Көлдүн жээги, бирге басып салкындап,
Жайдар мүнөз, жаз күнүндөй жаркылдап.
Жумшак шамал бетти аймалап сыласа,
Майда толкун жээкке урунуп шарпылдап.
Кошкун дедиң көпкө чейин кол булгап,
Кете бердим пароходдо калкылдап.

Эми алысмын куса болуп сагынып,
Бирок дагы бирге жүрөт тамашаң.
Түбөлүктүү, өмүрүмдүн шериги,
Сени сүйүп, жалгыз сени жаратат.
Ашыктыгым ого бетер артылат,
Сагынганда сүрөтүңө карасам.

Ар бир кыял, мүнөздөрүң көңүлдө,
Унутпастан ойлойм өзүң жөнүндө.
Сары алтын түбү келип сабырдын,
Сагынуумдун зардабына жеңилбе.
Аз күн калды жолугушчу убакыт,
Сен узаткан Ысык-Көлдүн жээгинде.

Жар болгом нике буюруп түбөлүк,
Кош жүрөк ынтымакка бөлөнүп.
Улуулар жолун жолдоп биз дагы,
Жашайлы, жашайлы ынтымакка бөлөнүп.

Кайырма:
Суранам, суранам,
Тагдыр, бизди түбөлүк,
Айрыба, айрыба,
Бирге өмүр сүрөлү.

Биз эми экөө эмес, бирөөбүз,
Анткени азыр бир үй-бүлөбүз.
Өтөлү, өтөлү эриш-аркак сыйлашып,
Кут болсун, кут болсун ак никебиз түбөлүк.

Кайырма:
Суранам, суранам,
Тагдыр, бизди түбөлүк,
Айрыба, айрыба,
Бирге өмүр сүрөлү.

Бүгүн той, курбу-курдаш ырдасын,
Бий бийлеп кубанышсын, жыргасын.
Ушул күн, ушул күн ыйык бизге ар дайым,
Жар болуп, жар болуп жактырганым кыйбасым.

Кайырма:

Мен ойлоймун адашпадым, таптым деп,
Махабаттын дайрасына түшүп сага актым деп.
Эч ким билбес жүрөгүмдө бир жан бар,
Ошол сезим балдай ширин, таза бактым деп.
Айрыбагын, тагдыр, ушул бактыман,
Жалганы жок жанып бүткөн бактыдан,
Мендеги сезимдеги самап бүткөн бактыман.

Кубанамын кыялымда жүрсөң да,
Көзүң ирмеп жылмайып мага күлсөң да
Мага күлсөң да...
Айрыбагын, тагдыр, ушул бактыман,
Жалганы жок жанып бүткөн бактыдан,
Мендеги сезимдеги самап бүткөн бактыман.

Эч ким билбейт, жүрөгүмдө муңум бар,
Бир сырым бар...
Жан адам сезбеген, ардагым, сага,
Махабатым бар, махабатым бар.
Айрыбагын, тагдыр, ушул бактыман,
Жалганы жок жанып бүткөн бактыдан,
Мендеги сезимдеги самап бүткөн бактыман.

Гүл болуп ачылайын, сага карайын,
Сезимди барктай алсаң сүйүүм арнайын.
Ак куудай апакайым, бир сени тандаймын,
Кол кармашып түбөлүк жүргөндү самаймын.

Кайырма:
Жүрөк толкуп турат, сенден үмүт кылат,
Балкып кетип мээримге кайра сүйүү сунат.
Айга-күнгө теңеп, көкөлөткүм келет.
Махабатты туу тутсак, бизге бакыт берет.

Ак куудай бирге болсок сүйүү ак болот,
Көңүлдөр болуп куунак, башка бак конот.
Жылуу сөз айтсаң мага жүрөгүм козголот.
Келечек чачып нурун, кыялдар ойгонот.

Кайырма:

Жүрөктө сүйүү болсо, кубанып жүзүң жанат,
Сезимиң тунук болсо, махабат гүлүн ачат.
Кош жүрөк бирге болсо, бакыттын балын татат,
Жалгыздык кош айтышса, жакшылык жалын чачат.

Кайырма:

Жайлоонун төрү кенен,
Өрдөсө өрү кенен.
Өзөндү бойлоп барат,
Бир жигит кызы менен.

Жарк этсе кокус чагылган,
Жигити сылап чачынан,
Кызды сүйдү.
Дыбыр, дыбыр,
Жаады го жамгыр.
Шыбыр, шыбыр,
Айтылды го сыр, ачылды го сыр,
Чачылды го сыр.

Бул махабат, жаралды махабат,
Бул махабат, бул ыйык махабат.
Бул махабат, жаралды махабат,
Бул махабат, бул ыйык махабат.

Шаарымдын өзү кенен,
Аралайт сүйүү деген.
Көчөнү бойлоп барат,
Бир жигит кызы менен.

Жарк этсе кокус чагылган,
Жигити сылап чачынан,
Кызды сүйдү.
Дыбыр, дыбыр,
Жаады го жамгыр.
Шыбыр, шыбыр,
Айтылды го сыр, ачылды го сыр,
Чачылды го сыр.

Бул махабат, жаралды махабат,
Бул махабат, бул ыйык махабат.
Бул махабат, жаралды махабат,
Бул махабат, бул ыйык махабат.

Түйүнүн тапчу элем түркүн сырдын
Табышмак жылмаюуңа неге сындым?
Сыйкырлап койдуң окшойт көңүлүмдү
Жөн жүргөн жүрөгүмдү эмне кылдың?

Ойлорум сага,
Кыялым сага,
Жан дүйнөм сага, сага
Сен жака барам
Ойлоймун сен деп,
Кыйналам сен деп
Жан дүйнөм сен деп күйүп жанат

Болотко бул жөнүндө, жазса баян
Түшүмдө сен жөнүндө келген аян
Сүрдөтүп сүрдөбөгөн жан элем го
Карасаң көздөрүңдөн неге таям?

Ойлорум сага,
Кыялым сага,
Жан дүйнөм сага, сага
Сен жака барам
Ойлоймун сен деп,
Кыйналам сен деп
Жан дүйнөм сен деп күйүп жанат

Кубанып айтып берем сизге өзүм сырымды,
Оболоп ырдап берем ырларымды.
Жан дүйнөм ашык болуп,
Жылдыздай жарык болуп,
Жүрөктөн ыр сунам сизге.

Кайырма:
Кубанычым сен, байлыгым да сен,
Сырым дагы, сыймыгым да, ырым өзү сен.
Кубанычым сен, байлыгым да сен,
Сырым дагы, сыймыгым да, ырым өзү сен.

Ыры бар, байлыгы жок инсан экен дебегин,
Жан дүйнөм ырга толо бай деп билемин.
Бийикке канат бергин, элиме кубат бергин,
Арналган ырларымда...

Кайырма:

Жан дүйнөм жарык,
Алыс учкан жылдыздай.

Кайырма:

Бак-дарак гүлдөп гүлүн ачкан,
Алма-өрүк аппак гүлүн чачкан.
Сагындым жыпар айыл кечин,
Кызарып ысык күндүн баткан.

Чымчыктарым сулуу чырылдашкан,
Агарып таң чыгыш жактан.
Сагындым айыл аппак таңын,
Күн нурун жерге жылуу чачкан.


Кайырма:
Ташкыны дайралардын,
Күкүктүн сайраганы.
Кызгалдак талаа, түздө,
Кызарып жайнаганы.

Кар кетип, суулар ташып аккан,
Чөп чыгып, күн нурун чачкан.
Сагындым жашыл көктөм жазын,
Кызарып тоого күндүн баткан.

Бак-дарак гүлдөп гүлүн ачкан,
Алма-өрүк аппак гүлүн чачкан.
Сагындым жыпар айыл кечин,
Кызарып ысып күндүн баткан.