Бул күндөр да өтүп кетер,
Кыйналган жандардын үнү жетер.
Баркын билбей бул жашоонун,
Жашадык заманда "өзүм" деген.
Бул сыноолор өтөт, кетет,
Жамандын артынан жакшы келет.
Абалыңды сурай турган,
Бул күндө адамга адам керек.

Узак жолду улап келген,
Ар бир таң өзгөчө кубат берген
Канча кыйын күн келсе да,
Адамбыз баарына чыдап келген.
Бул сыноолор өтөт, кетет,
Жамандын артынан жакшы келет.
Абалыңды сурай турган,
Бул күндө адамга адам керек.
Күндөн дагы, суудан дагы
Эң кымбат адамга адам керек.

Сабыр керек сынбай турган,
Жакшы күн бар али, улай турган.
"Чыңалсын",-деп адамзатты,
Сыноолорду Кудай сунган.
Бул сыноолор өтөт, кетет,
Жамандын артынан жакшы келет.
Абалыңды сурап турган,
Бул күндө адамга адам керек.

Адам жөлөк курбусуна,
Себепкер жаркыган турмушуна.
Кыйын күндө бирге өтөт
Таянып "эл" деген уул-кызына,
Ынтымакта жеңе турган
Кайрат бер, сабыр бер Кыргызыма!
Бул сыноолор өтөт, кетет,
Жамандын артынан жакшы келет.
Абалыңды сурап турган,
Бул күндө адамга адам керек.

Ак сүйүүнүн улуулугун.
Аруулугун үйрөттүң.
Жаздай жарык дүйнөң менен,
Жандүйнөмдү турлонттун.


Кыйын кезде башты бийик,
Көтөрүүгө үйрөттүң.
Көздөрүмдөн оюмду окуп,
Көңүлүмдү гүлдөттүң.

Кайырма:


Асыл жарым, арзуум, аярым,
Эң жакыным, жөлөп-таярым,
Сени кошкон Жаратканыма,
Мен ыраазымын.

Бул жашоонун өмүр жолунда,
Сүйүу менен жашоо сонун да.
Сени тапкан тагдырыма,
Мен ыраазымын.


Тереңдикти, кенендикти,
Бийиктикти үйрөттүң.
Сени сүйгөн өңдүү жаным,
Мен эч кимди сүйбөдум

анааркаган кезде мени,
Сабырга сен үйрөттүң.
Сары ооруган кезде айыгып,
Күлгөнүңдөн күндү өптүм.


Кайырма:


Асыл жарым, арзуум, аярым,
Эң жакыным, жөлөп-таярым,
Сени кошкон Жаратканыма,
Мен ыраазымын.

Бул жашоонун өмүр жолунда,
Сүйүу менен жашоо сонун да.
Сени тапкан тагдырыма,
Мен ыраазымын.

Жаратканым жашоо жазганда,
Жалгыз эмес жандап алганга,
“Жүрөктөн сүйүп ал” деп түгөй бергенби?
Бирок жүрөк бирдей урбаса,
Сезимдерди алдап уурдаса,
Ал андай махабаттын барбы кереги?

Салыштырбай жашоон башкага,
Бар болгону сүйүү барктаса,
Жараткан пендесине ошол белеги.
Байлыгына бактың байласаң,
Жалган сүйүп, жалган ыйласаң.
Бүгүн бар, эртең бүтөр, барбы кереги?

Сен кубансаң, кошо кубанса,
Сен ыйласаң, сыздап ыйласа,
Ал ансайын күч алып сүйгүң келеби?
Күн тийгенде жүргөн жаныңда,
Алыстаса бүркөк маалында.
Ал андай ак сүйүүнүн барбы кереги?

Аруулукту бийик кармаса,
Ак куу сымал бирди тандаса.
Акыры бакыт сага өзү келеби?
Ак сүйүүнүн үйүн курбаса,
Аяп сүйүп, коргоп турбаса.
Ал андай махабаттын барбы кереги?

Сүйүү кымбат, сүйүү түбөлүк,
Махабатсыз жашоо бүдөмүк,
Өмүрдө сүйүп жашап, сүйүп өтөлү.
Жаратканым жашоо жазганда,
Жалгыз эмес жандап алганга,
“Жүрөктөн сүйүп ал” деп түгөй бергенби?

Сезбей койдуң, эзмей болдуң жүрөгүмдү,
Дале качам калсак эле карашып.
Жыттай албай, уктай албай жүргөнүмдү,
Бир билсең го калмак элек жарашып.

Күлөмүн ай, ай, айла жок күлөмүн ай, ай, ай,
Жүдөдүм ой, ой, жүдөдүм, жүдөдүм ай.
Күбөмүн ай, ай, сүйлөсөң бийиктерден сүйлөгөн,
Жүрөмүн күлүп, жөн гана жүрөмүн, ай.

Болбой койдуң, соймой болдуң махабатым,
Ишенип кой сага болгон сезим ак!
Билбейм неге бир өзүңө жага албадым,
Сезгениңде түбөлүккө жашамак…

Жүрөгүм ай, ай, жүрөгүм, жүрөгүм ай, ай, ай,
Жүдөдүм ой, ой, жүдөдүм, жүдөдүм ай.
Сезимин арнап, алдыма гүл көтөрүп келет деп,
Жүрөмүн күтүп, өзүңдү жүрөмүн ай.

Ой, бул махабат,
Айттым беле сага.
Ай, бул махабат,
Жүдөдүм жүрөгүм жүрөдүм…

Сезбей койдуң, эзмей болдуң жүрөгүмдү,
Эми кантип кайра өзүңдү каратам?
Жандай албай, кармай жандай албай жүргөнүмдү,
Билсең кана алоолонуп баратам…

Жыттуусу сенсиң гүлдөрдүн,
Назиги сенсиң үндөрдүн.
Жолугуп сага сүйлөшсөм,
Жыргалы ошол күндөрдүн.

Кайырма:
Багым бар эй, багым бар,
Багымда чүрөгүм бар.
Маңдайында келишкен,
Чүрөгүмдүн калы бар.

Башкадан сени кызгандым,
Чүрөгү белең кыздардын.
Жүрөгүм сүйүп жактырган,
Мүрөгү белең жыргалдын.

Кайырма:

Батыш жактан сыдырым жел, шамал согуп,
Көк талаада мен отурдум көпкө ойлонуп.
Жибек сымал саамайыңды эске салам,
Шамал жеткен жоогазынды карап коюп.

Кайырма:
Кат жазам сага мен алыстан,
Зар болуп сенин элесиңе.
Бир өзүңдү теңеп жылдыздарга,
Алмаштырбаймын сени эч кимге.

Теңейм сени жоогазынга гүлүн ачкан,
Жаш бутакка эрте жазда бүрүн чачкан.
Теңеп сени жылдыздарга бүлбүлдөгөн,
Теңейм күнгө көк мейкинден нурун чачкан.

Кайырма:

Сагынычым саамал болуп көбүрөт,
Санаам санга, оюм онго бөлүнөт.
Сезимдерим сен тарапка агылып,
Мен өзүңсүз жашай албайм көрүнөт.

Ой, карындаш көктү карап менсинбе,
Жолдуу кызга мендей күйөө берсин де.
Намыстарга байлыгыңды мындай кой,
Баары, баары болот сенин энчиңде.

Ой-ой-ой-ой
На-на-на-рей

Мага тааныш көп жигиттин жомогу,
Баары, баары мен күткөндөй болобу?
Аны кийин көрөсүң да карындаш,
А дегенде, макул болчу оболу.

Ой-ой-ой-ой
На-на-на-рей

Кой, кой жигит мен түшүндүм оюңа,
Торой басып, тоскоол болбо жолума.
А дегенде макул бол деп, а кийин,
Сазайымды бердиң баары колума.

Ой-ой-ой-ой
На-на-на-рей

Эми бизде мына кызык тамаша,
Жөндүү сөзгө таарынасың балача.
Сен күткөндөй болот баары дегеним,
Акыл-эсиң, мамилеңе жараша.

Ой-ой-ой-ой
На-на-на-рей

Сагынычым саамал болуп көбүрөт,
Санаам санга, оюм онго бөлүнөт.
Сезимдерим сен тарапка агылып,
Сенсиз жашай албайм...

Ой-ой-ой-ой
На-на-на-рей

Көкүрөктө туйлады, көөдө нгө сыйбады,
Көнүл менен касташтым, кыйбадым.
Каректерин жалганчы, көз жашын бал тамчы,
Көркөмү нө кул болдум, кайырчы.

Кайырма:
Тажадым мен, тажадым баарынан,
Чарчадым мен, чалындым багымдан.
Бар туруп балын татпадым,
Оң болоор жалгыз калганым.
Махабатым, жанылдым, жазганмын,
Билсем дагы катага малындым.
Күнөө менде билем, жаным,
Сүйөм деген сөзүм шамым.

Кетким келет камынып, эркиме таарынып,
Ээлеп алган сезимди кагылып.
Түшүнбөдүм, жалгыз бой күрөштөн чарчадым,
Чеги болоор түгөндүм, жалынып.
Кайырма:

Сенсиз өткөн көз ирмемдер кызыксыз,
Көргүм келет сугум артып.
Сезимимди тутандырган, тумар кыз,
Сүйгүм келет жүзүң татып.

Кайырма:
Жылдыз болсоң мага, суранам, таң атпа,
Сырдашып арзуумду айтайын.
Күнүм болсоң менин, күүгүм тартып батпа,
Нурларыңдан кубат алайын.

Сенсиз жазган ырым мага кумарсыз,
Коштой кетем ар бир сапка.
Сезимимди тутандырган, тумар кыз,
Жүрөгүмдөн барктап баккан.

Кайырма:

Күтүүдөн мен тажабайм,
Сүйөм десең түбөлүк.
Көздөрүмдү кадабайм
Жашай берем күн өтүп.
Айла канча, кантейин,
Сүйүптүрмүн өзүңдү?
Ырга айлантам анчейин,
Жол караган түнүмдү.

Кайырма:
Жазгы жамгыр, алыстаба,
Сапар алба алыстарга.
Калгым келбейт
Жалгыздык туманында камалып.
Жазгы жамгыр, алыстаба,
Буюрбадың жалгыз мага.
Ак сүйүүмдөн бир тамчы
Өңдөнөсүң жалганчы.

Үзүлбөгөн үмүтүм сезимимди жаралайт,
Басылбаган күйүтүм жүрөгүмдү аймалайт.
Элесиңди эсимден күзгү нөшөр талашат,
Тамчылары жамгырдын бөтөн сымал карашат.

Кайырма:
Жазгы жамгыр, алыстаба,
Сапар алба алыстарга.
Калгым келбейт
Жалгыздык туманында камалып.
Жазгы жамгыр, алыстаба,
Буюрбадың жалгыз мага.
Ак сүйүүмдөн бир тамчы,
Өңдөнөсүң жалганчы.

Биз тандаган бул сүйүү жолунда,
Илинбей тагдырдын торуна,
Таалайым бир сенин колуңда.
Байкалбай көлөкөң болоюн,
Багыңа булбулдай коноюн,
Сен сүйгөн обонду созоюн.

Кайырма:
Сүйүүнүн сыры,
Махабат ыры.
Жыпар гүл бул жыты дайым аңкыган!
Сен жана мен - бир жүрөк,
Мен жана сен - бир сүрөт,
Ал сүрөттөгү жүрөк!

Арзуум менин ашып-ташкан кенен дайра,
Азыр көрсөм деле көргүм келет кайра.
Үшүсөң жылуу нур күн болом,
Чарчасаң мемиреп түн болом,
Кубансаң кубанычка толом.

Кайырма

Көзү оймок тамчыдай,
Көздөп учам камчылай.
Кирпик кагат адатынча,
Кантип турам мен чыдай?
Оозу оймок кулпунай,
Ойноп турат кургур, ай,
Кылыктана жылмайганда
Кантип турам жутунбай?
Сезесиңби? Секетимди?
Күлмүңдөгөн элесиңди.

Кайырма:
Бакыраң көз, бакыраң көз,
Бакытымсыз, бакытымсыз,
Чачтарыңыз, чачтарыңыз
Кара кундуз, кара кундуз.

Жүзүң жарык толгон ай
Торогонсуйт жолдон ай
Ток карагат көздөрүңдү
Толуп турам кургур, ай.
Кашы чийме карлыгач
Караганды качырбас,
Тизе бүгүп кол сунганда
Түйбөй калат карындаш.
Сезесиңби? Секетимди?
Күлмүңдөгөн элесиңди.

Кайырма:

Баёо сезим артта калып,
Балалыктан өттүкпү.
Жан дүйнөмдүн аруу, таза,
Табышмагын төктүкпү.
Ар бир кадам алга карай,
Суроо менен ташталат.
Мындан ары бизде дагы,
Ойлончу кез башталат.

Кайырма:
Күч берчи, кубат бер,
Кубандырып турайын.
Кубалашып кумар менен,
Куттуу үйүн курайын.
Ак берчи, акыл бер,
Адал такка коноюн,
Ата-энемдин ак эмгегин,
Актагандай болоюн.

Өкүнбөймүн, өтүнбөймүн
Кайра тартып бергениң.
Себеп ошол сен да, мен да
Эрезеге келгенмин.
Теңир тиреп, тилек берсе,
Тик аскага асылбай
Акырында бакыт багын,
Багбан жандай асырай

Кайырма:

Турмуш жолу туйласаң да,
Тумарыңдан тарттырбай.
Туткун болбой туу курса да
Сураганың алдырбай.
Актык менен, адал менен,
Алга карай умтулсам,
Алла Таала арнагандан,
Кур кол дайым калтырбай

Кайырма:

Татыктуу тамга тандайм өзүңө,
Тартылам кара-кара көзүңө.
Кат сунган сайым неге калтырайм,
Бир тиктеп жок дей салчу сезиле.
Теңебейм теңдеши жок ай-күнгө,
Арбылган айдындагы ал гүлгө.
Күн батар, ай булутка жашынаар,
Гүл бүтөөр күз келгенде ийиле.

Кайырма:
Кайталап баткым келбейт арманга,
Кайрымсыз кылыңан айлага.
Мен эми махабатта кайырчы
Кармалган кай күнөөмө жипсиз байланам.

Жамалың жасап алган жандайсың,
Жарыктык жалган беле кандайсың.
Кайталап жутсам дагы көркүңөн,
Каниет кыла албаймын, канбаймын.
Эриниң элпилдеген эркеси,
Эсиме эрким кайрып бербестир.
Сурабай сулуу сени түбөлүк,
Сүйгөнүм мага күнөө эместир.

Кайырма:
Кайталап баткым келбейт арманга,
Кайрымсыз кылыңан айлага.
Мен эми махабатта кайырчы
Кармалган кай күнөөмө жипсиз байланам.