Секин, секин билгизбей,
Сени бойго жеткизген
Секет болуп кетким бар,
Сезимтал бул мезгилден!

Ат чаап барып эңе алгыс
Акак гүлсүң, Айданек.
Агайыңдын дардинда
Жашап жүрсүң, Айданек.

Мончогуңду моюнуңдан
Санайынчы, Айданек?!
Көлөкөңдү көтөрүп
Алайынчы, Айданек?!

Майда шибер, майин жел
Мамык болот, Айданек.
Бир кашкайсаң – бир кылым
Жарык болот, Айданек.

Кунан минип куушуп биз,
Курдаш болуп өтсөкчү?!
Шыбырарда бир жыттап,
Сырдаш болуп өтсөкчү?!

Улууларга зор таалим –
Уялганың, Айданек.
Улуулуктан тайдырат
Буралганың, Айданек!

Мончогуңду моюнуңдан
Санайынчы, Айданек?!
Көлөкөңдү көтөрүп
Алайынчы, Айданек?!

Майда шибер, майин жел
Мамык болот, Айданек.
Бир кашкайсаң – бир кылым
Жарык болот, Айданек.

Көңүлүмдөн калдың,
Карегиңе кошулуп айлансам да,
Көңүлүмдөн калдың,
Көлөкөңдөй жаныңа байлансам да,
Көңүлүмдөн калдың.
Көңүлүмдөн калдың,
Канатымды сындырып айлам канча,
Көңүлүмдөн калдың,
Кош акуудай бир учуп байралганча,
Көңүлүмдөн калдың,
Көңүлүмдөн калдың.

Кайырма:
Ыйласада жүрөгүм амал жок,
Сени унутамын,
Оюн кылган ал сүйүүң жалган, жок,
Сени унутамын.


Суранарым жалгыз,
Эски дартым ырбатып жолукпагын,
Эми сүйүү баргыс,
Артка кайтпас сезимдин жолундамын,
Ар кадамым алсыз.
Көңүлүмдөн калдың,
Сунган колум атайын байкабадың,
Көңүлүмдөн калдың,
Сүйөөрүмдү канча ирет кайталадым,
Көңүлүмдөн калдың,
Көңүлүмдөн калдың.

Кайырма:

Садагам менин сагындырган эркем,
Сендей жашабайт, жок ааламда.
Күндө мага жүрөсүң эркелеп
Калтырбаймын бил, сени арманга.
Күндөрүм өтөт сүйүүм күчөйт,
Бакыт берген кереметим.
Жылдар да өтөт жашоом гүлдөйт,
Буйруганым менин.

Кайырма:
Асылзатым, сен махабатым
Алоолонгон сүйүүмдүн ээси жаным.
Аруузатым, тапкан менин бактым,
Жүрөгүмдө өзүң жашайсың ашыгым.

Таңдагы нур өзгөчө керемет,
Өзүң болсоң жандап жанымда.
Кыялдарга жетели эртелеп
Сүйүүбүздү айтып ааламга.
Күндөрүм өтөт, сүйүүм күчөйт,
Бакыт берген кереметим.
Жылдар да өтөт, жашоом гүлдөйт,
Буйруганым менин.

Жүрөгүм самап, кооз дүйнөгө азгырылып барат,
Алоолоп күйүп-жанат, ырахат каалап.
Бакытка талпынып, байлык топтоп,
Жаңырып ал туруп, бирок таппадың бакыт,
Байлык бар туруп.

Кайырма:
Жок, жок, ойлогондой болгон жок,
Каниет кылсаң гана ошондо көңүл ток,
Кайгы-капа жок.
Жок, жок, ойлогондой болгон жок,
Каниет кылсаң гана ошондо көңүл ток,
Кайгы-капа жок.

Атактуу болуп таанылсам элге
Башыма бак конот деген кыялың жалган,
Кайгыга салган...
Эркиндик сен жакта, кызыктын баары сен тарапта,
Алыс болосуң дайым кеп-ушактан.

Кайырма:

Пейилди кенен кой,
Чалкыган көлдөй терең бол.
Напси эч тойбойт дүнүйөгө
Пейилди кенен кой,
Чалкыган көлдөй терең бол.
Напси эч тойбойт дүнүйөгө.

Өзүмчө күтөмүн күн санап,
Башкага жар болом десең да.
Бактылуу бологой, адашпа,
Сендейди барктай алса...

Кайырма:
Жарыктык көрүнбөй көзүмө,
Суранам үмүтүмдү үзбө
Өчүрбө, жалынды өчүрбө
Сүйүүмдө эмне күнөө?

Эсимде, ээрчигем артыңдан,
Жүзүңдү көрөм деп жылмайган.
Тиктешсе башкалар суктанып,
Ал көздөрдөн кызгангам.

Кайырма:
Жарыктык көрүнбөй көзүмө,
Суранам үмүтүмдү үзбө
Өчүрбө, жалынды өчүрбө
Сүйүүмдө эмне күнөө?
Сыртыңдан сүйдүм мен канча жыл,
Айтуудан коркконмун катып сыр
Билгенмин башкага кетериң,
Катылган арзуум менин.

Кой, сен бийлегенден тартынба,
Турайын мен сени коштоп жаныңда.
Күлмүңсүрөп көздөрүң бийлейм дейт,
Көңүлүң каалаганын жашырба.
Таанышалы, жарышалы бий аянттан тартынба,
Кой, сен бийлегенден тартынба,
Турайын мен сени коштоп жаныңда.

Тартынбай бийле, бийле, бийле,
Биз менен бирге, бирге, бирге.
Сагынычты таратып биз,
Саамга учуп баратып
Бирге, бирге, бийле, бийле
Кайра бийди уланталы
Тартынбастан бийле, бийле.

Ой, уялчаактар турду го,
Көпчүлүктүн көңүлүн тез бурду го,
Тең калышпай жарышып бийлешти.
Тартынчаактын көңүлү тынды го,
Кел бийлели, бир бийлейли,
Бий аянттан тартынба.
Ой, уялчаактар турду го,
Көпчүлүктүн көңүлүн тез бурду го.

Майрамдар боло берет күнүнө, эй,
Жетпейсиң дүнүйөнүн түбүнө, эй.
Тартынып отурбастан элден калып,
Кыймылда бакыттын үнүнө, эй.