Сенин көзүң өзгөчө, окшобогон өзгөгө,
Топ элдердин ичинен тартат дайым өзүнө.
Тиктей калса карегиң сезимдерим серпилет,
Токтоп саамга дүнүйө калуучудай сезилет.

Кайырма:
Жүрөктүн кылын чертип жай гана,
Жүрөсүң кылыктанып наздана.
Көзүнө окшобогон башканын,
Көздөрүң сенин башкача.

Сенин көзүң башкача, окшобогон башкага,
Керемети байкалат ак сүйүүнүн тап-таза.
Карагаттай көзүңдү карагандан аянам,
Дүйнөдөгү сулуулук көздөрүңдөн тараган.

Ыссык-Көлүм мемиреген тунуктугуң тынчтыктын сыңарындай,
Көргөн көздүн жоосун алган сулуулугуң кыздардын чырайындай.


Сыймыгымсың сен Ыссык-Көлүм,
Кылымдарга өчпөсүн көркүң.
Ааламга даңазалап ырдаймын сени көлүм.


Кайталангыс кереметиң арбагандай бүт сыйкыр дүйнөдөгү,
Сыймыгысың кыргызымдын, түгөнбөсүн баалуулук көлүңдөгү.

Ак-куудай боюң буралып,
Ак халат кийсең буралып.
Ак денең сенин мөлтүрөйт,
Айпери сымал нурданып.

Кайырма:
Жана-жана-жанарым, ай,
Сагындым жүрөгүм, оо.

Ак балыктай чубалып,
Ак көйнөк кийсең буралып.
Ак бетиң сенин мөлтүрөйт,
Ак мөңгү сымал нурданып.

Кайырма:

Ак жолук турсаң салынып,
Ай нуру сага агылып.
Ак тамагың мөлтүрөйт,
Ак бермет алсаң тагынып.

Кайырма:

Мезгил байкатпай жайып кулачын,
Ойноо кезден өткөн убагың.
Турмуш жолуна бирге аттанган,
Жакшы жардан болсун жубайың.

Кайырма:
Өмүрлөшүң өзүң тандаган,
Кошкону болсун Кудайдын.
Кайталангыс ушул өмүрдө,
Бактылуу болсун, ылайым.

Бири-бирини сүйүп табышкан,
Жуп болушту бийкеч, боз улан.
Бирге өстүрүп, бирге карытып,
Узак өмүр берсин Жараткан.

Өзүмчө күтөмүн күн санап,
Башкага жар болом десең да.
Бактылуу бологой, адашпа,
Сендейди барктай алса...

Кайырма:
Жарыктык көрүнбөй көзүмө,
Суранам үмүтүмдү үзбө
Өчүрбө, жалынды өчүрбө
Сүйүүмдө эмне күнөө?

Эсимде, ээрчигем артыңдан,
Жүзүңдү көрөм деп жылмайган.
Тиктешсе башкалар суктанып,
Ал көздөрдөн кызгангам.

Кайырма:
Жарыктык көрүнбөй көзүмө,
Суранам үмүтүмдү үзбө
Өчүрбө, жалынды өчүрбө
Сүйүүмдө эмне күнөө?
Сыртыңдан сүйдүм мен канча жыл,
Айтуудан коркконмун катып сыр
Билгенмин башкага кетериң,
Катылган арзуум менин.

Садагам менин сагындырган эркем,
Сендей жашабайт, жок ааламда.
Күндө мага жүрөсүң эркелеп
Калтырбаймын бил, сени арманга.
Күндөрүм өтөт сүйүүм күчөйт,
Бакыт берген кереметим.
Жылдар да өтөт жашоом гүлдөйт,
Буйруганым менин.

Кайырма:
Асылзатым, сен махабатым
Алоолонгон сүйүүмдүн ээси жаным.
Аруузатым, тапкан менин бактым,
Жүрөгүмдө өзүң жашайсың ашыгым.

Таңдагы нур өзгөчө керемет,
Өзүң болсоң жандап жанымда.
Кыялдарга жетели эртелеп
Сүйүүбүздү айтып ааламга.
Күндөрүм өтөт, сүйүүм күчөйт,
Бакыт берген кереметим.
Жылдар да өтөт, жашоом гүлдөйт,
Буйруганым менин.

Жараткан эгем, суранам сенден,
Жашасын менин досторум эсен.
Өйдөдө өбөк, ылдыйда жөлөк,
Досторум мага, түбөлүк керек.

Кайырма:
Тагдырга кейип, кайгырба досум,
Кудайга шүгүр, келтиргин досум.
Ата-энеңдин, батасын алып,
Бактылуу болуп, жашагын досум

Кайырма:

Кудайым сени, колдосо экен,
Жолуңду дайым, оңдосо экен.
Кааларым сага, айтарым сага,
Жашооңдо кайгы, болбосо экен.

Кайырма:

Кыйналган кезде, жардамын бергин,
Достордун дайым, кадырын билгин.
Жакшылык кундо, жадырап жайнап,
Сыйлашып дайым жургуло деймин.

Кетким келип турат бул азаптардан,
Күчүм жетпейт мен учууга талпынсам.
Айласыздан жүрөк жипсиз байланган,
Күттүрбөчү, келчи, куткар кайгыдан.

Кайырма:
Жүрөк толо арман, кайгыга салган,
Жүзүң бир көрсөм арылам азаптан.
Мени аяп кой, сен жанымда бол,
Жүрөгүмдөсүң, кетсең да тоготпой.

Кучагыма кыссам болом армансыз,
Болбосунчу биздин арабыз алыс.
Жалгыздыкта санаа тартып жашаймын,
Сен арначы, айтчы, сүйүү ырларын...

Кайырма:

Эркеси, ээси жүрөктүн,
Өзүңсүз канча күн өттү,
Ээледиң, эзип жүрөктү
Жүрөктү...

Кайырма:

Жаныңда турамын сөзүмдү айта албай,
Жалгандарды курамын сени мен аяй.
Жалгыздык аралында калсам мейли мен,
Көзүмдөн аккан жаштын себебин билем.
Жараланган куштай,
Жалгызмын мен учпай,
Жан дүйнөм ыйлап турат кетсең сен узай.

Кайырма:
Өзүңдү кармабайын мен,
Бактыңды байлабайын мен,
Өткөнгө кайрылбастан уча бер...
Жылмаям, жашыбаймын мен,
Жакшынын баары сен элең,
Жайнаган жүзүң кетпейт эсимден.

Акылдан адашкандай издейм жолумду,
Аргасыз сен башкага бердиң колуңду.
Ойлорум туңгуюкка камады мени,
Алыстап бизден кетти арзуу кемеси.
Жараланган куштай,
Жалгызмын мен учпай,
Жан дүйнөм ыйлап турат кетсең сен узай.

Кайырма:
Өзүңдү кармабайын мен,
Бактыңды байлабайын мен,
Өткөнгө кайрылбастан уча бер...
Жылмаям, жашыбаймын мен,
Жакшынын баары сен элең,
Жайнаган жүзүң кетпейт эсимден.

Карагаттай көзүңдөн, ай, Жамиля,
Балдай ширин сөзүңдөн, Жамиля.
Күндө сага келемин, ай, Жамиля,
Сен карабай өтөсүң, ай, Жамиля.

Кайырма:
Жамиля, Жамиля,
Жамиля, Жамиля.
Жамиля, Жамиля,
Жамиля, Жамиля.

Мен жүрөмүн көчөдө, ай, Жамиля,
Сенин ширин көздөрүң, ай, Жамиля.
Бак аралап басалы, ай, Жамиля,
Балдай ширин сөзүңдөн, Жамиля.

Кайырма:
Жамиля, Жамиля,
Жамиля, Жамиля.
Жамиля, Жамиля,
Жамиля, Жамиля.

Карагаттай көзүңдөн, ай, Жамиля,
Балдай ширин сөзүңдөн, Жамиля.
Күндө сага келемин, ай, Жамиля,
Сен карабай өтөсүң, ай, Жамиля.

Кайырма:

Мендик болуп жаралгандай,
Махабатты таптым мен, ай.
Арбаламын көзүм албай,
Бассаң маралдай.
Кыялдар учат сабалай,
Карегиме толдуң айдай.
Карай берем көзүм талбай,
Менин жаным, ай.

Кайырма:
Жылдыздай жана бер,
Бакытка жетелей.
Эч кимге теңебейм,
Эркем, берекем.
Жанымда болчу дейм,
Татына, таттуум сен.
Издегем, издегем,
Таптым периштем...

Күнгө теңейм жамалыңды,
Түбөлүккө болчу жарым.
Бакыт даамын таталычы,
Болсоң күн, айым.
Сүйүү багын сага ачайын,
Сүйүү гүлүн сунайын.
Сүйүү жолунда басалы,
Бирге биз дайым.

Кайырма: