Yнсүз тиктеп тоонун булагын,
Өткөндү эстеп бүгүн мен турамын,
Аттиң, менин ошол бала курагым.

Актай кагаз алганмын,
Ак кайык жасаганмын,
Окуучулук өмүрүм деп жазганмын.
Аккан сууга салганмын,
Көпкө чуркап барганмын,
Узаганча кол булгалап турганмын.

Кайырма:
Агып кеткен окуучулук кайыгым,
Эми издеп таппай калдым дайынын.
Yнсүз тиктеп тоонун булагын,
Өткөндү эстеп бүгүн турамын,
Аттиң, менин ошол бала курагым.

Он жыл бирге туздашым,
Классташым, курдашым,
Аман болгун, тагдыр кайда бурбасын.
Акыл айтчу ар дайым,
Эжелерим, агайым,
Кеч болсо да рахматым айтайын.

Кайырма:

Караба, караба, көп кадалып караба,
Батпа күйүт санаага.
Жүрөктү жаралап, сага деген махабат ,
Жанбай калды арманда .

Кайырма:
Тарынба, тарынба,
Сага кымбатым, мен каалаймын дайым,
Каалаймын дайым.
Сага аппак сүйүү мен каалаймын, жаным,
Каалаймын, жаным.

Ыйлаба, ыйлаба, капаланба, сыздаба,
Азаптарга кайгырба.
Тагдырга таарынба,
Жете албадык бакытка .
Кыйнабагын жалынба.

Кайырма:

Кош эми, кош болгун,
Жалындаган махабат өчтү.
Арзуулар чөктү,
Андагы балалык сезимдерим кайрылбай кетти,
Жүрөктү эзди.

Кайырма:

Алаканга салып жүрөм,
Аярым мен сени сүйөм.
Ашыктык отуна күйөм,
Көтөрөм кыялыңды,
Катып жүргөн сырларыңды,
Катпа менден жыргалымды.
Билем жаным сен эркесиң,
Бирөө барын сен сезерсиң,
Ачтың сүйүү терезесин.

Кайырма:
Бир болууну самаймын,
Өзүңсүң аярым
Жанымда болчу дайым
Сүйүүнүн жалыны,
Сезимдин жарыгы,
Жанымдын жарымы сен.

Сөзүң таттуу балдай сенин,
Сүйлөткүм бир келет менин.
Сөзү жок да сезет сезим
Карегиңден мен айланып,
Өзүңө калдым мен байланып
Аяганың байкалып.
Жүрөктөрдөн сүйүү чачып,
Өмүр бою дидарлашып,
Өтөлүчү кол кармашып

Бактыма табылган,
Көзүңөн кагылам,
Көрбөсөм сени сагынам.
Күн болуп жагылган,
Ай сымал жаңырган,
Жарыгым кетпе жанымдан.

Жактырбай калсаң да, тансаңда,
Колум сунамын.
Азапка салсаң да, анда да,
Сага барамын.

Кайырма:
Бирок, сени менен, эркем,
Бирге болом деген үмүт менен,
Азыр жашап келем.
Билем ыйык сезим деген,
Анда болбойт ченем,
На-на-на.

Болсом дейм дайым жаныңда,
Сүйүү багында.
Ашыгам ар бир кылыгыңа,
Жалгыздыкта калтырба.

Арман кылбай, ардагым ай,
Түбөлүк түгөйүм болчу.
Жүрчү тыңдай, жүрөм ырдай,
Сүйүүмдү сага деген.
Жүрөгүм арнап, жүрсөм дейм жандап,
Жарашып сени менен.

Кайырма:

Жараткандын белеги,
Аны буюруп береби?
Күттүрбөстөн келсеңчи,
Жүрөгүмдүн ээси, теңи.

Кайырма:

Болсом дейм дайым жаныңда,
Сүйүү багында.
Ашыгам ар бир кылыгыңа,
Жалгыздыкта калтырба.

Карагат көзүңө, кадалып өзүңө,
Тамшанып тойбоймун,
Күлкүң толкуп көңүлдө.
Сезилет жомоктой,
Серпилген чачтарың.
Ирмелип кирпиктериң,
Ийилет го каштарың.
Гүл болуп ачылган,
Нур болуп чачылган.
Көз салып артыңдан,
Жүрөм сага ашыга.
Күндөгү чүрөксүң,
Жылдызды жазданган.
Бийиксиң кол жеткис,
Бийлеп жүрөк назданган.

Кайырма:

Кучагымды жайдым,
Чакырдым махабаттын шаарына.
Кумарымда айдын,
Бөлөнөсүң түн асманымда.
Кулачымды жайдым,
Таң жок сен менен тоскон,
Ак таңымдай...
Өзүң деп мен калдым,
Өзүң деп...жалгыз өзүң деп...

Ажарың бир сулуу,
Көктөгү булуттай.
Ак куудай жүзүңдү,
Жүрөмүн да унутпай.
Сезимди козгогон,
Секетим ардагым.
Жүзүңдөн нур болуп,
Бүт дүйнөмдү арбадым.
Эзилет жүрөгүм,
Эркимди баса албай.
Сүрдөнүп өзүңдөн,
Жандап кадам бара албай.
Катылган сыр болдуң,
Ачылбай каламбы?
Жел болуп артыңдан,
Жетпей аттиң кыламбы?

Кайырма:

Алыс калган менде махабатым,
Алсыраган жүрөк сыздаганы.
Унут мени эми, куса болбой,
Элес болуп калган жылмайганың.

Кайырма:
Жалбарып сага айткан сөздөрүм,
Сагынып өткөргөн түндөрүм.
Маралым, кайрылбайм арманга,
Кыйнабаймын, унут мени!

Ардагым, мен сага таарынбаймын,
Күтсөң деле мени, сагынбаймын.
Муңга толгон жүрөк кыйналганбы,
Кайрылбаган сүйүү артта калды.

Кайырма:

Сени ойлосом, канат бүткөн көңүлгө,
Бек сакталып жүрөгүмдүн төрүндө.
Таалайымдын жаркыраган жылдызы,
Махабаттын гүлүн терген өмүргө.

Алыс жакта жүргөнүңдө сагынып,
Жалынчумун, жаным, сага кагылып.
Кирпик какпай таң атырам далай түн,
Карааныңды бир көргөнгө зарылып.

Күндөн күнгө менден четтеп кеткениң,
Муздак сууну жалыныма сепкениң.
Асыл курбум, чыгардыңбы эсиңден,
Тунук сүйүү бизге таасир эткенин?

Сен унутсаң, мен унута албадым.
Элесиңди көңүлгө бек кармадым.
Менден башка бар турбайбы сүйгөнүң,
Анда неге сүйөм дедиң, алдадың?

Жалгыз гана мен учун жаралдыңбы
Тагдыры болуп тагылып
Жалын болуп сезимге таралдыңбы
Бактыма келем багынып
Ыр кантип арнабайын
Жаңырсын кылымдарга
Өзүңө жалбырайын
Сөзүңдүн гүлү барда

Гүлүмдү батырбай
Сүйүмдү качырбай
Жар салам жашырбай сүйөм сени
Ала-Тоо таңырып
Ан сайын жарылып
Айтамын жалынып сүйөм сени

Эр жүрөгүм элжиреп сени эстесе
Көңүлүм сага өрүлдү
Элестете албаймын элестете
Өзүңсүз өткөн өмүрдү

Мен кантип эргибейин
Сен жүрсөң күлүп жанда
Көркүнө телмирейин
Көзүңдүн нуру барда

Кумарым тарабай
Кубанып баладай
Жар салам жадабай сүйөм сени
Жаз майрам жайпалат
Жан кайдан жай табат
Жалынам кайталап сүйөм сени

Гүлүмдү батырбай
Сүйүмдү качырбай
Жар салам жашырбай сүйөм сени
Ала-Тоо таңырып
Ан сайын жарылып
Айтамын жалынып сүйөм сени

Кара көзүң жагылса шамдай,
Кантип сага коёмун барбай?
Сүйгөн үчүн, дүйнөм бүтүн, керемет кандай?
Кол кармашып, бактыга барабыз,
Кош канаттай кагылган жанбыз,
Батып муңга, кантип мурда жашадык жалгыз?

Кайырма:
Эркелеп ак булуттан неге жаш тамат?
Эки жүрөк табышканда жаз башталат.
Бийик учат махабат кушка айланып,
Биз экөөбүз - кош канат.

Сагынычтан качамын кайда?
Сага карай шашамын кайра.
Сүйбөгөнгө, күйбөгөнгө,
Бар бекен айла?
Жамгыр жааса койбогун келбей,
Жалындаган жан барбы мендей?
Кара мына, карааныңа толкудум көлдөй.

Кайырма:

Күнгө теңебейм,
Мөлтүрөп жүзүң, берекем,
Эркелетем, эч кимге бербейм.
Сага байланам,
Садагам, келчи кайрадан,
Жылдыздай жанам кумарыңдан.

Сага деген сезим менен,
Бир өзүмдү арнап келем.
Кандай аздык жалгыз гана,
Жүрөгүбүздөн сүйүү деген?
Мага деген мээримиңден,
Созулган кирпигиңден.
Ой да терең сени менен,
Түбөлүк жандап жүрүү деген.

Күнгө теңебейм,
Мөлтүрөп жүзүң, берекем,
Эркелетем, эч кимге бербейм.
Сага байланам,
Садагам, келчи кайрадан,
Жылдыздай жанам кумарыңдан.

Эх, карындаш, мени мынча кыйнадың?
Маяк берип, күнү-түнү тынбадың.
СМСтен сен сүйүүңдү мага арнап,
Чынбы-калппы түрдүү ырды жазасың.

Көргүм келет мен да сенин жамалың,
Телефон чалсам, кылыктанып, албайсың.
Табышмакты бекем катып сен мага,
Тартынасың, неге жообун айтпайсың?

Кайырма:
Эх, карындаш, сырыңды сен катпа,
Маяк кылып ойго мени салба.
Эгер оюң мендик гана болсо,
Уяңсырап, кездешүүдөн качпа.

А, балким, сен мен жөнүндө биринчи,
Теле-радио, гезиттерден угуп, окуйсуң.
Кыялданып, ойго батып өзүнчө,
СМСтен ырларыңды мага жолдойсуң.

Сага жаздым мен да ушул ырымды,
Ыр түрүндө айттым сага сырымды.
Маяк бербей, телефондон түз сүйлөш,
Эх, маякчы карындашым, кылыктуу.

Кайырма:

Жан дүйнөң тапты жазын,
Ушул тап сенин жашооң.
Келечек бизге табышмак,
Мен өмүрдүн бутагы.

Жан дүйнөң тапты жазын,
Ушул тап сенин жашооң.
Келечек бизге табышмак,
Мен өмүрдүн бутагы.

Жөн эле акпайт суулар,
Жөндөн жөн учпайт куштар.
Кубулуш бар укмуштай,

Жөн эле акпайт суулар,
Жөндөн жөн учпайт куштар.
Кубулуш бар укмуштай.

Бир ирмелген кирпиктен,
Бир катылган тилектен,
Бүт дүйнө жанып кетеби?

Бир ирмелген кирпиктен,
Бир катылган тилектен,
Бүт дүйнө жанып кетеби?

Эңсей берем сени, жолуккандан бери.
Жарык чачат үмүт шоола созулуп.
Кыялымда издеп, сызып учкум келди,
Асмандагы ак кууларга кошулуп.

Аппак тилек жамынып,
Алтын шакек тагынып.
Жүрөгүмдө жашайсың,
Махабатты сагынып.

Кайырма:
Жылдыздар берметтей жааса төгүлүп,
Айлана бир укмуш көзгө көрүнүп.
Махабаттын ыры турса кол сунуп,
Эркелейт кыялым нурга чөмүлүп.

Ак сүйүүмдүн гүлү ачылгандан бери,
Жүрөгүмдөн өзүң түнөк тапкансыйт.
Сүрдөп сенден, жаным эч ким айта элек,
Сүйөм деген сөздү алгач айтканын.

Аппак тилек жамынып,
Алтын шакек тагынып.
Жүрөгүмдө жашайсың,
Махабатты сагынып.

Кайырма:

Эңсей берем сени, жолуккандан бери.
Жарык чачат үмүт шоола созулуп.
Кыялымда издеп, сызып учкум келди,
Асмандагы ак кууларга кошулуп.

Аппак тилек жамынып,
Алтын шакек тагынып.
Жүрөгүмдө жашайсың,
Махабатты сагынып.

Кайырма:

Бак ичинде гүлдөп өсөт розалар,
Күн нуруна жыты буркурап.
Тентек желге жалбырагы дирилдеп,
Көңүл черин жазып кулпурат.

Кайырма:
Ах, розалар,
Ах, роза, роза, розалар,
Наздыгыңда сенин сүйүү бар.
Ах, розалар,
Ах, роза, роза, розалар,
Кызыл, агыш түстүү розалар.
Ах, розалар...

Жан дүйнөмдү кытыгылап розалар,
Сымбатына сырын жашырат.
Назик жүзү шүүдүрүмгө мөлтүрөп,
Сулуулугу кумар кандырат.

Кайырма:

Тартууланат сулууларга розалар,
Жазда дайым күлдөп ачылат.
Табигаттын назик жыпар жыттуусу,
Көздөрүңдүн жоосун алышат.

Кайырма:

Мало кого удивит,
Или хоть чуть огорчит.
Что эту толику дней,
Мучают мысли о ней.
Ведь говорят, что нельзя,
Так изнурять их сердца.
Но я ничем не могу,
Помочь ему.

Ее как будто нету, а он по белу свету,
Летит не различая силуэты.
Кидая безразлично, их взгляды так циничны,
И опускаясь он кричит: "Ну где ты?"

Крыльями ветра по всему свету,
Будь посмелей, беги за ней.
Весенней прядью, безумья ради,
Ты без оглядки беги за ней.

Пусть на земле гаснет свет,
Все равно да или нет.
Главное все, что в тебе,
Это так нравится мне.
Я уплыву за тобой,
Через морские прибои.
И потеряю счет дней,
При мысли о ней.

Бетонные портреты, конвертные секреты.
Влюбленных разлучает невзначай судьба.
Ночами согревая, улыбкой окрыляя,
Когда ж ты осознаешь - нет ее важней.

Тебя ведь рядом больше нету (Просто беги за ней)
А я ищу по белу свету (Просто беги за ней)
Крыльями ветра по всему свету,
Будь посмелей, беги за ней.
Весенней прядью, безумья ради,
Ты без оглядки беги за ней.

Просто беги за ней...

Карагаттай жалжылдаган көздөрүң,
Жан дүйнөмдү эзип карайт мени.
Турмуш мени гүлгө айлантса чөлдөгү,
Булут белең төгүлгөн, аяп мени?

Ай-ий, айдай сулуу пери,
Ай-ий, арнайм сага сезим.
Ай-ий, көздөрүң, ай, сенин,
Качан байкайт мени?
Айтчы деги.

Кайырма:
Жалгызым жүрөгүмдүн теңи,
Карагат көздөрүң, ай, сенин.
Ар дайым сага арналат сезим,
Бакытка толуп турган кезим.

Жаңырган шыңгыр күлкүң жүрөктү эзгени,
Жаным, мага жагат.
Жан дүйнөм жалгызсырап,
Жаным сыздап турган кезде,
Жолуктум жалгыз сага.

Ай-ий, мөлтүрөгөн,
Ай-ий, көздөрүңдөн,
Ай-ий, ай жүзүңдөн,
Ай-ий...

Ай-ий, аралайбыз бирге дүйнө кенен,
Ай-ий, ар бир күндө сүйө берем,
Айдай сулуу каректериң үмүт берет.

Кайырма: