,
Алкымыңдан ай мен жыттасам.

Түшүнбөдүм сенин оюңа,
Бере албадың каттын жообун да.
Жүрсөң керек сен да кыйналып,
Ойго батып сарсанаага.

Кайырма:

Оо, менин сүйгөнүм, Назира,
Жүрөгүмдө жалгыз сен гана.
Кармашып колубуз дайыма,
Калсынчы, садагам Назира.

Эңсетип мени кыйнадың
Эсимден такыр чыкпадың.
Ээрчитип мени, аны да.
Эмнеге бизди алдадың?
Агарып таңдын атканын,
Тосчу элек дайым аппагым.
Түбөлүк бирге болом деп,
Мени да, аны алдадың.

Уктабай күнү-түнү да,
Экөөбүз ашык бир кызга.
Адашып сүйүп жүрүппүз,
Байчечек гүлдөй бир кызды.
Эх, досум, болду кайгырба,
Табылат сага, мага да.
Мээримин төксө махабат,
Жүрөктөр жылыйт дагы да.

Өзүң деп өткөн күндөрүм,
Өкүнүч эмес, кубаныч.
Сени менен жүргөн түндөрдү,
Эстеп биз күлүп жүрөөрбүз.
Түбөлүк эсте сакталат,
Ал күндөр биздин жүрөктө.
Эстеген сайын жылмайып,
Жүрөбүз мезгил өтсө да.

Уктабай күнү-түнү да,
Экөөбүз ашык бир кызга.
Адашып сүйүп жүрүппүз,
Байчечек гүлдөй бир кызды.
Эх, досум, болду кайгырба,
Табылат сага, мага да.
Мээримин төксө махабат,
Табылат сага, мага да.

Уктабай күнү-түнү да,
Экөөбүз ашык бир кызга.
Адашып сүйүп жүрүппүз,
Байчечек гүлдөй бир кызды.
Эх, досум, болду кайгырба,
Табылат сага, мага да.
Мээримин төксө махабат,
Жүрөктөр жылыйт дагы да.

Билбеймин мени кантип арбадың,
Көп кыздардан бир сени тандадым.
Бүт өмүрүмдү сага арнадым мен,
Жүрөк ээси жалгыз өзүңсүң.

Кайырма:
Сен менен татамын,
Издеген бакыт даамын.
Жанымда күлүп турсаң,
Сүйө берем ар дайым.

Жүрөккө нурун чачкан күнүмсүң,
Жашоомдун көркүн ачкан гүлүмсүң.
Түбөлүккө бир келчү сүйүүмдүн да,
Ээси жалгыз өзүңсүң.

Кайырма:

Жалындуу жаштык барында,
Ойно дос, курбу кайгырба.
Убакыт өтсө кайрылбайт,
Жаштык кез сага, мага да.

Студенттик гүл курак
Эх, сонун жаш курак
Сен кеттиң бизден алыстап кайда.
Суранам кетпечи, кайрылып келсеңчи
Алыстап сен бизден узаба.

Кайырма:
Студенттик кундөр керемет,
Ал күндөргө эмне тең келет
Баа жеткис баалуу күндөрүм
Жамгырдай кеттиң себелеп

Сүйүүнүн таза барагын,
Студенттик кезде тапканмын
Окуу деп, билимге чакырган,
Эже-агайларым сагындым.

Кайырма:

Мен жалгыз, жалгыз, сезимдер алсыз,
Сагынуудан башка таппаймын айла,
Жолуккан күндөр, жомоктой түндөр
Кайда, кайда?

Кайырма:
Мейли, мейли жүрөгүмдү жылытпай,
Мейли, мейли учуп кетсең булуттай.
Бийик коюп сүйүүнү намысымдан,
Бир өзүңдү сүйөмүн унутпай.

Эңсетип жанды, эсиңде барбы,
Эгиздердей чогу тосчубуз таңды.
Тунук махабат, жүрөк жаралап,
Кайда калды?

Кайырма:

Түн сүйүүмдү сага болгон,
Ушунча да эзесиңби?
Сага арнап ырдап жатам,
Сүйүүмдү сен сезесиңби?

Кайырма:
Сага арнаган ак сүйүүнүн,
Кадырына жетесиңби?
Макул болуп мени менен,
Токтогулга кетесиңби?

Жолугууга чакырайын,
Жообун айтып келесиңби?
Анчалык көп кыйнабачы,
Алда мени сезесиңби?

Кайырма:

Айтчы гана, жообун айтчы,
Алоолонуп күйүп барам.
Анчалык көп назданбачы,
Ал ансайын сүйүп барам.
Келчи, гүлүм көп күтпөстөн,
Максатыма жетсем окшойт.
Күтө бербей Токтогулга,
Алып качып кетсем окшойт.

Кайырма:

Бийик болуп Ала-Тоодон бактыңар,
Балдай таттуу сүйүү таптыңар.
Көңүл кушу бири-бирин жактырып,
Кош ак куудай канат кактыңар.
Тагдыр буйруп, ушул күнү баш кошуп,
Той өткөрүп турган чактыңар.
Келиңиздер деп сыйга чакырып,
Конокторго эшик ачтыңар.

Кайырма:
Жар болгула ата-энени сыйлаган,
Жалпы журттан урмат жыйнаган.
Жашооңорго ынтымакты каалайбыз,
Жан болгула сүйүп, кыйбаган.

Жүрөгүңөр махабат деп кагылсын,
Жүзүңөрдөн бакыт чагылсын.
Куда болуп эки тарап достошуп,
Кубанычтар толкуп агылсын.
Куттуктайлы эки жашты чын дилден,
Коломтоңор өчпөй жагылсын.
Ак сакалдардын батасы тийип,
Алдей үнү үйдө жаңырсын.

Кайырма:

Заманыбыз бузулгандай туюлат.
Жаштар жүрөт көчө тентип аралап.
Кыргыз элим намыскөйлүү калк келген,
Таштагыла, жакшы жолго алып барбайт.
Кыйын кезде кырылбаган кыргызым,
Башын ийип чөгөлөбөй көп кылым,
Алдырбастан эч бир жанга намысты,
Сактап келген Ата Мекен кыргызым.

Кайырма:
Байлык, бийлик азгырат го жолуңдан,
Кыргыз элим, адашпагын жолуңдан.
Ынтымактуу болуп элим жашайлы,
Заманыма ыйман бергин, Жараткан.
Жараткандан жалыналы, сурайлы,
Элибизге берсин тынчтык, ыйманды.
Бирибизди тонобойлу, кыргызым,
Ортобузда ынтымак, күч орносун.

Байлык десе адашабыз түз жолдон,
Пулун берип чоң жумушка орношкон.
Жок болсо дейм ошондойлор арадан,
Оңолот го кыргыз элим, оо, качан?
Кыргыз деген атыбыз эч өчпөсүн,
Кылымдарга жаша, эрип чөкпөгүн.
Ата Мекен жалгыз бирөө, экөө эмес,
Ырыскыңды, кыргыз элим, төкпөгүн.

Кайырма:

Карек толуп, ата-энең толкуп кубанат,
Келген элең сен жарыкка бүгүн ыңаалап.
Көңүл сүйгөн сайран, достор менен майрам,
Ар жыл сайын, ай, уланат.
Кучак толо гүлдөр, жылмайышкан жүздөр,
Туулган күн шаңга бөлөнөт.

Кайырма:
Бүгүн, бүгүн, бүгүн
Сенин туулган күнүң.
Амандыкты тилейли,
Ден соолукта жүргүн.
Ачылсын ар дайым
Жаштык өмүр гүлүң,
Бактың, сүйүүң.
Бүгүн, бүгүн, бүгүн
Сенин туулган күнүң.
Ата-эне бир тууганга,
Алтын башты ийгин.
Жашоонун кадырын
Узак жашап билгин,
Ойноп-күлгүн.

Жаркын маанай, дасторкон үстүн саймалап,
Жакындарың кымбат белек алып камданат.
Коноктор топтолуп, ыр-бийлер коштолуп,
Куттук сөздөр, ай, арналат.
Эч нерсе жетпеген, эсиңден кетпеген
Эх, кандай сонун салтанат, эй.

Кайырма:

Күлсөң эгер назарыңдан,
Күн шооласы чачылат.
Күлмүңдөгөн ажарыңдан,
Көңүл чери жазылат.

Карегиңде бир сырың бар катылган,
Көрсөм сени жүрөк тойбой сагынган.

Кайырма:
Селкинчек сезимдерге күүлөнүп,
Сейил куруп жүрөлүк.
Сырымды ачык айтсам жашырбай,
Сага сүйүүм түбөлүк.
Жаз сымал жүрөктөргө гүл өнүп,
Жанашып биз жүрөлүк.
Жан дүйнөм ашыктыкка берилип,
Жакшы көрөм түбөлүк.

Жылытасың илебиңе,
Жалындаган от сындуу.
Жакындашып тилегиме,
Жаштыкка нур коштуңбу?

Бийиктеги махабат жылдызымды,
Билгизбестен уурдап кеткен жоксуңбу?

Кайырма:

Айлуу түндө мен жалгыз,
Отурамын сени эстеп.
Бирге жүргөн күндөрдү,
Сагынып жүрөк эңсеп.

Унута албай келем мен өзүңдү,
Балбылдап жанган кара көзүңдү.
Сагындым ошол чексиз күндөрдү,
Саргайтпай келчи жүрөктү.
Сагындым жаным, сени сагындым,
Махабаттын отуна малындым.
Арбалып сүйүү отуна жаным,
Азаптуу күнгө кабылдым.
Азаптуу күнгө кабылдым.

Карай берем жолуңду,
Келеби деп кайрылып.
Ушул бойдон өзүңдөн,
Каламбы же айрылып.
Кабарыңды айтпадың,
Өзүңдү мен таппадым.
Унута албай, сыздап ыйладым.

Бакыттын кучагында,
Жүргөнбүз ал убакта,
Таштадың сен жалгыздыкка.
Түн калып кучагыма,
Түшүпмүн тузагыңа,
Көңүлүм сени сагына.

Жалгызмын сени самап,
Жан дүйнөмдө сендик дарт,
Ашыгып, жалгызым, сага.

Кайырма:
Сагынам жүрөгүм туйлап,
Санааркап мен сенсиз ыйлап.
Сагынам сени ойлоп,
Көңүлсүз жалгыздыктан.

Элестеп жалгыз дарак,
Жүрөгүм сени самап,
Күдөрүм үзбөй жол карап.

Уйкусуз узун түндөр,
Көңүлсүз окшош күндөр,
Бир келчи, бактылуу күндөр.

Көңүлүм сени самап,
Үмүтүм өчпөй жанат,
Жан дүйнөм сени сагынат.
Кайырма:

Бакыттын кучагында,
Жүргөнбүз ал убакта,
Таштадың сен жалгыздыкка.

Түн калып кучагыма,
Түшүпмүн тузагыңа,
Көңүлүм сени сагына.

Көңүлүм сени самап,
Үмүтүм өчпөй жанат,
Жан дүйнөм сени сагынат.

Жалгызым менин, жашоомдо сенсиң,
Кылыктарың чыгат эркелесең сенин.
Жаратканымдын энчилеп мага,
Буюруп койгон белеги сенсиң.

Сен, мен түбөлүк дайым,
Кол кармашып жүрөлүк, жаным.
Махабатка чөмүлүп бирге,
Таталы сүйүүнүн даамын.

Кайырма:
Мен, мен сени сүйөмүн,
Татынакайым, таарынчагымсың, балапаным.
Мен, мен сени сүйөмүн,
Жан дүйнөмдөн көкөлөп учкан, көпөлөгүм.

Тамаша айтсам таарынып мага,
Капа болот менин тентегим.
Түбөлүк мага колуңду сунуп,
Өмүрүмдүн гүлү болчу сен.

Гүлдөрдүн түрүн үзөйүн тандап,
Жүрөктөн сунам сүйүүмдү арнап,
Бир келген бакытты учурбай, жаным,
Жүрөлү жанашып сүйүүнү барктап.

Кайырма:

Бакыттын даамы сезилбей кетти,
Себеби анын өзүңсүң
Ашыктык оту арманга өттү
Бир келип кеткен сезимсиң

Кайырма:
Неге, неге арбадың?
Неге мени алдадың?
Сенсиз күндөр өтпөй калган кезде
Башка жолду тандадың.
Неге, неге арбадың?
Неге жаным алдадың?
Жүрөк ээси сен деп жүрсөм
Башканы сен тандадың.

Үзүлбөй үмүт дагы эле күтөм
Кыялбай жүрөм өзүңдү.
Сагындым жаным, кол кармап дайым
Жетелеп жүргөн кезимди.

Кайырма:
Неге, неге арбадың?
Неге мени алдадың?
Сенсиз күндөр өтпөй калган кезде
Башка жолду тандадың.
Неге, неге арбадың?
Неге жаным алдадың?
Жүрөк ээси жалгыз сен деп жүрсөм
Башканы сен тандадың.

Күлөсүң, күлөсүң, тоготпой жүрөсүң,
Ансайын байланып мен сени сүйөмүн.
Жаным, сага мен канткенде жагамын?
Кызганам, кызганам, өзүңдү башкадан,
Кыйнабай түшүнчү сезимди, суранам,
Жаным, сага мен канткенде жагамын?

Кайырма:
Кериле сулуу басса керемет,
Табышмак болуп мага сезилет.
Амалын таппай жүрөк эзилет,
Жаным, сага мен канткенде жагамын?

Артыңдан калбадым, көңүлүң бурбадың,
Гүлүмдү сунсам мен, кол сунуп албадың.
Жаным, сага мен канткенде жагамын?
Издетип өзүңдү жүргөндү сүйөсүң,
Жолуксак капыстан назданып күлөсүң.
Жаным, сага мен канткенде жагамын?

Кайырма:
Кериле сулуу басса керемет,
Табышмак болуп мага сезилет.
Амалын таппай жүрөк эзилет,
Жаным, сага мен канткенде жагамын?

Жанаша бассам мени теңсинбей,
Көтөрдүң боюң мага ченебей.
Сүйүүмдү айтсам койдуң кенебей,
Жаным, сага мен канткенде жагамын?

Гүл болуп ачылайын, сага карайын,
Сезимди барктай алсаң сүйүүм арнайын.
Ак куудай апакайым, бир сени тандаймын,
Кол кармашып түбөлүк жүргөндү самаймын.

Кайырма:
Жүрөк толкуп турат, сенден үмүт кылат,
Балкып кетип мээримге кайра сүйүү сунат.
Айга-күнгө теңеп, көкөлөткүм келет.
Махабатты туу тутсак, бизге бакыт берет.

Ак куудай бирге болсок сүйүү ак болот,
Көңүлдөр болуп куунак, башка бак конот.
Жылуу сөз айтсаң мага жүрөгүм козголот.
Келечек чачып нурун, кыялдар ойгонот.

Кайырма:

Жүрөктө сүйүү болсо, кубанып жүзүң жанат,
Сезимиң тунук болсо, махабат гүлүн ачат.
Кош жүрөк бирге болсо, бакыттын балын татат,
Жалгыздык кош айтышса, жакшылык жалын чачат.

Кайырма:

Супер гезит бул – “Супер Инфо”,
Супер гезит менен алдыда бол.
“Супер-Инфодон” гана табасың,
"Супер" менен мезгилден калбайсың.
Мезгил өтөт, заман өзгөрөт,
Убакыт талыкпайт, оку көбүрөөк.
Ошондо гана сен алдыда болосуң,
Өз колуңда сен туура жолдосуң.
Бизди танда биз сени тандайбыз
Бирге, чогуу биз артта калбайбыз.
Талантың барбы, өргө чабар өнөр,
Анда эмне турасың? Биз менен бол.
Бер өзүңө жол, кыл элиңе кызмат,
Бери көздөй чыгып, элиңе бер кубат.
“Супер-Инфо” дайыма бол кабардар,
Бизге кошул, мезгилден артта калба!


Жымыңдаган жылдыздардай,
Көктө жарыктардай.
Сезилет го ал жомоктой,
Тартылат сыйкыры бардай.
“Мезгилден артта калба!” деп
Бакыт тилеп,
“Мекенди ыйык сакта” деп,
Сатпагын деп.

Кайырма:
“Супер-Инфо” элим менен,
Жерим менен, эскирбеген.
“Супер-Инфо” кылымдарга,
Өчпөс болот эскирбеген.

Жолун улай бирге болот,
"Супер" артта калбайт.
Эмгектенет ал талыкпай,
Адашпай жолун ал тандай.
“Мезгилден артта калба!” деп,
Бакыт тилеп.
“Мекенди ыйык сакта” деп,
Сатпагын деп.