Мейли тагдыр мага башың ийбегин
Мейли тагдыр мага жарык тийбегин
Бул жашоомдо жүрсүн жарык күн тийип, ай,
Медер туткан ата-энеме тийбегин.

Мейли тагдыр сыйлыгыңды бербегиң
Байлыгыңды маңдайыма илбегин.
Андан өткөн мага бакыт, байлык жок, ай,
Суранаарым жакыныма тийбегин.
Түбөлүктүү досторума тийбегин.

Мейли тагдыр айткан тилди албагын
Башка согуп, ташка согуп алдагын.
Жашайт дайым, өчпөс кылып түбөлүк, ай
Жүрөктөгү сүйүүмө чек салбагын,
Жалгыз гана ак сүйүүмө тийбегин.

Мейли тагдыр өкчөп-калчап бийлегин
Мейли тагдыр камыр кылып ийлегин
Мен өзүңдөн башка нерсе сурабаймын
Медер туткан эл журтума тийбегин.

Жаштык кайда, ал бир өткөн элестер,
Кайда калды жашыл тулаң, белестер?
Арманы бар, адашуу бар, эстесем,
Айла канча, буга мезгил себепкер.

Өтөт күндөр өмүр-жашты кемитип,
Эртеңине бүгүн шашып демитип.
Өкүнүчкө тоо чүмкөнгөн мөңгүдөй,
Аз жыргалды көлгө айланта эритип.

Өмүр ошол, өткөн күндөр чаң чыгарып чак өткөн,
Арманы көп, кызыгы көп, буга мезгил себепкер.
Арманы бар, адашуу бар, эстесем,
Айла канча, буга мезгил себепкер.
Өкүнүчкө тоо чүмкөнгөн мөңгүдөй,
Аз жыргалды көлгө айланта ээритип.

Саргартып түрлүү ойлор менен
Сүйүүнүн чексиз түбү кенен.
Бакытка бөлөнтүп кээ бирин
Бүтпөгөн шаңга бөлөп терең.
Өмүрдө махабатсыз күндөр болбойт
Жашоонун көркү толбойт

Кайырма:


Сүйүү балы жайнасын дагы,
Сүйүүсүз өткөн адам барбы.
Бир сүйүнүп бир тартып кайгы,
Күчтөнтөт сезим алсыз жанды.

Сүйүү бар жакындарың менен
Сүйүү бар жаратылыш деген.
Жашасаң тунук сезим менен
Бакыттын түбү сүйүү менен
Өмүрдө махабатсыз күндөр болбойт
Жашоонун көркү толбойт


Кайырма:

Дүйнөнүн түп тамырын
Жашоонун бүт маңызын
Ак сүйүү кармап турат
Жашасын сүйүү балы
Бербесин күйүт, кайгы
Сүйүү менен жашайлы.

Бакытымдын гүлүн сундум,
Бажырайган кызыл гүлүм,
Асманыма жакын турган түнөгүм.
Жолуң карап сени күттүм мен,
Жолуга албай күйүп бүттүм мен,
Жомогумда жашаган чүрөгүм.

Колуң кармап сенин жүрсөм дейм,
Өмур жолун бирге сүрсөм дейм,
Жыргалымсың, ай.
Балдай ширин татсам деймин,
Бакытымды тапсам деймин,
Жалжалымсың, ай.

Кайырма:
Таңдай тазарам сага,
Мен булактай таза,
Сезимим сага таза.
Таңдай жарыгым сага,
Мен булактай таза,
Жан дүйнөм сага таза.

Бак ичинен күткөн гүлүм,
Бакытыма жанган күнүм,
Өмүрүмө өбөк болгон тирегим.
Бал дүйнөмө толуп баткам,
Башым ийип сени тапкам,
Түбөлүккө кабылган ашыгым.

Колуң кармап сенин жүрсөм дейм,
Өмур жолун бирге сүрсөм дейм,
Жыргалымсың, ай.
Балдай ширин татсам деймин,
Бакытымды тапсам деймин,
Жалжалымсың, ай.

Кайырма:

Уйгу-туйгу болот, ай, менин жүрөгүм,
Уйкусуздан мен байкуш сени күтөмүн.
Аман-эсен төрөлсө, бөбөк көз жарса,
Кубанычтын отуна мен чоң бөлөнүп.

Кайырма:
Энекелер, ай, эжекелер, ай,
Силерсиңер өмүр жыргалы.
Энекелер, ай, эжекелер, ай,
Силерсиңер жашоо жыргалы.

Бөбөктөргө кошулуп бөбөк төрөлдү,
Биздин дагы үй-бүлө шатка бөлөндү.
Кубанычтуу күлкүгө күлкү уланып,
Мына бүгүн бешикке бөбөк бөлөндү.

Кайырма:
Энекелер, ай, эжекелер, ай,
Силерсиңер өмүр жыргалы.
Энекелер, ай, эжекелер, ай,
Силерсиңер жашоо жыргалы.

Алтын бешигим, түшүмө кирдиң,
Ансайын сага арналат сүйүүм.
Ырымды сунам, сапарым улайм,
Сагынып сени, элестеп улам.
Анда мен бала чуркап ойногон,
Андагы кыял сезим козгогон.
Айлуу түн, кечтер, балалык кездер,
Кусадар кылдың эсимден кетпей.

Таңдын шооласы, эненин үнү,
Таңкы шүүдүрүм, жоогазын гүлү.
Айылдын деми, сагындым сени,
Баратам сага, тосуп ал мени.

Киндик кан тамган туулган жерим,
Кадырыңа, эй, жетер бекенмин?
Ала-Тоо - жерим, кыргызым - элим,
Арча бешигим, Ата Мекеним...
Кадырыңа мен жетер бекенмин?
Баратам сага тосуп ал мени.

Мейли, тагдыр, мага башың ийбегин,
Мейли, тагдыр, камыр кылып ийлегин.
Мен өзүңдөн башка нерсе сурабайм, ай,
Аска-зоодой ата-энеме тийбегин.

Мейли, тагдыр, бакытымды бербегин,
Байлыгыңды маңдайыма илбегин.
Бул жашоодо мага артык байлык жок, ий,
Медер туткан балдарыма тийбегин.

Мейли, тагдыр, сыйлыгыңды бербегин,
Маңдай жарып мага жарык тийбегин.
Мен өзүңдөн башка нерсе сурабайм, ай,
Ынтымактуу бир тууганга тийбегин.

Бул жашоодо турсун дайым күн чыгып, ий,
Жалгыз гана ак сүйүүмө тийбегин.
Жалгыз гана жубайыма тийбегин,
Мен өзүмө башка нерсе сурабайм, ай,
Түбөлүктүү досторума тийбегин.
Бир туугандай досторума тийбегин,
Аска-зоодой ата-энеме тийбегин.

È inutile suonare qui non vi aprirà nessuno
il mondo l'abbiam chiuso fuori con il suo casino
una bugia coi tuoi
il frigo pieno e poi
un calcio alla tv
solo io, solo tu.

È inutile chiamare non risponderà nessuno
il telefono è volato fuori giù dal quarto piano
era importante sai pensare un poco a noi
non stiamo insieme mai
ora sì: ora qui.

Soli la pelle come un vestito
Soli mangiando un panino in due, io e te
Soli le briciole nel letto
Soli ma stretti un po' di più solo io, solo tu.

Il mondo dietro ai vetri sembra un film senza sonoro
e il tuo pudore amando rende il corpo tuo più vero
sei bella quando vuoi
bambina, donna e poi
non mi deludi mai
è così che mi vai.

Soli
lasciando la luce accesa
Soli
ma guarda nel cuore chi c'è:
io e te
Soli
col tempo che si è fermato
Soli
però finalmente noi
Solo noi, solo noi.

È inutile suonare qui non vi aprirà nessuno
il mondo l'abbiam chiuso fuori con il suo casino
una bugia coi tuoi
il frigo pieno e poi
un calcio alla tv
solo io, solo tu.

Көрдүм сени бир кечеден, ай жүзүңдөн турду нурлар төгүлүп,
Көз карашың жүрөгүмдү ээлеп алды, ойлор сага бөлүнүп.
Кереметтүү келбетиңе калдым окшойт күтүүсүздөн арбалып,
Карындашым, кайда кеттиң, чокко салдың көзүмө бир көрүнүп.

Кайырма:
Сезимдер жанып чырактай,
Сагыныч эзет чыдатпай.
Сүйүүнүн шарты ушулбу?
Сүйгөнгө жетет чыдамкай.
Сагынып сени күн өттү,
Сагыныч мени жүдөттү.
Сыздатпа, сенден суранам,
Сагыныч толгон жүрөктү.
Сагындым, сагындым, жаным,
Жылдыздай жанган жамалың.
Сен айтсаңчы, жаным,
Жашырбай, кайда кабарың?

Көп издедим көздөрүңдү тынчтык бербей, бүлүк салган көңүлгө,
Кайталангыс сезим берип жаралгансың мен үчүн бул өмүргө.
Көздөрүмдү жолго кадап күтүп жүрөм, нурдуу селким, мен сени,
Карааныңды таба албадым, сендей сулуу бар бекен бул дүйнөдө?

Кайырма:

Дүйнөдө ыйык махабат,
Жете албай жүрөм төрүнө.
Өзүңдөн мээримиң самап,
Сүйүп жашайм мен өмүрдө.

Жан дүйнөм жетелейт сага,
Жолугуп, күндөрдү самап.
Сүйүүмдү кайталап айтып,
Үмүтүм өзүңө барат.

Жүрөктү терең уялап,
Жүрөсүң табылгыс жандай.
Жамалыңдын нуру тамат,
Асмандагы айдай...

Кайырма:
Ал менин махабатым,
Жүрөгүмдү ээлеген ашыктык деми менен.
Ал менин махабатым,
Үзүлбөс үмүт менен жалгыз сен деп жашап келем.

Жылдыздай жанып асманда,
Жүрөктү салып арманга.
Кусага толуп сезимим,
Жашаймын сен деп жалганда.

Жарыгым сенсиң, ардагым,
Жалының сыйкыр өңдөнүп.
Жашоонун муңун-азабын,
Жаркыным, бирге бөлөлү.
Тумарым болчу өчпөгөн,
Туу болуп жүрөк төрүндө.
Максатым сенсиң көздөгөн,
Жалындуу өмүрдө.

Кайырма:

Сагындым сени, жаным, ардагым,
"Сагынбаймын" деп өзүмдү алдаймын.
Сагынып канча көргүм келсе да,
Сага билгизбей санаа тартамын.

Кайырма:
"Сүйөмүн" деп айта албадым,
Же артыңдан мен бара албадым.
Жүрөк ыйлап, сыздап жүрсөм да,
Бир өзүңө мен кайта албадым.

Сен дагы мени сагындың бекен?
Же мен жөнүндө унуттуң беле?
Караңгы каптап сенсиз дүйнөмдү,
Арманда сыздайт алсыз жүрөгүм.

Кайырма:
"Сүйөмүн" деп айта албадым,
Же артыңдан мен бара албадым.
Жүрөк ыйлап, сыздап жүрсөм да,
Бир өзүңө мен кайта албадым.