Жаным, сен жүрөк козгодуң,
Капилет мага жолугуп.
Белестеги гүл болуп мойнума,
Эркелеп сүйүп оролуп,
Назданасың жашынып.
Кадам таштап шашылып,
Мен жүрөм ашыгып.
Күн нурундай чачылып,
Күлкүң айдай ачылып.

Кайырма:
Арманга сен мени таштаба,
Аяп мени суранамын кетпе башкага.
Ай чырайың жагып башкага,
Антип мени азапка сен түртүп таштаба,
Сүйөмүн сени.

Жагат сен күлүп койсоңчу,
Өмүрүм дайым шаттана.
Каректериң мен сүйүп кубанып,
Бакыттан ысык жар салмак.
Назданасың жашынып,
Кадам таштап шашылып,
Мен жүрөм ашыгып.
Күн нурундай чачылып,
Күлкүң айдай ачылып.

Кайырма:

Оо адамдар силер кезип талааны,
Көрдүңөбү ал талаада мазарды.
Ал мазарда жатат менин Айгүлүм,
Түбөлүккө жумган кара көздөрүн.
Айгүлүм.
Түбөлүккө жумган кара көздөрүн.


Турмуш деген зымыраган машина,
Балдар барат кыздарына шашыла.
А мен болсо гитарамды муңкантып,
Отурамын сүйгөнүмдүн жанында.
Айгүлүм.
Отурамын сүйгөнүмдүн жанымда.


Оо карындаш неге мынча карайсың?
Мен бул жакка келгеним жок кыз тандап.
Дал өзүңдөй сүйгөнүм бар Айгүлүм,
Бирок жатат муздак жерди кучактап.
Айгүлүм.
Бирок жатат муздак жерди кучактап.

Айланам караңгы түндө
Кайгыда күн батат күн өтөт
Туруксуз кыздардын жүрөгү
Сүйүүсү тез эле өзгөрөт
Кыздарга эч качан ишенбе
Алдатып оо курбум тиштенбе
Сулуулар туруксуз, жеңил ой
Алардан чын сүйүү издебе
Алардан чын сүйүү издебе

Кайырма:
Эх сүйүү кайгыбы, арманбы?
Же сүйүү кыялбы жалганбы?
Гитара муканып сыздаткан
Биз үчүн кайгы эле калганбы?
Биз үчүн кайгы эле калганбы?

Кызыл гүл колумдан соолуду
Кыйналдым жүрөгүм ооруду
Кымбатым кайрылбай кетти да
Калдайган кайгылар торуду
Калдайган кайгылар торуду

Кайырма:
Эх сүйүү кайгыбы, арманбы?
Махабат жалганбы, жалганбы?
Гитара муканып сыздаткан
Биз үчүн кайгы эле калганбы?
Биз үчүн кайгы эле калганбы?
Махабат жалганбы, жалганбы?
Махабат арманбы, арманбы?

Сени издейм ар күн сайын,
Таппай келем жанымдан.
Жолун таппайм махабаттын таңындан,
Көңүлүм кыйбай, жүрөгүм сыздайт,
Кусалык, жаным, мени кыйнайт.

Эргиткен ал сезимдерим кайда?
“Сүйөм” деп айтчу элең кайра-кайра.
Көңүлүм кыйбай, жүрөгүм сыздайт,
Кусалык, жаным, мени кыйнайт.

Кайырма:
Кимди сүйөсүң, сен айтчы?
Жүрөгүмдү кыйнабай.
Ким деп жүрсөң, мага кайтчы?
Ал сүйүүгө алданбай.

Кезигели кол кармашып басалы,
Кайра келип, махабатың арначы.
Көңүлүм кыйбай, жүрөгүм сыздайт,
Кусалык, жаным, мени кыйнайт.

Кайырма

Жанып турсам байкадыңбы?
Жылдызымдай асмандын.
Капилеттен көрүп алып,
Мен да сага шаттандым.
Кусалыгым тарап кетти,
Нурларындай ак таңдын.
Жакшы сөзүң жанга кубат,
Жалыныңа капталдым.

Кайырма:
Көкөлөсөң көңүл кушу эргип,
Көздөр менен сүйлөйлү.
Сезимдерге күү төгүлтүп келчи,
Сүйүү бийин биз бийлейли.

Сени гана сезимиме,
Катып алдым кайтарып.
Көздөрүңдүн ирмеминен,
Турду баары байкалып.
Аруу сезим кандай күчтү,
Алсыз ойду майтарып.
Жарык болсун эртеңки күн,
Жакшы ойлорго кайталык.

Кайырма:

Жоодурап сага караар бир адам бар,
Жалбарып жүрөгүңдү сураган бар.
Жамалың жашка толуп турса дагы,
Дүйнөдө сени сүйгөн бир адам бар.

Муңкансаң муңду жазар миң амал бар,
Моюубай кылыгыңа чыдаган бар.
Мүнөзүң мөндүр сымал төксө дагы,
Дүйнөдө сени сүйгөн бир адам бар.

Күз келип, жалбырактар куураганда,
Көңүлдүн кетиктерин сураган бар.
Кыш өтүп, махабаттуу жаз да келет,
Дүйнөдө сени сүйгөн бир адам бар.

Сезбесең кайдан, махабат жалган,
Сүйүүдөн көңүлүм арылып калган.
Эркеле мага, теңебейм айга,
Эми кайгырбайм, жалынбайм,
Кеч болот арман.

Кайырма:
Жүрөгүм сагынат,
Жаныма келсе деп кайра,
Кайгыга багынбайм, кетсең да арбап.
Керемет жаныңа жагынам,
Мөлтүрөп жааган,
Жамгырдай агылам, алсырап барам.

Керемет таңда келсемби кайра,
Аярым, айдайым, эркеле мага.
Кайгыга салба, сйүйп тандаба,
Махабат алдаба, кетсе башкага.

Кайырма:

Жаңылдым, жаздым, ойлобой туруп,
Тагдырдын мага жазганын.
Жабыркап турам, өрттөнүп-күйүп,
Өксүдү менин жаш чагым.

Кайырма:
Таарынбайм сага, таарынбайм сага,
Таң бердим жазган тагдырга.
Жүзүмдү тостум, жүзүмдү тостум,
Жаздагы жааган жамгырга.
Тамчыла жамгыр, тамчыла жамгыр,
Тамчы суу болуп мүрөктөй.
Тазартчы мени, тазартчы мени,
Жашартчы мени жүдөтпөй.

Эзилди жүрөк эстесем сенин,
Эркелеп сүйлөп жатканың.
Азгырып анда, ай-күнгө теңеп,
Арзуумду сага айтканым.

Кайырма:

Кыргыз жери, сүйөм сени,
Сүйөм сени жанымдай.
Түн жок сенин түнүңө окшош,
Таң жок сенин таңыңдай.
Ташты жарып, обон салып,
Туйлап акса булагың.
Жашыл арча, гүлдүн жыты,
Кимдин жазбайт кумарын.

Кайырма:

Асылым жерим, ардагым да,
Арналат сага ырларым да.
Асылым жерим, ардагым да,
Арналат сага ырларым да.

Элдин энчи, байлык кенчи,
Керме тоону, талааны.
Бак даракка саймаланган,
Сүйөм кыштак, калааңды.
Жерге жаткан көпкөк асман,
Дегим келет төрүңдү,
Көлүң дагы жашартууда,
Жашартууда өмүрдү .

Кайырма:

Жериң алтын, жайың салкын,
Кышың жылуу ар качан.
Сен турасың көңүлүмдө,
Качан, кайда барбасам.
Кыргыз жери, малдын кенчи,
Дандын кени бир өзүң .
Өмүр бою карегимден,
Өчпөйт сенин сүрөтүң.

Кайырма:

Күндө кирип түшүмө,
Сүйүү салды түйшүккө.
Бүт оюмду ээледиң,
Бүлүк салып сезимге.
Сүйүүм сенсиз үшүгөн,
Түшүмдөнсүң, түшүнөм.
Куса кылбай жүрөктү,
Чыгып келчи түшүмдөн.
Күткөн жаным сен,
Сүйгөн жарым сен.
Сезсең баарын сен,
Болчу жарым сен.

Кайырма:
Күндө сен деп ойгоном,
Бассам-турсам ойлоном.
Көзүн кыскан кыздар көп,
Бир да карап койбогом.
Ааламда көп сулуулар,
Аларга көп жүрөк зар.
Колун сунат топ сулуу,
Мен үчүн бир чүрөк бар.

Сүйүп калдым бир көрүп,
Издеп жүрөм көшөрүп.
Үмүт бердиң сезимге,
Жашоом калды өзгөрүп.
Жомоктогу перимсиң,
Түшкө тынбай киресиң.
Саргартпастан жүрөктү,
Айтчы, качан келесиң?

Көп ойлоп дайым өзүңдү,
Жалынга таштайм өзүмдү.
Көңүлдөш курбум болсоң деп,
Айжамал, Айжамал, укчу сөзүмдү.

Кыйнаба мени, жаркыным,
Жыттайын тосчу алкымың.
Кусадар болуп жүрөмүн,
Айжамал, Айжамал, укчу сөзүмдү.

Көзүнө түшсөң башканын,
Убайым тартат жаш жаным.
Ушул ыр сага арналат,
Айжамал, Айжамал, укчу сөзүмдү.

Элестетем ар бир күндү, жаным, сен менен,
Эркелесең дайым мага жүрөк эргиген.
Көңүлүңдү мага бурчу, ырдап берем мен,
Кайгырбачы күмөн санап, жалгыз сүйүүм сен.

Кайырма:
Жок, жок, кайгырба,
Махабатың жаныңда.
Жок, жок, зарыкпа,
Жаркылдап күл мага.
Жок, жок, таарынба,
Кайгыга алдырба.
Жок, жок кыйнаба,
Сүйүүм жок башка.

Жатканымда карып, караңгыга агып,
Жабыркадым улуп, кайгыга сүйүү салып.
Канталады жаным, кар жүрөккө алып,
Жылытпады баары, ак куудай сүйүп алып.

Кайырма:
Сагынып күтөм,
Жалжалым, сүйөм.
Өзүңдү гана, жаным,
Ишенчи мага,
Сүйүүм жок башка.

Жамалың көзгө тартылат,
Жалжылдап күйүп шам чырак.
Элесиң нурдай жаркырап,
Эңсөөмдү сага арттырат.

Кайырма

Кечикпе жаным кечикпе,
Сырыңды катып бекитпе.
Кечикпе жаным кечикпе,
Сүйүү жоголот тез эле.


Күлкүң бир күмүш булактай,
Тартуулап койчу сурантпай.
Жарыктан жарык элесин,
Алыстан жанган чырактай.

Кайырма

Жолуңдан күтүп турамын,
Кечикпе сенден сураарым.
Кыпкызыл гүлгө кошуп мен,
Сүйүүмдү сага сунамын.