Кооз жерде төрөлгөм деп ойлойм ар дайым,
Төрт мезгил мекенимде күз, кыш, жаз, жайы.
Дайым элимдин алаканы жайык,
Жаратканым буюрса берет, баарыбызга нан жайып.
Мен ишенген адамдар бар, алар мага ишенет,
Бир максатты көздөсөк бошонобуз кишенден.
Бийик учуп, бүркүт сымал Ала-Тоонун үстүндө,
Кыргызстаным муктаж салым кошкон ар бир кишиге.

Кайырма:
Бул чыгарма меники, менин энекемдики,
Угармандыкы, сеники.
Бизге кыргыз тил сабагын берген эжекеники
Сөзү менин мекенимдики,
Сөзү менин энекемдики,
Бул жашоонуку, сеники,
Сага кыргыз тил сабагын берген эжекеники,
Сөзү кымбат кыргыз элдики.

Элимдин жаны менен барабар жерге,
Илгери ата-бабаларыбыз келген.
Улутум сүйлөсүн деп эне тил берген,
Урпагы сактасын деп мээнетин арнаган.
Сөз байлыкты баалаган,
Күндөр өттү арадан.
Жер кургап жамгыр төктү,
Дале кыргыз деген бар адам.
Эй, жашайт мейкин ааламда,
Мен да эркин баратам.

Кайырма:

Кыргыз тил сенин тилиң,
Менин тилим, эне тилим,
Жашайт дайым урпактарга берет билим.
Керек тилим сүйлөгөнгө,
Маселени чечкенге, маектешип түшүнүүгө,
Таарынычты кечкенге.
Кеч калба, эч алба, башка тилди биринчи орунга,
Эне тилиңди тиричилик орунда.
Эсиңдеби эне тилиң колуңда,
Сүйлөсө дейм кыргызча борборумда.

Кайырма:

Кыргыз жерге не жетсин?
Кыргыз элге ким жетсин?
Кыргызстанга ким жетсин?
Кыргыздарга ким жетсин?

Алга аттан, бол бат-баттан,
Маани бер көп нерсеге билгин
Душман, душмандан сактан.
Тазалыкты сакта, оор иштен качпа,
Татыктууну макта, бизди кудайым сакта.
Кыргыз өзүңдү сатпа, көр азабын тартпа,
Үйдө кечке жатпа, бил куранды жатка,
Өз элиңди атпа, кайрылбагын артка,
Келечекти баркта, оор, татаал убакта,
Берилбегин калпка,
Жакшы кепке кулак сал,
Өйдөдөн караба жашка,
Жардам аяба карыга,
Жарашсын ишиң алыңа.
Сүйгөн жумушуңду жаса,
Жаксын ал жаныңа.

Кайырма:
Кыргыз жерге не жетсин?
Таза суу, таза аба.
Кыргыз элге ким жетсин?
Ак көңүл адамдар.
Кыргызстанга ким жетсин?
Бул биздин мекен.
Кыргыздарга ким жетсин?
Элим бол бекем.

Өркүндөсүн мамлекет,
Жоголсун бүт балакет.
Кыймылдасын калкыбыз,
Жасап кыймыл аракет.
Кыргызым эч өчпөсүн,
Жаркырап жанып турсун.
Душман аттап өтпөсүн,
Багытын нары бурсун.
Досуна кыргыз жоош,
Душманга кыргыз жоо.
Айырма жок, Бишкек-Ош,
Бөлүнбө кыргыз бирге бол.
Түшүндүр, көтөрбө кол,
Сүйлөгөнгө бар бир ооз,
Тегерене курчап тоо,
Жерибиз бар абдан кооз.
Көп улутту батырган,
Шаарыбыз бар абдан кооз,
Ал Бишкек 312, ар дайым иште.
Билегибиз жоон, бирок
Жаман ой жок бизде.
Бул Кыргызстан 312
Кош, келгиле!

Биздин ортобуздагы аралык,
Сенин сүйүүң жаш балалык.
Биз экөөбүз бакыт табалык,
Бүл өмүрдө түбөлүк болуп калалык.
Менден сен бир топ эле жашсың,
Карындашым акпасынчы жашың.
Ар дайым жылмайып көздү уялтсын,
Болдум го бир өзүңө мен ашык
Сени теңейм жаңы аткан таңыма
Жүргүм келет алып өз кучагыма,
Жакындап сен орун алчы жаныман,
Өзүң менен түшөм бала чагыма.

Суйлөсөң кулак сүйүнөт,
Жагымдуу чыккан үнүңдөн,
Көп чыкпайсың сен үйүңдөн,
Көрүп калсам мен сүйүнөм.

Кайырма:
Сезим менен ойнодуң, эч койбодуң,
Алып өз кучагыма, кысам жаныма, сени сүйөмүн.
Өзүңө ашыгам, карабайм жашыңа,
Сүйүүнүн тамгасын, түбөлүк алгансың сени сүйөмүн.

Азбы-көппү күндөр өтөт,
Калды карындаш жүрөктө
Сактап калдым эсимде мен,
Сан жеткис жылуу мүнөттөп

Тазалык сени айланат,
Тазарат бассаң айлана.
Жаныңда жүргөн адамдар,
Тартылып сага байлана.
Мен дагы сени жактырам,
Биз ойлонуп көрөлү жакшылап,
Бил, мен дагы сени жактырам,
Жазылдыңбы сен бактыа?
Билсең жок сенде айып,
Ар дайым жүргүн жылмайып,
Эркемсиң, күнүм, айым дейм,
Колдосун сени Кудайым.

Бүтпөйт го эч качан иш деген,
Жүргүлө көлүмө биз менен.
Эс алуу жээгинде эң сонун,
Эңсөөнү табасың издеген.
Толкуну Ысык-Көлүмдүн,
Толкутуп турат өмүрдү,
Ыр-бийге толуп шаңданып,
Ар бир күн өтөт көңүлдүү.

Ысык-Көлүм, Ысык-Көлүм,
Кучагын жайып чакырат, го.
Ысык-Көлүм, Ысык-Көлүм,
Жээгине баарын батырат, го.
Ысык-Көлүм, Ысык-Көлүм,
Жүрөккө сүйүү толтур да,
Ысык-Көлүм, Ысык-Көлүм,
Жаныма кубат толкундар.

Ач чардак көл үстүн айланып,
Ажары күү болуп чертилер.
Ак кеме үн салып айдалып,
Азгырат чиркин, сымбаттуу селкилер.
Кыз-жигиттер жээктеги.
Кыналып бүтпөйт кептери,
Ырахат менен куурчалган,
Ысык-Көлүмдүн кечтери.

Кайырма:

Аба ырайы күн ысык кезде,
Керектүү буюмдарды тезден,
Чогултам мен, чогултат досторум.
Баарыбыз көл жээгинде бирге таңды тоскону,
Нурлар менен кубат алып, позитивди кошкону.
Баратам Ысык-Көл, керемети Салкын-Төр,
Калды саналуу мүнөттөр,
Сүйүнүч бардай жүрөктө,
Өтүп нечен чакырым, жай, ылдам, акырын.
Кирип келдик Ысык-Көлгө,
Жанымда бар жакыным.
Ысык-Көл керемети, кыргызымдын бермети.

Байлыгым Ысык-Көл,
Балуу, сыймыгым Ысык-Көл.
Келер дарегим Ысык-Көл,
Көрөр карегим Ысык-Көл.

Билем азыркы убактар,
Көңүлүң менен кулак сал.
Түбөлүк эмес ачкалык заман,
Жылмаюуга сен убак тап.
Өтөт күндөр жүрөктү өйкөгөн,
Көңүлүң үчүн мен өрттөгөм.
Сөзүн жазгам чын жүрөктөн,
Ишен, эртең сонун бүгүндөн.
Артта болсун оор мезгил,
Ар бир көз ирмемди сезгин,
Эч качан чөкпө, жашыңды төкпө,
Жашоонун ширесин эзгин.
Сен таза болуп, мен таза болуп,
Өнүксүн кыргыз элим,
Эркиндик келди эми,
Кусалыкты сен кемит.
Кандай гана күн болбосун,
Жаныңда досторуң болсун сенин.
Жакшылыкта келип бөлүп кубаныч,
Жамандыкта жаныңа келсин,
Бул жашоодо биз бир жашайбыз,
Ошону унутпайлы,
Убакытты барктай бил,
Солго тартпайлы, чындыкты байкайлы,
Жоголсун бар кайгы,
Алдыга аттайлы.

Алгалай бер бергин менин элим, ишен,
Келечегиң кең сенин,
Бар керемет, жериң,
Ак көңүл жердештериң.
Бар эне тилиң,
Бар эр, азамат желдеттериң,
Көңүлүңдү көтөр элим,
Сен кап этпегин,

Сен кап этпегин,
Жамандын чегине жетпегин,
Өмүрдүн ач дептерин, китептерин,
Сен кирдетпегин...
Тарыхка калтыр из, толукта болсун кемсиз.
Кыргызстанды калтырба жемсиз,
Кудайым өзү береке берсин!

Бул деген заманбап мезгилдин ыргагын,
Билдирип, достукка чакырган ыр.
Сездиңби мезгилдин учканын,
Убакыт тутканын, кунт салып, унутпа жыл,
Билсең менин элим жылып келет бат,
Билип жүргүн дос, сенде деле керек бар.
Өмүрүңдө бир жолу сен,
Жериң үчүн белек тап.
Көңүлүңдөн чыккан салым, аябастан берип сал.
Карабагын, адамдардын амалдарын,
Аларга сен камалбагын,
Алдамчыга алданбагын,
Жамандыкка жалданбагын,
Жардам берчү балдар барын,
Арзан келчү жандар барын,
Алар менен камданбагын, сен!

Бир аз эшик суук, бирок жүрөктө жылуу,
Турамын кар үстүндө мен музыка угуп.
Элдерди карасам баары шашылат,
Карысы да жашы да жана тайгаланган машина.
Бул кыш мезгил Африкада күтпөгөн,
Жылмаюну алыстатып кабактарды бүркөгөн.
Карапайым калкты кыйнап убараны жүктөгөн,
Музга айлантып айлананы көрүнгөнсүйт бүтпөгөн.
Аны көзгө алба, бул да кайгыга салбайт,
Ишембиге даярданып досторуң менен камдан.
Салтка калган көнүгүү, лыжа менен өнүгүү,
Аппак болуп жердин бети кыштын сыйкыр бөлүгү.
Эгер кар көп жааса, өзүң жалгыз калсаң,токтогонсуйт өмүрүң...
Жылытсын музыкам жанды, жүгүртүп тамырдан канды.
Чыдап кой сен бир аз калды, жаз да келет көрүнүп.

Кайырма:
Жаңы жыл келсин, жанып бүтпөгөн,
Жарык жүктөгөн элиме,
Ар бир үйгө кут толуп,
Жаңыласын бүт толук жериме.

Көлдүн үстү көк муз жылгаяк,
Азыр бештин айы, жыл аяк.
Жаңы жыл, элим кайра жылмаят,
Ар бир үйдө таттуу мандарин, ыр майрам.
Көлдүн үстү көк муз жылгаяк,
Азыр бештин айы, жыл аяк.
Мени карап кыргыз аяз кызы жылмаят,
Сулуулугун көтөрө албай менин буттарым таят.
"Жаңы жылдык белектер жылуулукту берет" деп,
"Аяз ата баш багып, унутпастан келет" деп.
Күтөм мен, күтөт бүт дүйнө, күтөт президент,
Күтөт ар бир үй бүлө, кубанычка кезигет.
Кыштын бою меникиндей кыска болсун,
Бирок кыш да өзгөлөнүп кызык досум.
Үшүп калба жылуу кийин көңүлүңдү түшүрбө,
Чыдап кой сен, бир аз калды кыш да өтөт сызып досум.

Кайырма:
Жаңы жыл келсин, жанып бүтпөгөн,
Жарык жүктөгөн элиме,
Ар бир үйгө кут толуп,
Жаңылансын бүт толук жеримде..

Бул эки жүрөк махабаты,
Бул сырлар алар жүргөн катып,
Кайталап улам, сактап жүрөгүндө атын.
Ойлоп түнү бою уктабастан ойго жатып.

Күн өтүп бүгүн калдым кезигип,
Чырайың баштагыдай сезилип.
Жанга жагымдуу, айтам арзуумду,
Жылмаюуң, күлгөнүң, сүйкүм жүргөнүң.
Өзгөрбөй татынасың дагы эле,
Өткөн күн болгонсуду жаңы эле.
Жанга жагымдуу, айтам арзуумду,
Жылмаюуң, күлгөнүң, сүйкүм жүргөнүң.

Кайырма:
Сенде махабат, өчпөдү менде махабат,
Тартылам сага жүрөктөн сүйүү арнап, сүйүү арнап.

Сага арнап карабадым башканы,
Жалгыз сен жүрөгүмдүн тапканы.
Кара көздөрүң, жылуу сөздөрүң,
Каратып, саматып кооздоп күлгөнүң.
Алдабайм, ишенип кой сезимге,
Жагасың, сени бербейм эч кимге.
Кара көздөрүң, жылуу сөздөрүң,
Каратып, саматып кооздоп күлгөнүң.

Кайырма:

Бир сен бар болуп, мен сага зар болуп,
Экөөбүз бирге болгон кезде бул дүйнө тар болуп.
Эгиз жүрөк сенде жүрөт, алыс болсоң калам жүдөп,
Бир өзүңсүз өтпөйт мүнөт, табылбас го сендей түгөй.
Ойнобоймун оюнду, түшүн менин оюмду,
Менин бактым сенсиң, калган күмөндөр жоюлду.
Жалгыз өзүң керексиң, бир сүзөлү сүйүү кемесин,
Жараткандан белексиң, балдарымдын болчу энеси!

Кайырма:

Кайырма:
Айтчы, сен белең мени жашоодо күткөн?
Айтчы, сени издеп ааламды айланып бүткөм?
Мага бүт көңүлүм сен,
Мага бүт өмүрүм сен.
Өзүңдү элестетсем, мээримдей төгүлүп сен,
Айтчы, сен белең, мени жашоодо күткөн?

Эй, досум, карачы, жерге тийбей басканын,
Жүр, артынан ээрчийличи карабастан башканы.
Узун чачтары, артка ташталып,
Сүйүп калдым деп айтпаймын.
Балким кетет башталып,
Жакын барып таанышып.
Бирибизге жагышып,
Көз караштар алышып.
Жылдыздардай жанышып,
Уялбастан карачы.
Мен кыргыздын баласы,
Кадамымды саначы.
Толук ыктымал менин барышым,
Кантип мен мынча жыл.
Бир өзүңдү таппадым?
Кантип сендей сулуу,
Көз алдымдан баспады?
Тартип сенде бар экен,
Бүт аалам сага зар экен.
Тартынба айтуудан,
Катылган сырлар бар экен.

Кайырма:

Жанып турган сезимимдин,
Козголгонун карачы.
Жагып калдың, бул чындык,
Сен колумду кармачы.
Кетели, бирге жашоо жолунда,
Сени менен өмүр сонундай.
Мени эгер жактырсаң,
Бирге түшөлү сүйүү торуна.
Бекем кысып боорума,
Мен кармаймын колуңдан.
Даяр бол, бирге болууга,
Адашпайсың жолуңдан.
Мен сен деп, сен мен деп,
Жетели бакыттын соңуна.
Ишенсең мен да ишенем,
Суроом бар сенин жообуңа.
Айтчы, барбы бирөө?
Сени ойго салган күндө?
Уктатпай, күн батпай, сенин сезимдериң жүдөп?
Болсо эгер ошондой жигит,
Бузууга менин акым жок.
Болсом деймин оюңда сенин,
Күтөмүн сенден анык жооп.

Зай, послушай меня, тебе лишь адресовано,
Ведь я люблю тебя и лаской твоей скован я.
Рискованно иду по нелёгкому пути, хочу плохое всё забыть,
И от думки отойти. Да, я иногда бываю не простым.
Но я такой какой, я и есть. И люби меня таким,
Давай, с тобою забудем прошлое, былое.
И я люблю тебя, и я хочу быть с тобою,
Сен, сен деп жүрөк ооруп келген,
Сен болдуң жараткандын белеги мага берген.
Бат эле көңүл көтөрүлөт сени эстесем,
Бул жашоомдун керемети мен үчүн сенсиң.
Эртең мененки күндүн нурундай сен мага керексиң,
Сен мени түшүнчү, бул сүйүү кемеси.
Сенин бетиңден өөп, бул ырды сага тартуулайм,
Жумшак чачыңдан сылап, бул сырды сага тартуулайм.

Кайырма:
Сүйөм сени, кусаны билбейм,
Күйөм сен деп алдыңа ийилем.
Сулуу келбетиң мени эргитип,
Жанымда журөлүчү, дүйнөнү терметип.

Душа моя рвётся в высь,
Она сильно больна тобою обернись.
Прими мои цветы и просто улыбнись,
Они лишь для тебя поверь мне, малыш!
Мне кажется, я для тебя дышу, дышу,
И только к тебе спешу, бегу навстречу.
Поверь, доверься, буду верным,
Просто лети выше неба, просто лети ко мне.
Пусть эти фразы порхают где-то в тишине,
И я ловлю тот миг словами тихий крик.
Зажигают свечи в ночи, пойми меня, прости,
Вот, вот я готов взрывать всё края.
Вот, вот я молюсь, чтобы ты была рядом, милая,
И это сон к тебе стремиться всё быстрей.
Я люблю тебя и мои чувства всё сильней.

Кайырма: