Сыр сандыкты ача албай,
Же ачкычын таба албай
Жүрөк отун жалындап,
Махабатым таба албай

Кайырма:
Келчи, келчи жаным
Айтчы, айтчы жаным
Сырыңды...

Тамчы тамып бириндеп
Моло ташты жарат деп.
Жылдыздардын ичинен,
Чолпон жылдыз улуу дейт, сулуу дейт.

Кайырма:
Келчи, келчи жаным
Айтчы, айтчы жаным
Сырыңды...

Сүйгөнүңө ишенгенмин, ишенгенмин берилип,
Кызганчу элем башкалардан, башкалардан теригип.
Көрбөй калсам бир мүнөткө, бир мүнөткө өзүңдү,
Бүткүл жашоом токтогондой, токтогондой сезилип.

Кайырма:
Эркелетип саамайымдан сылаган,
Күндөрдү эңсейм менден алыс узаган.
Өзүңдү эңсейм, арман, ай, аттиң, арман,
Чыкчу күнүм бар бекен бир кумардан?

Махабаттын жазын билбей, жазын билбей өмүрүм,
Тетир баскан караңгыдай, караңгыдай көңүлүм.
Миң мертебе суроо салам, суроо салам өзүмө,
Чын-жалганын билбей айткан сөзүңдүн.

Кайырма:

Азап салып койсоң деле, койсоң деле башыма,
Ал күндөрдү эстейм дайым, эңсейм дайым сагына.
Мен сүйүүмдүн жоготсом да, жоготсом да ачкычын,
Ыраазымын бир өзүңдүн, бир өзүңдүн барына.

Айтпайым десем аргам жок.
Айлам да эч бир калган жок.
Арзууңа жетээр күн келсе,
Анда менде арман жок.

Кайырма:
Чынбы же жалганбы.
Сүйүүбү, арманбы
Табышмак жүрөгүң,
Таш болуп калганбы.
Таарынган жүрөгүң
Сүйө албай калганбы.
Жалганбы, жалганбы
Сүйүүбү арман

Кызыгы бүтпөс дүйнөдө,
Кыйноосуз өткөн жан барбы.
Күттүрбөй айтчы батыраак,
Сезимдер чынбы, жалганбы.

Кайырма:

Арнаган ырым жактыбы,
Айтылбас ойлор таттуубу.
Арзууңа жетер күн болсо,
Анда эле менмин бактылуу.

Алтыным, биз жоготкон жомокторго кайрылдым,
Аргасыз ал күндөргө мен кайгырдым.
Канат элең жалгыз сен бактымдын,
Көлөкөм, көздөрүмдөн учуп турат карааның.
Алыстап кеттиңби, менин аралым,
Салмагын тартып келем мен санаанын.

Кайырма:
Эми арманда калдым го,
Жүрөктөгү махабатты чандың го.
Тамчылаган көз жашым,
Тагдыр бизди азабына салды го.

Тумарым, өзүңдү эстеп мен жалгыздап турамын,
Угамын, алыстан үнүң угамын.
Баары бир жүрөгүм сага сунамын,
Кыялым кызгалдак гүлдөй соолуп мен кыйналдым.
Кылчактап карааныңды эч кыйбадым,
Жалгыздыктан ааламга мен сыйбадым.

Кайырма:
Эми арманда калдым го,
Жүрөктөгү махабатты чандың го.
Тамчылаган көз жашым,
Тагдыр бизди азабына салды го.

Бак аралап бара жатсам, капилеттен кезиктиң,
Ажарланган ошол күнү мендик болуп сезилдиң.
Ортобузда айырма бар, бир жыл эмес, тогуз жаш,
Эмнеликтен болуп кумар ак сүйүүгө болдум мас?

Жадыраган жазгы кечте жан дилимден берилдим,
Махабатым жетип чекке билбейм неге эриктим.
Ортобузда айырма бар, бир жыл эмес, тогуз жаш,
Эмнеликтен болуп кумар ак сүйүүгө болдум мас?

Кенже красотка, знай лишь одно,
Ты в небе как звезда, я на земле
Смотрю на тебя, каждый день о тебе вспоминаю,
О красивой Кенже я мечтаю,
Хочу быть с тобой рядом всегда,
Трудности и радости вместе пройдя,
Тебе я посвящаю красивые слова ни только слова
Бардык жакшылыкты каалайм сага, Кенже эже!

Шайырланып ошол күнү өткүр элең, шок элең,
Ачылат деп сүйүү гүлүн арзуу күткөн жок элем.
Ортобузда айырма бар бир, жыл эмес, тогуз жаш,
Эмнеликтен болуп кумар ак сүйүүгө болдум мас?

Чоктой ысып жалындадым, кучагыңдын ысыгын,
Ортобузга чырак жакты бал сүйүүнүн кызыгы.
Ортобузда айырма бар, бир жыл эмес, тогуз жаш, ай,
Эмнеликтен болуп кумар ак сүйүүгө болдум мас?

Алма гүлүн ачкан кезде
Апа сизден айрылгам
Арман толо көз жаш менен
Ыйлап, ыйлап кайгыргам
Айтып бүткүс кайталангыс
Мээримиңден ажырап
Азаптардын деңизине
Чөгүп кеткем кайгымдан

Кайырма:
Алма гүлү, алма гүлү ай азапка саласың
Алма гүлү, алма гүлү арман бойдон каласың
Алма гүлү, алма гүлү ай азапка саласың
Алма гүлү, алма гүлү арман бойдон каласың

Алма гүлүн төккөн кезде
Ата сизден айрылгам
Ак булутка жетээримде
Канатымдан кайрылгам
Аталап ай кыйкырганым
Укпай уктап жатканда
Алоолонуп, алоолонуп
Күйүп кеткем кайгымдан

Алма гүлүн ачкан сайын
Өзүңөрдү эстеймин
Асылдарым экөөңөргө
Эркелөөнү эңсеймин
Ак тилектер силер айткан
Мага ыйык аманат
Аягына чыкмайынча
Бул өмүрдөн кетпеймин

Кайырма:
Зар болбо, зар болбо, зар болбо
Сага мен кайрылып барбасам
Зар болбо, зар болбо, зар болбо
Жаныңда от болуп жанбасам.

Айдын жарык кечелердин жылдызы боломун,
Адыр аска тоолорумдун кундузу боломун.
Дартымды айтпасам, сырымды чачпасам
Санаамда кор боломун.
Жанымда жүрбөсөң, жаркытып күлбөсөң
Ышкымда кор боломун.

Кайырма:

Нечен, нечен ашыктардын туйгуну боломун,
Безеленип таңды жарган булбулу боломун.
Таттуу көңүлгө, наздуу сезимге ,
Булактай толомун.
Жарпымды жазбасаң, жанымда баспасаң
Башкага жар боломун.

Кайырма:

Алкымына байланган,
Алдым-жуттум адам бар.
Барга өзү тойсо да,
Көзү тойбос адам бар.
Кирпиктен да кыскадыр,
Мал-дүйнөңдүн өмүрү.
Бей-бечара момунду,
Колдоп жүргүн ар убак.

Кайырма:
Жалган дүйнө - бул дүйнө,
Арзан дүйнө - бул дүйнө.
Падышадан, байкуштардан,
Калган дүйнө.
Бул дүйнө, бул дүйнө.

Узат дейсиң, бер дейсиң,
Тынчыбадың, адамзат.
Төө тойду, пил толду,
Сен тойбодуң, адамзат.
Шүгүр кылды макулук,
Акылсыз жан-жаныбар.
Шүгүр дейсиң сен качан?
Каршы келген адамдар.

Кайырма:

Он беш күндүк дүйнөдө,
Мансабыңа керилбе.
Суу чыгарып, бак өстүр,
Дөөлөтүңө чиренбе.
Өз элиңди какшатсаң,
Бир күн ыйлап каласың.
Бир жолу эмес, миң жолу,
Каргышына каласың.

Кайырма:

Акча дейсиң, бер дейсиң,
Эч тойбодуң, адамзат.
Төө тойду, пил тойду,
Сен тойбодуң, адамзат.

Эх, жигиттер, неге шоксуңар?
Көзүңөрдөн көзүм жалтанат.
Эх, жигиттер, неге бошсуңар,
Кыздын сырын неге байкабай?

Баарыңарды жакшы көрөбүз,
Жадыраган, шайыр жигиттер.
Силер үчүн азап чегебиз,
Силер үчүн күлүп, жазып чер.

Эх, жигиттер, неге шоксуңар?
Көзүңөрдөн көзүм жалтанат.
Эх, жигиттер, неге бошсуңар,
Кыздын сырын неге байкабай?

Жашоо жарык сен бар үчүн, аялзат,
Сен өмүрдүн чырагысың, аялзат.
Жаздын көркү сага окшош, аялзат,
Сүйүүнүн сен булагысың, аялзат, асылзат.

Кайырма:
Жашоо сенсиң, аялзат,
Таазим кылат адамзат.
Өмүрдөгү жакшылык,
Сенден гана башталат, аялзат.

Баары сенден бакыт табат, аялзат,
Күн мээримин сенден алат, аялзат.
Үйдүн куту, тирегисиң, аялзат,
Түйшүгүңдү бүтпөйм санап, аялзат, асылзат.

Кайырма:

Жашоо жарык сен бар үчүн, аялзат,
Сен өмүрдүн чырагысың, аялзат.
Жаздын көркү сага окшош, аялзат,
Сүйүүнүн сен булагысың, аялзат, асылзат.

Кайырма:

Жүргөндүрсүң сен колуң карматып,
Менден да башка ардагың бардыр.
Тагдырга, жаным, таарынгандай,
Тушалып калдым сага бара албай.

Таарынбагын сен, тагдырың башка,
Жабыркадым мен таппастан айла.
Жолубуздан биз адаштык окшойт,
Жүрөгүм сыздап өзүңдү жоктойт.

Жары болорсуң сен да башканын,
Ардактап, сыйлап арзыган дайын.
Айтылган таттуу тилектер кайда?
Кош болгун, жаным, кош бол, ардагым.

Аял дебе, аялдын бил түйшүгүн,
Балдарым деп тынбай чапкан күн-түнүн.
Түндүк болсо биздин жашоо илинген,
Аял анын тиреп турган түркүгү.

Кайырма:
Аял – жазсың, аял – күзсүң,
Аял – жайсың, аял – гүлсүң.
Аял дебе, аял – эне,
Дүйнөдө теңдешсиз асыл жансың.

Аял дебе, аялдын бил кадырын,
Аял тартат азабыңдын жарымын.
Ырыскысын балдарына таратып,
Ызатына жеткилечи аялдын.

Кайырма:

Аял дебе, кылба аялга кыянат,
Акыл калчап чыгаралык тыянак.
Арабызда аялзаты түгөнсө,
Ошол күнү башталат го кыямат.
Кайырма:

Кечинде келемин сага,
Жылдыздарды аралап.
Сен үчүн гүлдөрдөн эмес,
Жылдыздардан букет жасап.
Жанып турган жалгыз айга,
Жалынамын адатымча.
Көрбөй калып сумсайбайын,
Сен жылмайганда, сен жылмайганда...

Кайырма:

Билесиңби сенин көзүңдө,
Сыйкырдуу күч бардай өзүнчө.
Бир кадам да алыс бастырбай,
Тартат өзүнө, тартат өзүнө.


Кечинде келемин сага,
Кумарланып махабатка.
Себелеген жазгы жамгыр,
Жашынабыз ак кайыңга.
Тартып алдым кучагыма,
Аяп сени ак жамгырдан.
Аруу сезим арабызды,
Жакындатканда, жакындатканда...

Кайырма:

Жаным мени салдың жалынга,
Отко түшүп, күйүп-жандым да.
Сени эстеп жашап калдым да,
Жаздын алдында,
Сүйүү таңында, ардагым.

Жарыгым сен, жанган асманда,
Жалгызымсың бүткүл ааламда.
Сен өзүңө эч ким теңдешкис,
Менин сүйгөнүм,
Соккон жүрөгүң мен үчүн.

Алып келдиң мага жазды сен,
Ошол күндү күттүм эле мен.
Сүйүү кылы сезим терметкен,
Менин шумкарым,
Бийик учаарым - жалгыз сен.