Карегиңден окуп турам, мени гана сүйөсүң,
Карап койсом толкуп улам сыр билгизбей жүрөсүң.
Көздөрүңдү ала качып,
Көрбөй калсаң санаа басып,
Карлыгачым тарта бербе убайым.

Кайырма:
Апакемди сүйүндүрүп,
Ак шөкүлө, көйнөк кийип
Акыр бир күн сен болосуң жубайым.

Куп жарашкан, кол кармашкан биз болобуз эки жаш
Жашырбастын, жалын чачкан жүрөгүңө эшик ач
Сүйлөшпөйсүң кат жазасың,
Сүрдөнөсүң, башкачасың,
Анчалык көп назданба деп сурайын.

Кайырма:

Сандыгынан жоолук тандап,
Эл чакырып боорсок камдап,
Жеңелерим чуркап калсын ылайым.
Апакемди сүйүндүрүп,
Ак шөкүлө көйнөк кийип,
Мына бүгүн сен болосуң жубайым.

Бардыгы кызыксыз,
Маанайым учуп суз.
Асмандан адашкан,
Жалгыз булутпуз.
Бир гүлүм үзүлгөн,
Күлкү жок жүзүмдөн.
Үмүткө байланып
Жолуң карап, күттүм мен.

Кайырма:
Кетпеген бул ызам,
Келбечи ушу таң.
Канткенде мен эми,
Кантип унутам?
Туйбаган өрт үнүң,
Туйлаттың бөлчү күн
Жароокер көзүңдөн
Жазды көрчүмүн.

Сезим жок сыр каткан,
Жүзүм жок нур чачкан.
Шашылып сүйүүмө,
Эрте күн баткан.
Издеген таппаган,
Кулаган аскадан.
Чын сүйүп бактылуу,
Бул дүйнөдө барбы адам?

Керме каштуу селкилерге сунуп урматын,
"Кыргыз кыз" деп жар салат ырчы Нурматың.
Жыгылсам таяган, жалооруп аяган,
Жылдыздуу пери кыз болчу курдашым.

Кайырма:
Жүрөгүмдүн ооругансып турат туш жагы,
Жетпей сага көңүл чиркин канча сыздады?
Ажары ченелбес, айга да теңелбес,
Ааламда эң сулуу кыргыз кыздары.

Каректери таң сыяктуу атса кылайып,
Кылыгынан эркелеген таппайм бир айып.
Кайыңдай суналган, кымча бел, буралган,
Кыргыздын бир кызы мага ылайык...

Кайырма:


Сен жылмайсаң уялгансыйт көктө күн дайым,
Ууртундагы уячаңа сүйүүм сунайын.
Козгогон сезимди, кыргыз кыз өзүңдү,
Апама алпарып келин кылайын.

Кайырма:

Деңиз бою, сентябрь,
Махабат жана жамгыр.
Биз өткөргөн ошондогу күндөр,
Мен үчүн кино.
Рояль түнү, маэстро,
Ромео, Жульетта.
Ресторанда биз жана сен сүйгөн,
Алчалуу вино.

Кайырма:
Мен өзүмчө ошол күздөн,
Биз экөөбүз бирге өткөргөн,
Саргайыңкы кезди эңсеймин бүгүн.

Романтика, фортуна,
Жүрөктүн ортосунда.
Махабатым менин китеп болуп,
Жазылган роман.
Сүйүү, балким, жалгандыр,
Балким, ал күзгү жамгыр.
Сен үчүн ал күндөр жаштык болсо,
Мен үчүн арман.

Кайырма:

Уктабай ар таңда уйкуңду жегизген,
Үмүтүңдү актар бекем мен.
Агарган чачыңдын ар талына карызмын,
Апакем менин парызым.

Кайырма:
Оой, картайба көп жаша,
Аай, жан апа.
Оой, байлыгым апакем
Аай, баары сен.

Оорубай аман жүр, ак жүрөк апакем.
Сүйүнтүп чыксаң дейм жүзгө.
Жыргалың басканда жыттап, жыттап тайтайлап.
Мээримиң чексиз апакем.

Кайырма:

Жактырдым сизди мугалим эже,
Көргөнү келем сизди мектепке.
Жашым жетпейт сизге сүйүү арноого,
Ай, билбейм эжеке, кантип айтам сүйүүмдү сизге?

Кайырма:
Мугалим эжекем ай, мугалим,
Алайын өзүңүздөн мен билим.
Дептериме жазайын мен сыялап,
Жүрөгүңүздө турайын мен уялап, эжеке...

Айырмаңыз жок экен го кызыл гүлдөн,
Суктанам го ууртуңузга сиздин күлгөн.
Сиздин берген сабагыңыз - сүйүү сабак,
Ай, кыялданам эжеке, жалгыз жигит мен сизди сүйгөн.

Сүйлөмүн махабаттын,
Сүйүүнүн балын таттым.
Сүттөн ак сезимдери,
Сүйүүлөр айрылбасын.

Кайырма:
"Сагындым сени" деген күн өтсө,
Сагыныч болсун терең жүрөктө.
Сүйдүргөн, күйдүргөн,
Сүйүүдө болбойт ченем, күнөө.

Ашыктык ыры менен,
Ааламга даңктап келем.
Маңдайда болсун жазуу,
Махабат, сүйүү деген.

Кайырма:

Жүрөктү жаралаган,
Жамгырдай салаалаган.
Акактай аруу сезим,
Ааламды аралаган.

Кайырма:

Үнү менен, күлкү менен, бийи менен,
Башкаларды таң калтырган элденбиз.
Манас айтып, комуз чертип, калпак кийип,
Канча миң жыл тарых менен келгенбиз.
Бабалардан бизге мурас калтырган.
Сактайбыз сахнаны.
Урпактардан урпактарга түбөлүк,
Сактайбыз сахнаны.

Кайырма:
Тагдырымдын жазганы маңдайга,
Сыймыктанам, жар салам мактана.
Ырыскы бар, бакыт бар, сыйкыр бар,
Биз жашаган, биз сүйгөн сахнада.
Комуз кылын ойнотуп жаңырта,
Кыз-жигит көп, таланты таш жарган,
Элим турса кубаттап, кол чаба.
Урпактарың үзүлбөйт сахнадан.

Арманыңды же сыркоолоп калганыңды,
Мына ушул жерден унута аласың.
Кадырласа калкым сенин өнөрүңдү,
Канатыңа канатыңды тагасың.
Баарынан да эң кымбаттуу, эң сыймык.
Ырчыга бул сахна,
Жашообуздун түйшүгү көп, жыргалы да,
Биз турган сахнада.

Сенсиң менин торгоюм,
Суук көздөн коргоюн.
Ысыгыңа жылытчы,
Суугуңа тоңбоюн.

Сенсиң менин торгоюм,
Суук көздөн коргоюн,
Ашык болдум жалындап,
Калпы болсо оңбоюн.
Сенсиң менин торгоюм,
Гүлдөй болуп соолбоюн.
Ысыгыңа жылытчы,
Суугуңа тоңбоюн.

Сенсиң менин торгоюм,
Күндөп-түндөп ойлоюн.
Ишенип кой сөзүмө,
Калпы болсо оңбоюн.
Менин ырчы торгоюм,
Жолугууну болжоюн.
Алтынчы күн - кадыр түн,
Карап күтөм жол боюн.

Сен торгоюм - сүйгөнүм,
Арнап өмүр гүлдөрүн.
Бир басалы гүл бакта,
Тыңшап торгой үндөрүн.
Ырахат го жаш кезде,
Күлүп-ойноп жүргөнүң.
Саймалайлы жылдыздай,
Жашообуздун түндөрүн.

Жалын болуп жаркылда,
Чагылгандай чартылда.
Көл үстүндө ойногон,
Ак булуттай калкылда,
Канат күүлө, күү чалып.
Ойноп-күлүп жаркылда,
Кадырлашып өтөлү,
Көңүлгө кир калтырба.

Көңүл куруп, күү чалып,
Күлүп-бийлеп, үн салып.
Менин сүйгөнүм торгоюм,
Эмгек жолун бир чалып.
Айыл ичин гүлдөтүп,
Обон созуп ырдашып.
Жаркылдаган жаштык кез,
Кете электе кырды ашып.

Өмүр суусун кечели,
Жабык сырды чечели.
Ак таң болуп нурданып,
Аппак гүлдү терели.
Ак нан болсо ыр болот,
Сүйүп дайым жешели.
Ден соолукта каткырып,
Соо жүрөлү дешели.

Тоолордо ак мөңгүсү жаркыраган,
Таш-ташка суусу тийип шаркыраган.
Абасы атыр чачып, гүл жыттанып,
Ажайып жанга кубат тартуулаган.

Кайырма:
Айылым ай, жарыгым ай,
Ар дайым сенде менин дайыным ай.
Айылым ай, байырым ай,
Алыстан эстеп сени, сагындым ай.

Чаң жутуп, көпөлөк кууп кырдан кырга,
Суу болгон оюн ойноп ак жамгырда.
Балалык ойго түшсө кусаланып,
Апамдын нанын эңсейм, ак тандырда.

Кайырма:

Байыртан ата салтын улаган эл,
Кыйын күндү жеңип өткөргөн.
Ынтымак, ырыс-кешик кураган эл,
Душмандары коркуп, сезгенген.

Кайырма:
Ала-Тоонун нурусуң,
Ак пейилдүү улутум,
Баатырлардын мекени жерим.
Кыргызымдын уулусуң,
Көтөрөлү бир бурчун,
Желбиретип бийик желегин.

Тарыхың жол көрсөтүп караңгыда,
Урпактарга келген кептериң.
Таңеймин күндөн дагы жарык нурга,
Бабалардын баскан издерин.

Кайырма:

Ар күнү шайыр мүнөз ырга жакын,
Обон созуп ак жүрөгүнөн.
Дасторкон жайып дайым сыйга жакын,
Бата берип ак тилегинен.

Кайырма:

Алтыным ак сүйүүңдү кимден катасың,
Сезимдердин тазасын, жүрөгүмдөн табасың
Башка жандарга алдаба алыс болсом дагы жанындан,
Арзуум өчпөйт табынан ай жүзүңдү сагынам, сени сагынам алтыным

Кайырма:
Күттүм мен келбейт жаным дебе
Айласыз жалгыз калдым дебе
Бактыңды башка жанга байлап колуң бербе
Түбөлүк болуп бир дайыма
Аз калды барам бил жаныңа
Үмүттү мага болгон үзүп жообун бербе.

Алтыным, жолугушчу биздин күндөр бар,
Капалыкка алдырба, жазда жааган жамгырдай
Сүйүп жүзүңдөн мен барамын, сөздөрүңдөн кубат аламын
Өчпөй күйүп жанамын, сезсең менин абалым
Алтыным

Жүрөгүмдүн түбүнөн орун алып,
Көз алдыма жалгыз сен кулпурасың.
Ансыз деле жарадар жүрөгүмдү,
Неге мынча кыйнайсың?

Кайырма:
Жазым, ай, мөлтүрөгөн көздөрүңө жашырбай,
Кереметин сүйүүмдүн мага берчи.
Жазым, ай, жалгыздыктын кучагына кабылбай,
Арначы бакытты сенден күткөн,
Өзүңдү сагындым, ай.

Сүрөтүңдү карасам нурданасың,
Көзүң күлүп, сен мага жылмаясың.
Сагындырбай алыстан мага келип,
Качан сүйүү сунасың?

Кайырма:

Кол жетпеген көктөгү,
Көздөрүңдүн көркөмү.
Кыялдарым дайым жарышта,
Ай да нурун төккөнү,
Ак булутту өпкөнү,
Бийик учам сага барышка.

Кайырма:
Гүлүм, сага көңүлүм сенде гана,
Кызганып турат кабагың түйүп мага.
Жайна-жайна, ачылып гүлдөй жайна,
Сүйүп баратат жүрөгүм сени гана.

Өзүң болдуң эргиткен,
Таңдан кечке ээрчиткен.
Жан дүйнөмө сүйүү тартуулай,
Балдай ширин сөздөрүң
Эриндериң, көздөрүң
Сени көрүп мен да өзгөрдүм.

Кайырма:

Сенсиз сезилет күнүм жалгыз калгандай,
Жүрөк согушу эми токтоп калгандай.
Жакшы көрөм өзүңдү билесиңби,
Жанып турган сүйүүмдү сен сездиңби?

Кайырма:
Оо-оо, көздөрүң сенин,
Ээ-эй, ак сүйүүм сага арнайм.

Мен издеп келем сүйүү пайдасын,
Сен табаласың анын айласын.
Жакшы көрөм өзүңдү билесиңби,
Жанып турган сүйүүмдү сен сездиңби?

Кайырма:
Оо-оо, көздөрүң сенин,
Ээ-эй, ак сүйүүм сага арнайм.

Кара чачың, карындашым, өзгөчө татынасың,
Улам сырдуу көз карашың, өзүңө тартып алдың.
Назданып күлгөнүңдү сүйүп калдым.

Кайырма:
Мага жагат көздөрүң,
Балдай ширин сөздөрүң.
Кирпиктериң,
Кичинекейим менин.

Байкабадың, балапаным, жаныңа бара албадым,
Жамгыр сымал салааладың, Жарыгым, жараладың.
Назданып күлгөнүңдү сүйүп калдым.

Кайырма:
Мага жагат көздөрүң,
Балдай ширин сөздөрүң.
Кирпиктериң,
Кичинекейим менин.