Махабат көлү өмүр жай кылып,
Жүрөгүм азыр турат кайгырып.
Аз күн ичинде сүйүүм күч алып, ай
Кетким келбейт сенден айрылып.

Убакыт өттү, өттү арадан,
Коштошуу мезгил жетти кайрадан.
Мен алыстап, узап кеткенде, ай
Кол булгалап калдың, калдың капыстан.

Сагындым сени, менин ардагым,
Жүдөттүң, издедим, бирок таппадым.
Өмүрдүн гүлү, ардагым менин,
Айтсаң боло азыр, азыр кайдасың?

Көз кумарын кандырган,
Көркөмүнө жан курман.
Эң бир ыйык жерибиз,
Эргүү табат ар бир жан.
Өмүрүбүз кулпунат,
Өрдү карай умтулат.
Кемибесин бактыбыз,
Керек бизге ынтымак.

Кайырма:
Көңүлүбүз куш болсун,
Көлдөй ырыс туш болсун.
Алакандай кыргызга,
Ала-Тоодой кут консун.

Башты бийик көтөргүн
Байлыгы сен мекендин
Үлгү болсоң балаңа,
Үмүтүңө жетерсин.
Ден соолук бер дегиле,
Дем кошулат демиңе.
Тилегенди өзүмө,
Тилеп келем элиме.

Кайырма:

Бак ичинде жүрөсүң күлүп-жайнап,
Бажырайган көздөрүң алды арбап.
Байкабадың жанымдан өтүп жатып,
Бажырайган кызыл гүл колго кармап.

Кайырма:
Кызыл гүлүм ай, кызыктырдың ай,
Аппак гүлүм ай, алгач сүйүүм ай.

Көлөкөдө жүрөсүң күлүп-жайнап,
Көңүлүңдү койбодуң го мага арнап.
Чоктой беле көздөрүң күйүп-жанган,
Гүлдөрүңдөн сунуп кой мага арнап.

Кайырма:

Гүл жытына мас болуп термелемин,
Ок аткандай мен өзүңө сермелемин.
Кокус сени чочутуп албайын деп,
Арт жагыңан акмалап мен келемин.

Кайырма:

Эрке кыз элең шаңга бөлөгөн үйүбүздү,
Элпегим элең эки кылбаган тилибизди.
Эми бой жетип узап жатасың түгөйүңө,
Мыкты жар болгун, бакыт орносун.
Жарык кыла бер жүзүбүздү

Кайырма:
Эрке кызып, эстүү кызып,
Эми сен да турмуш курасың
Бактылуу бол, ачылсын жол,
Барган жериң дагы кубансын.

Салам салып тур барган жериңе салтты бузбай,
Кайын журтуңа кайрымдуу болгун өз кызыңдай.
Жөлөгү болгун, тиреги болгун түгөйүңө,
Боорукер эне, бир тууган жеңе,
Меймандос болгун кыргызымдай.

Кайырма:

Сен турган жер ыйык мага бейиштей,
Сени менен телегейим тегиздей.
Мени кандай мээнет менен өстүрдүң,
Балалыктын бактысынан кемитпей.

Кайырма:
Апакем менин ынагым,
Маңдайда өчпөс чырагым.
Эсен-соо болуп биз менен
Жайнасын көлдөй жамалың.

Бейиш жыты, балким эне жытындай,
Жыттап алсам жыргай түшөм ушундай.
Болгон үчүн энелердин мээрими,
Бүтүн бойдон турат дүйнө бузулбай.

Кайырма:

Жамгырда чуркап жүргөнмүн,
Жадабай ойноп-күлгөнмүн,
Карлыгач болуп учканбы, балалыгым.
Баягы тунук жок сезим,
Каякта калды шок кезим,
Кайрып бир алар күч барбы, балалыгым.

Кайырма:
Канча самаганга карабай,
Кайра боло албайбыз баладай.
Эми балам чуркап жамгырда,
Мендей ойноп-күлөт жадабай.

Ажайып күндүн биринде,
Акырын мага билинбей,
Качтыбы алтын балыктай, балалыгым.
Асманың ачык чайыттай,
Алыска кетпей, чалыкпай,
Жүрө бер жайнап бактылуу, балалыгым.

Кайырма:
Канча самаганга карабай,
Кайра боло албайбыз баладай.
Эми балам чуркап жамгырда,
Мендей ойноп-күлөт жадабай.

Бала кезде балдай таттуу сүйлөптүрмүн,
Бала таттуу экенин эч билбептирмин.
Эркелетип мени апам бооруна кысса,
Бул сезимди уят го деп сүрдөптүрмүн.

Кайырма:
Энекебай, эркелеткен мээримиңден,
Эч бирөөгө теңелбеген эмгегиңден.
Эми гана эне болуп сезип жатам,
Бала жытын бакыт берген небереңден.

Оо, энеке, өмүрүңүз узун болсун,
Небереңиз менден жакын кызың болсун.
Эл алдында кызың менен сыймыктанган,
Жарык чачып күлүп турган жүзүң болсун.

Кайырма:

Эң кымбатың эмне десе сиз дептирмин,
Бала таттуу экенин эч билбептирмин.
Өмүр бою актай албайм ак сүтүңдү,
Апакебай, мен алдыңда милдеттүүмүн.

Кайырма:

Ак булутту аралап ай баратат,
Ак куу болуп көлдөгү жай баратат.
Ата албайсың ак кууну оңой менен,
Жете албайсың айга да жел ой менен.

Жеткичекти жетпестен калган жакшы,
Жетип азап жегиче, арман жакшы.
Жетем десем сулуу ай, жетер элем,
Көк деңизин булуттун кечер элем.

Сүзө бергин алтын ай көгүң менен,
Мен карайын өзүңдү теңим менен.
Сага жакшы сезилсе булуттуу көк,
Мага жакшы көктөм жер жемиши көп.

Сен барда бул өмүрдө багым бар бул күндө,
Жашоомдун мезгилдерин бөлөдүң түркүнгө.
Жаз болуп сезимдерим ар убак жаңырат,
Сен менин, кечим менин, бакытты чакырат.

Кайырма:
Бактылуумун, бактылуумун өзүң бар үчүн,
Сездим бүгүн таттуулугун өмүр балы үчүн.
Бул дүйнөдө менин сүйүүм жалгыз сен үчүн,
Жылмайганым, наздуулугум өзүң бар үчүн.

Көңүлдүн жарыгысың нурданткан тилекти,
Жанымдын жарымысың агарткан жүрөктү.
Сен барда бар ырысым жашарткан үмүттү,
Салбасын сүйүүбүзгө эч ким бүлүктү.

Кайырма:

Сени ойлосом, канат бүткөн көңүлгө,
Бек сакталып жүрөгүмдүн төрүндө.
Таалайымдын жаркыраган жылдызы,
Махабаттын гүлүн терген өмүргө.

Алыс жакта жүргөнүңдө сагынып,
Жалынчумун, жаным, сага кагылып.
Кирпик какпай таң атырам далай түн,
Карааныңды бир көргөнгө зарылып.

Сен унутсаң, мен унута албадым,
Элесиңди көңүлгө бек кармадым.
Менден башка бар турбайбы сүйгөнүң,
Анда неге сүйөм дедиң, алдадың?

Кайырма:
Үйлөнүү тоюң кут болсун,
Үйүңө бакыт кушу консун.
Тамшанып жүрүп издеген, ай,
Татына кызга куш болдуң.

Жаркылдап күлүп, жайнаган гүлүн,
Үздүңөр бирге сүйүү гүлүн.
Түбөлүк сыйлап бириңди бириң,
Көтөрүш керек сүйүү жүгүн.

Кайырма:

Ак тойго келдим, ачылды эргүүм,
Батасы тийсин бүгүн элдин.
Жакшылык курчап жарашып турса,
Бардыгы болот ак тилек кылса.

Кайырма:

Өмүрдүн нуру жанат,
Кубантып сени карайт,
Тартынбай бийле.
Бакыттын балы тамат,
Көңүлүң обон салат,
Кубанып бийле.
Жакшылык шамы бийде,
Жанашып бийле.
Бакыттын нуру бийде,
Баарыңар бийлегиле.

Кайырма:
Бийле, бийле,
Жаркырап бийге,
Эл менен бийле.
Бийле, бийле,
Тартылып бийге,
Биз менен бийле.

Кайырма:
Жадырап майрам дагы,
Сезилет жашоо даамы,
Жаркырап бийле.
Жүрөктө сүйүү болуп,
Көңүлүң ырга толуп,
Талпынып бийле.
Жакшылык шамы бийде,
Жанашып бийле.
Бакыттын нуру бийде,
Баарыңар бийлегиле.

Кайырма:

Бул менин ачкычым,
Айтамын ачыгын.
Ыр сунуп сизге ырдаган
Көнүлдүн тереңинде,
От болуп келемин мен
Жан дүйнө үнүн тыңдаган.
Гүл сунуп ыр сунуп келемин.

Шаңга толуп ар бир күнүң,
Кайгы муңду калтыр бүгүн.
Ар бир жанга тилегеним,
Бул ыргакты тапкын бүгүн.

Маанайлар чөкпөсүн,
Өмүр жаш өчпөсүн
Жүрөктө обон турганда.
Кучагын жайып турган,
Сезимди айыктырган.
Музыка жана ыр гана.
Гүл сунуп, ыр сунуп келемин

Мен күткөн ханзаадам,
Сени көрсөм кубанам.
Жашоомо көрк берген,
Бакытым - сен.

Кайырма:
Сен менин - ачык асманым,
Сен менен атсын ак таңым.
Соолубас бейиш көлүндөй,
Сүйүүбүз биздин жашасын.

Сагынам зарыга,
Алыстасаң жанымдан.
Өмүрүм сени менен,
Жүрөгүм - сен.

Кайырма:

Бал тилдүү шириним,
Сөзүң мени жибитет.
Жүрөккө сөзү өткөн,
Жалгызым – сен.

Кайырма:

Над осколками льда, ты идешь без следа,
Не замечая ярких огней.
Вспоминая тебя, закрываю глаза,
В поисках вечных радужных дней.
Время постой, куда?
Ты не спеши, я ведь вся в надежде.
Я навсегда твоя, это судьба.

Кайырма:
Теплые дни нас унесли,
Мы с тобою волною накрылись одни,
Ты обними.Буду рядом с тобой душою на вечность

Скорость быстрого дня, не дает мне понять.
Сводят с ума пустые мечты.
Я любовью грешна, но поймут облака.
Искренность в этой страстной любви.
Время постой, куда?
Ты не спеши, я ведь вся в надежде.
Я навсегда твоя, это судьба.

Кайырма:
Махабатым, махабатым,
Гүл болуп ыргаласың.
Күн болуп нурданасың,
Жашоодо жакшы обондой.

Татынам, жылмаясың,
Талпынтып ыр канатың.
Байланып кирпигиңе,
Бакыттай бир карашың.

Кайырма:

Алтын чач мөл булагым,
Тамчыдан көл курадым.
Кумарлуу көл жээгинде,
Кубанып мен турамын.

Кайырма:

Сен үчүн жандырамын,
Сезимдин шам чырагын.
Ыйбалуу наздыгымды,
Ырыма калтырамын.

Кайырма:

Кандай жакшы, кандай жакшы ошол көз ирмем,
Бир жалт карап көздөр-көзгө тигилген
Канчаларга кар кызындай муздак болсом да
Канча курдай сенден сүрдөп ийилгем
Кандай жакшы ошол көз ирмем.

Кайырма:
Жүрөккө эргүү себелеп,
Кандайдыр бир нур, сезимдер керемет
Көңүлдү көккө алып учат, ырахат себелеп
Алгач сүйүү келди мага,
Жүрөгүм туйлап согот кайра-кайра
Көңүлдү алып учат алда-кайда

Суранам сезимге ыр, сүйүү себеле,
Жан дүйнөмө гүл көтөрүп күтөм келе кет
Сен жазган кат сөздөрүң да, көздөрүң дагы
Мага жагат жакшынакай боз улан,
Артык көргөн бардык досуман.

Кайырма:

Сансыз күндөр закымдап өттү сызып,
Сага деген сезимдер алып учуп.
Махабаттан буюрган энчибиздей,
Сагынычта жүрөбүз сагынышып.

Кайырма:
Мен эч кимди мынчалык сагынбагам,
Мен эч кимге жалбарып жагынбагам.
Күтүп жатып күл болуп сапырылып,
Жолукканда от болдук жалындаган.

Сагынычым таркабай улам ашып,
Түшүмдөн да чочуймун уктап жатып.
Өзүңдөн аян алып жатканымды,
Негедир эстей берем санаа басып.

Кайырма:

Жүрөк дегдеп, умтулуп, жаным ысып,
Сагындырып, сагынып, сагынышып,
Бул жарыкта кайгыны унутуп салып,
Махабатка жашайбыз табынышып.

Кайырма: