00:03:27
53,97 Мб
Жүктөлгөн: 20-09-2010
Сөзү:К.Иманалиевдики
Обону:М.Осмоновдуку
Күздү күтүп жазда келген сезимди,
Күйүт бизге үмүт болуп сезилди.
Бул турмушта ансыз деле өксүгөм,
Жалоорутпа жайнап турган көзүңдү.
Дайым сенин күтөр элем миң жылга,
Бирок жашоо ченеми да бир кыйла.
Биздин өмүр өтпөсө да бир үйдө,
Биздин сүйүү калар, балким, бир ырда.
Кездешкенче нур чачышып жүздөрдөн,
Күз да келди, гүл саргайды биз көргөн.
Сен сырыңды, мен чынымды айткыча,
Өмүр өтүп баратпайбы бир келген.
