00:03:03
17,92 Мб
Жүктөлгөн: 06-02-2012
Сөзү:Т.Кожомбердиевдики
Обону:М.Акматовдуку
"Элдик видео" бөлүмүнө жүктөлгөн видеого жана анын мазмунуна жүктөгөн колдонуучу жоопкер.
Адамдын кадыр-баркына жана юридикалык жактардын ишкердик беделине шек келтирүүчү маалыматтар, тиешелүү жактардын жазуу түрүндө жеке кайрылуусу менен өчүрүлүшү мүмкүн.
Кайгыны ойго илбейли,
Карылык эмне билбейли.
Канакей, жаштар, эмесе, ай,
Калкылдап эркин бийлейли.
Кылчактап улам күймөнүп,
Кызарба, курбум, сүрдөнүп.
Кел, кошул биздин катарга,
Кетесиң кийин үйрөнүп.
На-на, на-на, на-на, на-на,
На-на, на-на, на-на, на-на.
Күүлөрүн төгүп жиберип,
Музыка алат имерип.
Коомайлап белден кармасаң, ай,
Колдору болот билерик.
Жүрөктү жүрөк тандасын,
Сүйгөндү сүйгөн жандасын.
Билинбей кай бир уяңдар,
Бийлебей четте калбасын.
На-на, на-на, на-на, на-на,
На-на, на-на, на-на, на-на.
Бир-бирин сүйкүм карашып,
Буттарга буттар жанашып.
Кыз-жигит бирге бийлесе, ай,
Карачы, кандай жарашык?
Жаштыктын ыры махабат,
Жаштарга нурун таратат.
Жаш кезде ойноп гүлдөгөн,
Жаштык кез өтүп баратат.
На-на, на-на, на-на, на-на,
На-на, на-на, на-на, на-на.
