Серпип кара чачтарың, сүйкүмдүү каштарың.
Сезимдерди козгодуң сен, күлүп таштадың.
Күлсөң күндөй сезилет, жүрөгүм эзилет,
Жомокто алтын куштай, ал бийкеч керилет.

Кайырма:
Эркелеп сезимге, чок салып койдуң неге,
Жаралган сезимди сезбейсиң сен береке.
Эркелеп сезимге, чок салып койдуң неге,
Жаралган сезимди сезбейсиң сен береке.

Гүл жыттаймын, ойлоймун, күлкүңө тойбоймун.
Ак сүйүүмдү билсең болду, сага жолдоймун.
Сүйкүм көзүң ирмелет, сезимге термелет,
Жүрөктө алгач бактым, ал мага бир келет.

Кайырма:

Эзилет жүрөгүм,
Эңсеп күйүп, жүдөдүм.
Керилет чүрөгүм,
Бир өзүң сүйөмүн.

Күндөрүм суудай агылат,
Күтөм сени жалгыздыкка багына.
Кусадар болдум сени деп,
Чакырчы сүйүү багына

Кайырма:
Сагынам сени, сагынтпа мени,
Күтөмүн жалгыз бир гана мен сени.
Сагынам дечи сен дагы мени,
Жүрөктү ая, жаным, көп эзбечи.

Болсоңчу дайым жанымда,
Агылып кирсинчи жүрөк каныма,
Баары бир мендик болосуң,
Керемет сүйүү таңында.

Кайырма:
Сагынам сени, сагынтпа мени,
Күтөмүн жалгыз бир гана мен сени.
Сагынам дечи сен дагы мени,
Жүрөктү ая, жаным, көп эзбечи.

Сагынам сени, сагынтпа мени,
Күтөмүн жалгыз бир гана мен сени.
Сагынам дечи сен дагы мени,
Жүрөктү ая, жаным, көп эзбечи.

Төгүлүп айдын нурундай,
Сүйөмүн сени бул ааламда, жаным.
Жүрөктө каткан жан сырым,
Жол карап күтөм ар дайым.

Суранам сенден, алтыным,
Бул түнгө таштабачы.
Жоготуп кара көзүңдү,
Калтырдың коюу түнгө.
Жалгыздык жанга шерик,
Тиктеймин көзүмдү албай.
Терезени улам чертип,
Жамгыр да кошо ыйлайт.

Кайырма:

Барбы сенин күткөнүң,
Айтчы, жамгыр, сырыңды?
Балким, сен да мага окшоп күткөнсүң.
Сыздай, кыйналып, сагынып, жалынып,
Келсеңчи деп, кетпечи деп...

Жамгырдын ыйы басылбай,
Өксүүдөн ыйлап турдум.
Эселек жапжаш баладай,
Жүрөгүм туйлап турду.
Ушул түнү аяп келчи,
Сооротчу, жаным, жай.
Кусалыгым жанга батпай,
Кошулуп турам ыйлай.

Кайырма:

Жамгыр төксө ай жүзүңө арбалып,
Жүрөм сени ал жамгырдан кызганып.
Көк асманда чырайыңа көз артып,
Ак булуттар сызып жүрөт суктанып.

Кайырма:
Сенсиң менин бул жашоодо белегим,
Бирге болчу, жалгыз өзүң тилегим.
Жүрөгүмдү сен аячы,
Азапка эч салбачы.

Өмүрүмдү жаным сага арнаймын,
Сени сүйгөн жүрөгүмдү аяймын.
Бакыт тилеп Жараткандан дайыма,
Өзүң менен бир болууну самаймын.

Кайырма:

Өттү балалык күндөрүм,
Кыздар менен бирге ойноп.
Өтөт уйкусуз түндөрүм,
Сени ойлоп, сени ойлоп.

Кайтпайт артка ал балалык,
Кайталбасмын эми мен да.
Экөөбүз неге тааныштык,
Кыялымда калдың сен да.

Кайда болсом, кайда жүрсөм дайым,
Жалгыз сени ойлойм.

Кайырма:

Караба, караба,
Мага антип караба!
Балдай таттуу сөздөрүңдү,
Сүйлөй бергин, аяба.
Сураба, сураба,
Абалымды сураба!
Сен болгун дайым жанымда,
Башкасына ынаба.

Кара мончоктой көздөрүң,
Мүнөзүңө тартып турат.
Сүйлөсөң ширин сөздөрүң,
Жүрөгүм да тез-тез урат.

Алыста болсоң сагынып,
Зар болуп өзүмөн-өзүм.
Келсең сен мага кайрылып,
Сагынычым айтам өзүм.

Кайда болсом, кайда жүрсөм дайым,
Жалгыз сени ойлойм.

Кайырма:

Көрүшкөнчө көздөрүңдөн чагылган,
Нурларынан курган кайран көпүрөм.
Бекемине күмөн санап жаңылгам,
Өтүмү жок болгонума өкүнөм.

Кимге айтып күйүтүмдү,
Кимге барып өтүнөм?
Кимге барып күйүтүмдү,
Кимге айтып күнү-түнү,
Кимге барып өтүнөм?

Таңшыгыча табышмактуу таң сыры,
Тандап кеттиң таңы салкын өлкөнү.
Табалабайм кайрылганда айт чынын,
Артык бекен башка жердин көркөмү?

Арбалсаң да бир келерсиң,
Ала-Тоону көргөнү.
Сагынганда бир келерсиң,
Саргайганда бир келерсиң.
Ала-Тоону көргөнү.

Кала берем мекенимде сени эстеп,
Жүрсө экен деп алыс жерде аман-соо.
Өтүнөрүм көкүрөгүм элестеп,
Көргөн сайын жалын бүрккөн жанар тоо.

Жалын бүрккөн үшкүрүгүм,
Жаңырыгы жарар зоо.
Жалын бүрккөн үшкүрүгүм,
Жалын бүрккөн үшкүрүгүм,
Жаңырыгы жарар зоо.

Сагынганда бир келерсиң,
Саргайганда бир келерсиң.
Ала-Тоону көргөнү.

Ал кезекте сен тентек кыз эселек,
Мен да бала сүт оозумдан кете элек.
Жар бооруна экөөлөп,
Орок менен үй куруп.
Жаңы гана үйлөнүп,
Көчүп келдик дечү элек.

Кайырма:

Алтын балалык,
Бизди ойноткон.
Мага билгизбей,
Сүйүүмдү ойготкон.

Кемпир десем мен колуңдан жетелеп,
Белим ий деп сен да мага эркелеп.
Чалым байкуш жумуштан,
Чарчады деп сени аяп.
Чай кайнаткан күндөрүң,
Али эсимден кете элек.

Кайырма:

Коштошордо коомай кармап колумду,
Сагынба деп санга бөлдүң оюмду.
Жаш күнүмдүн унуткус,
Эстелиги ушул күн.
Карап турдум жалдырап,
Караан үзгөн жолуңду.

Кайырма:

Суудай тунук,
Сезимимди туйбадың.
Сага жанган,
Сүйүүмдү сен неге булгадың?
Батып кайгыга,
Турам азыр да.
Соолуп гүлдөй сенин жаныңда.

Кайырма:

Эми мени кыйнаба,
Жалган айтып жагынба.
Баары бүттү, баары кеч,
Ишенбейм сага!

Сенин жалган,
Сөздөрүңө алдангам.
Жан дүйнөм,
Жараланып, сыздап, кыйналган.
Кайрылбайм артка,
Сени сагынсам да.
Болду, ишене албайм бир сага.

Кайырма:

Бул жалганга жаралганда,
Булганыч жок бүт тазадай.
Тагдыр калчап тараганда,
Бир күлүп, бир жазалайт.
Душман, курдаш арасында,
Нечен кыял жүз талдадым.
Өксүп өчүн аларында,
Өз жолумду тандадым.

Кайырма:

Жашоонун жалыны жанып,
Жазбай жанамын.
Багынбай барк жетпес байлык,
Бактым табамын.
Сүйүүнүн сүрөтү сонун,
Өчпөйт каралдым.
Өмүрдө бактылуу болуу,
Үчүн жаралдым.

Жүрөгүмдөн жазар элем,
Бакыт улам бара качса.
Капа болбойм, ошол калем,
Бирде өчүп, бир жазса.
Сынагандай сыртым салып,
Сыр алдырбайм муңга батып.
Сынар кезде таяп калса,
Жетээр мага ошол бакыт.

Кайырма:

Тарбия бардыгына бирдей берет,
Он бала болсун багат ата-эне.
А бирок ошол ону биригишип, биригишип,
Багышпайт ата-энесин эмнеге?

Кол созуп бир кездерде келе-келе,
Келе бер, кармат мага, өзүң жебе.
Дегендер боор көтөрүп, үй-жай күтсө, үй-жай күтсө,
Унутат ата-энесин эмнеге?

Турмуш оор, жүз каталык кеткен күндө,
Ойлон, дос, жаңылыштык кылып жүрбө.
Билсеңер, ата-эненин милдетинен, милдетинен,
Кутула албайсыңар тирүүңдө.

Туурдан учурганын унут койбо,
Адамдык сапатыңды астиң ойло.
Өзүңдөй таш боордукту балдарыңдан,
Көргөндө өкүнбөгүн, ушуну ойлон.

Кезигип өмүрдүн кемесинде,
Илинип махабат желесине.
Кыйнадың, ыйладым сага жетпей,
Тилинип жүрөгүм армандын сересине.
Байлады тагдырым дилибизди,
Багынтып бирибизге-бирибизди.
Бакыттын багына жетерибизде,
Ак сүйүү айрыды неге бизди?

Кайырма:

Жок, мен сенсиз жашай албайм
Жок, сүйүүмдү тана албайм.
Сен алыссың билем бирок, жаным,
Мен сага бара албайм.

Алыссың жете албай айлам кетет,
Күн түнү уктабай сени эстеп.
Тагдырым үзө албай сенден үмүттү,
Махабат бакчасы жемишин береби деп.
Сагынам ак жуумал элесиңди.
Сени издеп жүргөнүмдү сезесиңби?
Байласа бактыңды башка адамга,
Бакыттын ачкычын сен ага бересиңби?

Кайырма: