00:04:41
28,51 Мб
Жүктөлгөн: 03-09-2010
Сөзү:Жумали Сопуевдики
Обону:Жумали Сопуевдики
Гүл жайнаган Ала-Тоомдун,
Салкын, таза абасы.
Көз уялтат көк шиберлүү,
Көркөм жайлоо, талаасы.
Кыргыз элим мекендеген,
Берекелүү жеримди.
Нарын, Баткен, Ош, Жалал-Абад,
Чүй, Ысык-Көл, Таластын.
Кайырма:
Бакыт нуруң чачырап,
Жаралгансың жылдыздан.
Жарык чачып дүйнөгө,
Жаркырай бер, Кыргызстан.
Пейили тунук, дили таза,
Баатыр кыргыз элимдин.
Тарыхы бай ата-бабам,
Мурас кылган жеримдин.
Мекенисиң кен байлыктын,
Алтын, күмүш, темирдин.
Ыйык жерсиң дүйнөдөгү,
Нуру түшкөн Теңирдин.
Кайырма:
Берекеңди, Жараткан,
Аябагын кыргыздан.
Жашай берсин түбөлүк,
Кең мекеним, Кыргызстан.
Ала-Тоо – жерим,
Кыргызым – элим.
Ыйык мекеним,
Жашай бергин, Кыргызстан!
Мөңгүлөрдөн агат шыңгыр,
Мөлтүр тунук суулары.
Тынчтык тилеп кыргыз элге,
Учат көлдө ак куулары.
Көргөн сайын көргүң келип,
Кеткиң келбейт алыстап.
Комуз күүдөн таркабай эч,
Адамзаттын кумары.
