Жаным, бир көрүп ашык болдум сага,
Жүрөгүмдө от жалындаган.
Менин жанымдан кетпечи,
Мен сенден суранам.

Мага жылдызың таза жарык чачкан,
Сени ойлоп нечен таңым аткан.
Жаныма бекем кыссам да,
Кумарым канбаган.

Айтчы, башыма конгон бакытсыңбы?
Агарып аткан таңымсыңбы?
Ааламда эч тең келбес,
Жалган да жансыңбы?

Жаным, бир көрүп ашык болдум сага,
Жүрөгүмдө от жалындаган.
Менин жанымдан кетпечи,
Мен сенден суранам.

Жанымдан кетпечи, мен сенден суранам,
Жанымдан кетпечи сен...

Менин да, жаным, өз бактым үчүн,
Күрөшкөнгө толук акым бар.
Түшүнчү, түшүн,
Оймоктой болгон эрдиңден сенин.
Өңүмдө эмес, түндөсү,
Түшүмдө өптүм.

Кайырма:
Экөөбүз адеп таанышканда сүрдөп,
Жадагалса, жаным.
Сурабаптырмын атың ким деп,
Сүйүүнүн керемети.

Корулган жерде өскөн гүлзардай,
Колумду сунуп кызыгып турдум үзө албай.
Өзүң деп жүрүп өзгөрүп деги,
Кетпесем болду сүйөм дешиңди угалбай.

Өмүр өтсө мейли, өкүнбөйм деги,
Кайрылсаң мага кайра.
Сезимимди тепсеп, жанчып,
Андан сага кандай пайда?

Күтөмүн дайым, жебе жылган сайын.
Карай берип, картайды карек.
Түтөймүн түптөн, түңүлбөймүн, күтөм,
Билбесем да белдүү бир дарек.
Караңгы түндө кайсалайм,
Карагым, неге айта албайм?

Кайырма:
Өмүр өтсө мейли, өкүнбөйм деги,
Кайрылсаң мага кайра.
Сезимимди тепсеп, жанчып,
Андан сага кандай пайда?

Махабат катын карегиңе жаздым,
Карап туруп, сезбей, садага.
Айтайын десем, ашык ала келсем,
Бурасың сөздү башкага.
Жамгырлуу түндө жалгызмын,
Жан эркем, сенсиз алсызмын.

Кайырма:

Жоодураган көзүн карап,
Жолугуну күндө самап.
Жаным болуп жаралгансып,
Жарым ырыс сага тартат.

Жаз гүлүндөй бураласың,
Жан дүйнөмдү кубантасың.
Жалт-жалт карап мени,
Жылмайганда эми,
Жарылды го жүрөк, сүйүү деми.

Кайырма:
Оо, карындаш, кагылайын,
Ойлоп сени сагынамын.
Сени сүйгөн бир агаң бар,
Ананайын...

Кара көздүү карындашым,
Калат белем болуп ашык.
Канжар сүйүү сууруп чыгып,
Карабадың эми жүрөк дартын.

Айдай сулуу карындашым,
Айдагы кыздай тартып алдың.
Аппак таңдай эми,
Арбап алдың мени,
Арнадым сүйүүнүн кереметин.

Кайырма:

Оо, карындаш, сен ыйлаба,
Оо, карындаш, сен таарынба.
Таарынганда сен агаңа,
Эмне пайда?

Табият таалайына берген жерим,
Ала-Тоо ак мөңгүлүү, толгон кени.
Оргуштап булактары атырылып,
Көргөндүн көтөрүлөт жүрөк деми.

Кайырма:

Черткенде шаңшый берет үч кыл комуз,
Бабалар бата берет, кошуп добуш.
Төбөдө көпкөк асман күбө болгон,
Теңир-Тоо - ата конуш кыргыз тапкан.
Кыргызым, элим кыргызым,
Кыргызым, элим кыргызым,
Элим кыргызым...

Кыргызым кылым санап арыбаган,
Таалайы өнүп-өсүп карыбаган.
Тамшанткан Теңир-Тоонун табияты,
Сырт жактан келгендерди таңыркаткан.

Кайырма:

Эки тал көрсөң кыйбай жүр,
Элиңде жүрсөм сыйлай жүр.
Элиңден узап мен кеттим,
Эрмегим деп ырдай жүр.

Кайырма:

Жаштык жалын чагыңда,
Ойноп-күлүп жалында.
Тагдыр бөлсө арга жок,
Тагдырлашым таарынба.
Таарынба, таарынба,
Көрүшкөнчө сагынба.
Сагынба, сагынба,
Кош бол эми, таарынба...

Ак кайың көрсөң кыйбай жүр,
Айылыңда жүрсөм сыйлай жүр.
Айылыңдан узап мен кетсем,
Ардагым деп ырдай жүр.

Кайырма:

Жалгыз тал көрсөң кыйбай жүр,
Жаныңда жүрсөм сыйлай жүр.
Жаныңдан узап мен кеттим,
Жалжалым деп ырдай жүр.

Кайырма:

Ар бириңер таянар тоо керемет, ак дилиңер,
Жан демиңер баа жеткис асылзат, кең пейилиңер.
Бар болгула бакыттын бал кушунда,
Бай болгула жан дүйнө чокусунда, жандоочулар,
Ырыма күбө бол, кан досторум.

Отуралы, ортону ырыс менен толтуралы,
Ойдун баарын оргуштап ортого чогулталы.
Силерсиңер ишенер караандарым,
Билесиңер, аман-соо жүргүн дайым.
Тирексиңер, ак шумкар жалгасын, жан досторум.

Бар болгула бакыттын бал кушунда,
Бай болгула жан дүйнө чокусунда, жандоочулар,
Ырыма күбө бол, кан досторум.
Силерсиңер ишенер караандарым,
Билесиңер, аман-соо жүргүн дайым.
Тирексиңер, ак шумкар жалгасын, жан досторум.

Айдын нуру түндө төгүлөт,
Ай бетинен бир кыз көрүнөт.
Аянычтуу, өзүнчө сырдуу,
Аппак кызга көңүл бөлүнөт.

Кайырма:

Айдагы кыз, арманымсыз,
Айдагы кыз, ай-ааламда сиз жалгыз.
Айдагы кыз ардагымсыз,
Бир өзүң жок, жер бетинде мен жалгыз.

Түндү күтөм жалгыз отуруп,
Түмөн ойго жүрөк толтуруп.
Түйшүктөнүп жүрөм сиз үчүн,
Түшүмө кир бакыт куш болуп.

Кайырма:

Мейли өтсүн күндөр сабалап,
Мезгил учсун жүрөк жаралап.
Мээримиңе түндө жылынам,
Мага сиздей кимдер жага алат?

Кайырма:

Балам дейсиң көрбөй калсаң тартып санаа,
Бактылуусуң караанымды көрүп гана.
Бой жеткирип өстүрдүңүз асыл энем,
Бал уйкуңду, түн уйкуңду бөлүп мага.

Билем, ата, бой жеткенче эркелегем,
Билем, ата, үмүтүң чоң эми менден.
Чоң ата бол бактылуу кары болуп,
Балаңыздын балдарын жетелеген.

"Садагам" деп мээримиңди төгүп мага,
Кичинекей дале көрүп мени, апа.
Көңүлүңүз ачык болуп, дүйнөң түгөл,
Көлөкөмдү тээ алыстан көрүп гана.

Жетилди эрке балаң эркелеген,
Өзүңөрдү жазбай тартам, ата-энем.
Чоң ата бол бактылуу кары болуп,
Балаңыздын балдарын жетелеген.
Чоң эне бол бактылуу кары болуп,
Балаңыздын балдарын жетелеген.

Ойлономун силерди мен күндө-түндө,
Ишенгиле, силер дайым жүрөгүмдө.
Ушул сөздү эч бир адам тана албайт,
Бардыгынан ата кымбат бул дүйнөдө.
Ушул сөздү эч бир адам тана албайт,
Бардыгынан эне ыйык бул дүйнөдө.

Жанына жакын барып айта албадым,
Жалына атың гана кайталадым.
Баарына моюн сунуп жалгыз калдым
Ташдырга, тайкы багына.

Атынан алтын тумар таккым келет
Закымдан алыс учуп качкым келет
Затыңдан кулсуз кумар таткым келет,
Артыңдан, арман таңынан.

Кайырма:
Сөздөрү анын мүрөгү балдын,
Көздөрү анын көргүм келет арбап алды
Алкымы анын алтыны айдын,
Алтыным, жаным азабына байлап салды.

Сагынам сансыз күнүм сайда калган
Таарынам, тагдырыма кайдан табам?
Ачылган кызыл гүлүм, кымбатымсың,
Кайчылап салчы жалынам.

Жаш кезимде жан эргиткен айылыма,
Суктанамын ушунчалык мен дайыма.
Тунук суусун, булактарын ойлогондо,
Тургум келет түбөлүккө мен жанында.

Кайырма:

Айылым, айылым,
Айылыма баргым келди.
Атыр жыттуу гүлдөрүнөн,
Таткым келди.
Айылым, айылым,
Айылыма баргым келди,
Балдай таттуу балалыгым,
Эске келди.

Жаз мезгили жаштар чыгат ошол тоого,
Жылына бир жаз айланып күн болгондо.
Эми ойлосом чыдай албайм ушул күндү,
Айылды эстеп мен да жөнөйм жаз болгондо.

Кайырма:

Көңүлдүн көрүнбөгөн жолдорунда,
Көмүлүп жаттың санаа, ойлорумда.
Көз ачып наристедей ойгоносуң,
Көлкүлдөп сагынычым ашып, толгонумда.

Кайырма:

Сүйүктүүм, сүйүктүүмсүң,
Сезсеңчи сүйүү күчүн.
Серпилсе канатым,
Жетпедим, аны түшүн.

Бар экен дале жалын карегиңде,
Башканын мага, жаным, кереги не?
Маңдайга жазылбаган махабатым,
Жашайсың ыр сабында, дале калемимде.

Кайырма:

Көргөндө көздөрүмдү ала качам,
Көнүшүп бирге болом сизге качан?.
Чечилбес бул күндөрдү дастан кылып,
Сүйүүнүн ыр китебин сизге ачам.

Кайырма:
Бир сизде мазабтаттын ширини бар,
Билгизбей ичте каткан бир сезим бар.
Тата албай махабаттын татуулугун,
Өтөм го, өмүр бою дүнүйөм тар.

Булуттан көрүнбөгөн түнкү айдай,
Адашам сүйгөнүмдүн жолун таппай.
Сагыныч санга, бөлүп ойлорумду,
Уйкусуз түнүм атат, таңым атпай.

Кайырма:

Элестеп көрүнөт, ай, мөлтүрөп,
Күлкүсү сүйкүм төгүлөт.
Кыялкеч жайдары, гүл жайдагы,
Эркимди жипсиз байлады.

Кайырма:
Эзилет жүрөгүм, түн чүрөгүм,
Эрдиңден качан сүйөмүн?
Эзилет жүрөгүм, түн чүрөгүм,
Эрдиңден качан сүйөмүн?

Жүзүнөн бөлүнөт нур күндөгү,
Сыйкырлуу пери күндөгү.
Элесиң жоготпой мен жүрөмүн,
Үзүлүп сени сүйөмүн.

Кайырма:

Эркелеп, назданып, гүл жазданып,
Ак куудай учат айланып.
Толгонуп, кыйналып мен кызганам,
Жалындап күйүп башкадан.

Кайырма: