Жүрөгүм көрүп элжирей
Жүрөгүң эргүү берчүдөй.
Сүйүнүч коштойт алдыга,
Сүйүүнүн гүлүн терчүдөй.
Балкыды денем белгисиз,
Балбылдап улам, бак-таалай келчүдөй.
Балбылдап улам, балбылдап улам
Бак-таалай келчүдөй

Сезимге түшүп кыялың,
Сен десем ойго тунамын.
Бал таттуу мукам үнүңдү,
Бассам да турсам угамын.
Жанашып бирге өткөрсөк,
Өмүрдүн куунак, шат күлкү убагын.
Өмүрдүн куунак, өмүрдүн куунак,
Өмүрдүн күлгүн убагын.

Ай-ааламга берип жарашык,
Ак көйнөгүң айга жарашып.
Ак кайыңдуу суунун жээгинде,
Олтурчу элек бирге жанашып.

Ак кайыңдар назик ыргалып,
Асылкечим назик кыналып.
Айтчусуң сен сүйүүм сендик деп
Астыртадан сүйкүм жылмайып.

Орток болуп ошол сырларга,
Оо, мен анда балкып жыргалга.
Уккулуктуу сүйүү үндөрү,
Урулчу эле жүрөк кылдарга.

Ал сен азыр сыйкыр курчалып,
Алыстайсың аппак нур чалып.
А мен болсо дале күтүүдө,
Айланамда булут суу чалып.

Күзөтчүдөй көз ирмебей күн-түнү,
Тирүүлүктө түгөнбөгөн түйшүгү.
Мен апамды кут төгүлгөн үй десем,
Атам анын кармап турган түркүгү

Атам барда мен таптагы ылаачын,
Атам менин бөксөрбөгөн кубатым.
Күбөсү бул сен жараткан эрдиктин,
Күрөштөрдө күӊгө серпкен кулачын

Шаштым кетип бошондосо сабырым,
Колдон алып оор жүктүн жарымын.
Кыйын кезде кылт дедирбей дем берген,
Атам менин тереӊ жайган тамырым.

Кубанчыма, кайгыма да теӊ шерик,
Бул дүйнөдө жан болбостур сенчелик.
Ак сарайым алтын туткам, кутманым,
Мен - дүйнөгө сен тургузган эстелик