Жыл мезгилдерден жазды сүйөмүн,
Жазындасы сүйүү келет.
Сүйүүмдү дале күтүп жүрөмүн,
Махабатым качан келет?
Күтөм жазды, күтөм чыдабастан,
А менин сүйүүм жүрөт кечигип.
Жүрөк жарылганын карабастан,
Карабастан...

Кайырма:
Жаз, суранамын, эч кетпечи,
Кайда барсаң, ээрчип барам,
Сүйүү булагы – жаз.
Таарынтпачы, ансыз деле,
Күзүндөсү жалгыз калам,
Сүйүү булагы – жаз.

Канча жолу күтөм сүйүү жазын,
Эмнегедир эч келбеди.
Канча адамга жаз сүйүү берип,
Эмне мага эч бербеди.
Күтөм жазды, күтөм чыдабастан,
А менин сүйүүм жүрөт кечигип.
Жүрөк жарылганын карабастан,
Карабастан...

Кайырма:

Кош бол эми көрүп бүттүм анык жүзүңдү,
Коргойм эми кор кылдырбайм алсыз сүйүүмдү.
Отко салдым сүрөтүңдү ыйлап ызамдан.
Оор болсо да унутамын жаным өзүңдү.

Кайырма:
Сагынбайм, кайгырбайм, кайра азгырба,
Каректерим кургап калган,
Көңүл калган, бүттү актанба,
Жүрөгүмдү оорутуп, оорутуп,
Кеттиң башкага.

Күнү-түнү сени ойлоп, сенсиз кыйналдым,
Күйүтүмдү ичке салып азапта калдым.
Ыйлабайм деп сооротомун алдап өзүмдү,
Жалган айтып булгап алдың тунук сүйүүмдү.

Кайырма:
Сагынбайм, кайгырбайм, кайра азгырба,
Каректерим кургап калган,
Көңүл калган, бүттү актанба,
Жүрөгүмдү оорутуп, оорутуп,
Кеттиң башкага.

Ай болуп алсам дейм
Түндөсүн сен издеген
Кучагыңа гүл болуп мага кел деген
Ал менин кыялым билбейсиң анымды
Сен дегенде өчпөгөн ысык жалынды.

Кайырма:
Жанаша басайын, жаныңдан чыкпайын
Тамшаным бүтпөс сүйүүнүн, балын татайын
Жалынга батайын, жанымды арнайын,
Жалындап күйгөн сүйүүмдү, сага айтайын.

Жаныңда болсом дейм, эркелеп ардагым
Билсең эгер эркимди, сага арнадым.
Жүрөмүн тамшанып, кыялга батканда
Уйкум качып уктабай таңым атканда.

Кайырма:

Көздөрүңдү менден ала качпачы,
Тартынчаактык кыялыңды таштачы.
Бирок жаным сезип турам көзүңдөн,
Сүйөөрүңдү айтчы мага, катпачы.

Кайырма:
Бирок менин айтканыма таарынба,
Сүйүүңдөн адашпагын, жаңылба.
Арнадым сага ырымды,
Сырыңды айтчы, сырыңды.

Кыялыңда эмнелерди ойлойсуң?
Же оюңду ачык айтып койбойсуң.
Чечкиндүүлүк жигиттерге жарашат,
Тартынасың, уяласың койбойсуң.

Кайырма:

Кайырма:
Жүзү сулуу айдай,
Көз уялтат көркөмү, ай.
Кымча белдүү кыргыз кыздары,
Суйкаят маралдай,
Таңда жааган чолпон жылдыздай.
Кымча белдүү кыргыз кыздары.

Алар бул – назик жандар,
Асылзаада, аруу, ак ниеттүү.
Тагдыр белек, тагдыр белек,
Алар болот асыл жандар.
Көп кечикпей арасынан,
Сен да сүйгөнүңдү тандап ал.

Кайырма:

Сүйүп калса гана самап,
Сездире албай,
Жүрөк сыздап,
Кайгыны жейт.
Намысы бек, намысы бек,
Кара көзүңдү эңсеп, самап.
Көп кечикпей арасынан,
Сен да түгөйүңдү тандап ал.

Кайырма:

Суупериси өңдөнөт,
Сулуу жүзүм албырган.
Мен кыргыздын кызымын,
Чырайлуумун ушундай,
Акыл-эстен тандырган,
Жигиттерди тамшандырган.
Келбетимди көргөнү,
Таанышканы шашасың,
Сүйлөй албай сүрдөнүп,
Кайра неге качасың?
Кел, кыргыздын жигити,
Кол кармашып басалы,
Жүрөктөрдөн жүрөккө,
Сүйүү отун чачалы.

Кайырма: