Алдадыңбы, алдандымбы,
Билдирбедиң кабарыңды.
Таштадыңбы, ташталдымбы,
Сагындым го жамалыңды.

Кайырма:
Сагынам, сагынам, сагынам дагы да,
Жүрөмүн, жүрөмүн, жалгыз кайгыда.
Элесиң көрүүгө, көрүүгө зар болуп, жаным,
Берекем, берекем, жүрчү жанымда.

Таарындыңбы, таарынттымбы,
Балким, өзүм жаңылдымбы.
Бактым менин, кайрыл деймин,
Сени сүйөм, жаным менин.

Кайырма:
Сагынам, сагынам, сагынам дагы да,
Жүрөмүн, жүрөмүн, жалгыз кайгыда.
Элесиң көрүүгө, көрүүгө зар болуп, жаным,
Берекем, берекем, жүрчү жанымда.

Жай да өттү салкын тарткан күз эле,
Биз жолуктук тагдыр насип туз беле.
Купулума толуп турдуң сукайып,
Издегеним мына ушул кыз эле.

Ии-ий, карагаттай көздөрү
,
Тамшандырат создөрү.
Ашык болдум сага аппагым.
Сен айтпадың мага,
Мен да айтпадым сага,
Болбосунчу сүйүү арманы.
Күнү түнү ойлойм
Сен жөнүндө ойлойм
Унута албай койдум ардагым.

Жашың өттү эми турмуш кеч дебе,
Буюрганын көрөбүз да бешене
Жолукканча куса болуп баратам.
Ойлогонум ошол болуп кечке эле.

Ии-ий, карагаттай көздөрү
,
Тамшандырат создөрү.
Ашык болдум сага аппагым.
Сен айтпадың мага,
Мен да айтпадым сага,
Болбосунчу сүйүү арманы.
Күнү түнү ойлой
Сен жөнүндө ойлой
Унута албай койдум ардагым.

Ассалому алейкум,
Аксы жерим, аманбы?
Кабыл ал саламын балаңдын.
Издеп бир келдим колукту,
Аксыдан сулуу жолукту,
Карашы жүрөктү оорутту.

Кайырма:
Каштары кара, көздөрү кара,
Көргөн жан суктанат.
Чырайын кара, басканын кара,
Буралат, буралат.
Айдын кызыбы, Чолпон жылдызбы,
Же бизден алыспы?
Сүйүүм жетеби, колум жетеби?
Саруубу, багышпы?

Өңүмбү билбейм, түшүмбү,
Көрбөгөм мындай сулууну.
Чын эле, чын эле сүйдүмбү?
Кандай бир айла кылайын,
Колуңду эми сурайын,
Түбөлүк болсоңчу жубайым.

Кайырма:

Сыртта жамгыр, биз экөөбүз кафеде,
Сыр чечише көпкө отурдук бул жерде.
Назданасың, жерди карап сөз айтып,
Жезде дейсиң, андай дебе, байке де.

Кайырма:
Ширин, ширин сөзүңдөн,
Жылдыз жанат көзүңдөн.
Сылап, сылап алгым келди,
Чачтарыңдан өрүлгөн.

Сүйүү деңиз, биз экөөбүз кемеде,
Жүрөгүмдү туйлатасың эмне эле?
Отун жактың сезимдерге сүйүүнүн,
Болду эми, жигитиңди кел дебе.

Кайырма:

Биз агенттен таанышканбыз жаңы эле,
Тизмегимде сендей кыздар аз эле.
Күнү-түнү тажабай, күнү-түнү тажабай,
Биздин сөздөр бүтпөй келет дагы эле.

Кайырма:
Бүгүн неге капалуусуң, каралдым?
Ачып көрүп статусуң карадым.
СМСке бир да жооп ала албайм,
Анда эмесе блогумдан жазайын.
Бүгүн неге капалуусуң, каралдым?
Ачып көрүп статусуң карадым...

Ооба, селки, болом дейсиң Нарындан,
Бирок сени көрбөгөнмүн, тааныбайм.
Бирде калат жазылып, кээде калат жашынып,
Мүнөзүң бар тамашага таарынган.

Кайырма:
Бүгүн неге бактылуусуң, каралдым?
Ачып көрүп статусуң карадым.
Тажабастан сүйүү сөзүн жазышып,
Макул болчу жолугууга барайын.
Бүгүн неге бактылуусуң, каралдым?
Тосуп алчы жолугууга барайын...

Бүгүн неге капалуусуң, каралдым?
Ачып көрүп статусуң карадым.
СМСке дагы жооп ала албайм,
Анда эмесе блогумдан жазайын.
Бүгүн неге жүрөк турат, каралдым?
Макул десең жолугууга барайын...

Келчи, жаным, суранамын тезирээк,
Неге бердиң убадаңды күтөм деп?
Убадаңда тура албадың сен, жаным,
Башка менен, башка менен ак сүйүүмдү тебелеп.

Кайырма:
Сен ыйлаба, сен ыйлаба,
Кечир, жаным, турмуш жолуң башкада.
Сен ыйлаба, сен ыйлаба,
Кош бол эми, түбөлүгүң башкада.

Уялбагын салынып ак жоолукту,
Болгун деймин татынакай колукту.
Өчүп калды бийик турган карааның,
Улам сага, улам сага кайра булгап колумду.

Кайырма:
Сен ыйлаба, сен ыйлаба,
Кечир, жаным, турмуш жолуң башкада.
Сен ыйлаба, сен ыйлаба,
Кош бол эми, түбөлүгүң башкада.

Сүйүү отун өчүрбө,
Жүрөсүң сен көңүлдө.
Таарынбастан, секелегим,
Шерик болчу өмүргө.

Кайырма:
Таарынбачы, таарынба,
Жакшы күндөр алдыда.
Келин болчу түбөлүккө,
Мен чоңойгон айылга.

Бой көтөрүп керилип,
Терс бурулба телмирип.
Таарынычың жаза албай,
Жүдөп бүттүм эзилип.

Кайырма:

Эркем, эркем, эркем, ай,
Эркелетер бекем, ай?
Өзүң менен түбөлүккө,
Өмүр сүрөр бекем, ай?

Таарынбачы, таарынба,
Жакшы күндөр алдыда.
Келин болчу түбөлүккө,
Мен чоңойгон Аксыга.

Бөлүшөм досум кайгыңды,
Азаптуу күндө калдыңбы,
Кан жутуп турсаң, кайгырып,
Кантейин каргайм тагдырды.
Иий, оо-ээй, тагдырды, тагдырды...

Кайырма:
Сенин энең, менин энем,
Кимге канча өмүр берген
Ыйлабачы эми досум,
Кайрат кылчы ыйлай бербей,
Энесинен айрылгандан,
Эх, досум жалгыз белең сен,

Бул дүйнөдө жалгыз белең сен.

Боору таш ажал сордубу,
Оо, досум көрбөй тоюңду.
Энекең кетти оо, дүйнө
Кара жер эми тойдубу.
Иий, оо-ээй, тойдубу, тойдубу...

Кайырма:
Сенин энең, менин энем,
Кимге канча өмүр берген
Ыйлабачы эми досум,
Кайрат кылчы ыйлай бербей,
Энесинен айрылгандай,
Эх, досум жалгыз белең сен,

Бул дүйнөдө жалгыз белең сен.

Апаке, чарчадың го түйшүктүн сапарынан,
Жашырып билдирбейсиң кабагыңдан.
Баарысын көрүп турам, Буурул баскан саамайыңдан.

Бар болчу бактыбызга,
Медерим, кагылайын.
Апаке, аман жүрчү,
Апаке, аман жүрчү, анайын.

Мезгилдер шашса дагы, карыбас болсоң кана,
Ошону тилей берем, жаным апа.
Жашарып жылдан-жылга,Тоо гүлүндөй турсаң кайра...

Берейин жаштыгымды,
Берекем, кагылайын.
Апаке, карыбачы,
Апаке, карыбачы, анайын...

Мен эми барктап билем, апаке, эмгегиңди,
Өстүрүп адам кылдың тентегиңди.
Сезбепмин ойноп жүрүп,
Карылыкка келгениңди.

Бар болчу бактыбызга,
Байлыгым, кагылайын.
Апаке, аман жүрчү,
Апаке, аман жүрчү, анайын.

Жаныма кубат элең, канат элең,
Өзүңчү эч түгөнгүс санат элең.
Сагындым ал күндөрдү, оо, таене,
Зерикпей жомогуңду айтат элең.

Кайырма:
Таене айтып берчи жомогуңду,
Таене сагындым го кошогуңду.
Теңирден күн-түн тилейт элең,
Жетилер азамат болорумду,
Таене айтып берчи жомогуңду.

Чоңоюп эр-азамат болорумду.

Таенем намысыңа суктанамын,
Кажыбас кайратыңан күч аламын.
Эскерүү айтып күндө досторума,
Өзүңдү өмүр бою туу тутамын

Бак тиктик, дарактар да куурап калды,
Тамыры сууга жетпей кургап калды.
Үйрүлүп мээримиңди төксөң дагы,
Көңүлүм жакшы сөзгө суусап калды.

Кайырма:
Мен сенден кетейинчи, кетейинчи,
Жаныңда өзүмдү-өзүм жебейинчи.
Бактымды бир өзүңө байлаганча,
Кыдырып дербиш болуп кетейинчи.
Мен сенден кетким келди, кетейинчи,
Баарын ал, каалаганың берейинчи.
Бүт өмүр бир өзүңө байланганча,
Кыдырып дүйнө кезип кетейинчи.

Көңүлгө бир муздактык уюп алды,
Сезимдер өз-өзүнчө тунуп алды.
Койнуңа чакырбачы, эркелетпе,
Жан дүйнөм сенден качып туруп алды.

Кайырма:

Сөздөрүң мурдагыдай жакпай калды,
Бүркөлүп ар бир күнүм муңга айланды.
Тумчугам кучагыңда түндөр узун,
Өчөшүп таңдар дагы атпай калды.

Кайырма:

Кубанышып апалар, жалпы аялзат
Күндөгүдөн жүздөрүндө бугүн күлкү-шат
Гүлдестенин мыктысын тандап терейин,
Белек кылып бул ырымды ырдап берейин.

Бүгүн марттын сегизи, уккуң энеке,
Майрамыңда ырдабастан турам эмнеге.
Селкилерге ырдайынчы сага карындаш
Эжелереге, сүйгөн жарга, сизге жеңеке

Батына албай энелер бүгүн кубанып,
Кучагында гүлдөр толло ырлар уланып.
Аялзаты соолубасын, болсун ар дайым,
Бүгүн мен да ырым менен тилек айтайын.


Кайырма:

Наристеге каалоо айтам, жаткан бешикте,
Толкунданып, сүрдөнөмүн белек беришке.
Баарыбызды адам кылып, төрөп өстүргөн,
Оо, энелер чыкса деймин баары бейишке.

Азырынча мен машина кичине,
Эки үч адам араң батат ичиме.
Эрте болсо мейли, түштө-кечинде,
Качан болсо даяр болом ишиме.

Кайырма:
Чоңойгондо жип болом
Билесиңго азыр атым тико
Көчөлөрдө арзан такси, тико,
Бир бечара байкуш дебе, тико.
Матис деген эжем бар,
Дамас деген акем бар,
А мен болсо балакаймын, тико

Бирде жакшы, бирде жаман кездешет
Мени неге жети айлык деп тилдешет
Ата-Журттум Кореяга кетсемби
Япошкалар жаман көрүп тиктешет

Кайырма:
Шашпагыла жип боломун,
Билесиңго азыр атым тико
Көчөлөрдө арзан такси, тико,
Бир бечара байкуш дебе, тико
Дамас деген жеңем бар,
Матис деген эжем бар,
А мен болсо балакаймын тико.

Кайырма:

Курдашым тоюпсуңго пивого
Белетиң бар шашыласың киного.
Көчөлөрдүн баары азыр "пробка"
Кечигесиң отурбасаң тикого

Исфана, Исфана,
Араладым, издегеним сен гана,
Кара көзүм, жолугамбы мен сага?
Жолугуп, жолугуп,
Жалгыз эмес, жеңең келди кошулуп,
А сен болсо сүйлөбөйсүң созулуп.

Кайырма:
Не кыласың Лейлекте?
Алып кетем Бишкекке!
Жүгөрүнү “мака” дейт,
Байке дебей “ава” дейт.
Сөздөрүңө байланам да, карындашым, вай-ваай.
Сиз да мага жагас дейт,
Окуйсузбу намаз дейт.
Ананайын, ананайын, ананайын, ай-ай-ай.

Кой, жеңе! Кой, жеңе,
Кудалаштык, жакында сен той дебе,
Кайын сиңдиң шаштырбачы, бол дебе.
Буулугуп, буулугуп,
Коштошо албай колуң турду сунулуп,
Көз жашыңды көрсөтпөдүң бурулуп.

Кайырма:
Ыйманыңа береке,
Алып кетем Бишкекке!
Жүгөрүнү “мака” дейт,
Байке дебей “ава” дейт.
Сөздөрүңө байланам да, карындашым, вай-ваай.
Сиз да мага жагас дейт,
Окуйсузбу намаз дейт.
Ананайын, ананайын, ананайын, ай-ай-ай.

Билем жаным, таарынасың мага дайым,
Айтпасаң да, көздөрүңдөн туям баарын.
Билген жоксуң жүрөгүмдүн эзилгенин,
Жалгыз сага жан дүйнөмдүн ийилгенин.

Мейли кеттиң, коштошбодуң, кош дебедиң,
Түшүнбөймүн, тарынычың не себебин.
Сезген жоксуң жүрөгүмдүн оорууганын,
Сезимдердин тоо гүлүндөй соолуганын.

Төгөт жамгыр, коштошуунун көз жашыдыр,
Кеч болсо да, калыстыгын кылар тагдыр.
Билген жоксуң жүрөгүмдүн эзилгенин,
Аста басып, кете бердиң, кете бердиң.

Баратабыз, багытыбыз Ош тарап,
Жаным секет, күттүң бекен жол карап.
Сапарымда неге сага шашылдым,
Куса болуп, жолугууну мен самап.

Кайырма:
Күтчү жаным, Бишкек жолу узак да,
Мына-мына баратамын Сузакта.
Сагынычтар көкүрөккө толдубу,
Жаным секет, тосуп алчы Фуркатта.

Узун жолдо зымыраса мерседес,
Кыялымда тилеп келем жетсе тез.
Телефондун шыңгыр үнүн тындырбай,
Улам-улам жөнөтөсүң СМС.

Кайырма:
Күтчү жаным, Бишкек жолу узак да,
Мына-мына келип калдым Куршабка.
Сагынычтар көкүрөккө толдубу,
Жаным секет, тосуп алчы Фуркатта.

Сапарыбыз эч бир койду арбыбай,
Айдоочу да өчөштүбү шашылбай.
Келатабыз Отуз-Адыр аралап,
Артта калып Жны-Аргы, Садырбай.

Кайырма:
Кантем анан, Бишкек жолу узак да,
Мына-мына келип калдым Фуркатка.
Кусалыктар көкүрөккө толдубу,
Сүйүү кушу сени издей учат да.

Сени дегдеп, самап келдим узактан,
Мына-мына жолугуштук Фуркаттан.
Тараганча бизде болгон кусалык,
Жаным, эми чыгарбаймын кучактан.

Жүрөккө куса толуп эстедим,
Көзгө тартылып айыл кечтери.
Көөдөндө жашап наристе сезим,
Оюнга тойбос бала кездерим.

Кайырма:

Сыдырым желден айтам саламды,
Классташтарым эсен-аманбы?
Окуучуң болуп кайра мектебим,
Кайрылып сага барамбы?

Сөзүн да укпай агай-эженин,
Өкүнөм дале, тентек экенмин.
Балалык күндөр сенде калыптыр,
Кайтарып берчи кайра, мектебим?!

Кайырма:

Жаштык, мастык, кимдер жаңылбас,
Өттү күндөр кайра кайрылбас.
Ошол тагдыр, аттиң, кайда экен?
Баласынан бөлүп айрыбас...

Кайырма:

Амансыңбы, балам, шириним?
Өмүрдөгү жашоо билигим.
Ажыратты бизди бул тагдыр,
Эми сага чоочун кишимин.

Издеп келдим бүгүн, каралдым,
Неге мынча чоочуп карадың?
“Ата” деген сөзүң уга албай,
Акылымдан кетип барамын.

Кайырма:

Дагы канча азап саласың?
Баары өтөр, мезгил, шамалсың,
Акыл берсе сага, каралдым,
Ата Журтуң издеп табарсың.

Кайырма:

Барбы өзү бул дүйнөдө бакыт деген,
Мөмөсүн кандай жандар татып жеген?
Таң эрте ойгоном да бакыт тилеп,
Кызарып күнгө кошо батып келем.

Кайырма:

Себелеп, себелеп,
Себелеп жамгыр жааса.
Бакыттай, бакыттай,
Бакыттай сезилет да.
Келээрсиң, келээрсиң мага да,
Балким жазда.
Негедир ал күндөр,
Ал күндөр кечигет да.

Барбы өзү, кандай неме сүйүү деген,
Жете албай канча жандар өксүп келген.
Саргайып тагдырымдан сүйүү күтүп,
Мен эми жашап калдым үмүт менен.

Кайырма:

Себелеп, себелеп,
Себелеп жамгыр жааса,
Сүйүүдөй, сүйүүдөй,
Сүйүүдөй сезилет да.
Келээрсиң, келээрсин мага да,
Балким жазда,
Негедир ал күндөр,
Ал күндөр кечигет да.

Себелеп, себелеп,
Себелеп жамгыр жааса,
Менин да көз жашым тамчылайт да.
Кечикпе!
Күтөмүн, күтөмүн ушул жазда,
Күтүүдөн жан дүйнөм,
Жан дүйнөм жанчылат да.

Себелеп, себелеп,
Себелеп жамгыр жааса,
Менин да көз жашым,
Көз жашым куюлат да.
Күтөмүн, күтөмүн,
Каректер толуп жашка,
Негедир ал күндөр келбестей туюлат да.