Жазып саламым, катты саламын,
Сагынычтан жообуң мен аламын.
Ушул турмушум, түйшүк жумушум,
Амандыкты, досум, айтып турушум.

Билсең өмүр аз, бар өмүрүң жаз,
Кубанычка баткан күндөрүң жаз.
Жамандыктан кайт, жакшы тилек айт,
Сагынычтуу, досум, салам айт.

Кайырма:
Ак куу кетет, көл калат,
Ак канатын булгалап.
Мезгил өтсө сагынып,
Айдың көлгө кайрылат.
Алыс жүргөн адамдар,
Аманаттан салам бар.
Ак куулардан сагынган,
Саламымды айтып бар.

Кабар алып тур, катың жазып тур,
Жүрөгүңдөн таза чачып нур.
Дос деп билемин, аппак тилегим,
Ишеничтен бүткөн досум -тирегим.

Ыйманыңда бол, досум курдашым,
Тагдыр бизди бөлүп кайда бурбасын.
Мени эңсеген момуну да бар,
Саламыңды алдым жүрөк кубанар.

Кайырма:

Билсең өмүр аз, бар өмүрүң жаз,
Кубанычка баткан күндөрүң жаз.
Жамандыктан кайт, жакшы тилек айт,
Сагынычтуу, досум, салам айт.

Кайырма:

Ээрчитип колдон жетелеп,
Ойносоң гүл бакчада.
Татынакайсың, эселек,
Сезимдериң таптаза.
Уялыңкы эркелеп,
Талпынганың башкача.

Кайырма:
Менин карындашым,
Сүйкүм ирмейт кашын.
Дайым эркелетип,
Сылап коём чачын анын.

Үмүт чоң келечегиңден,
Чоңоюп, бойго жетсең.
Тилегиң берсин Кудайым,
Керегисиң кыргыздын.
Ата-энең көрсүн убайың,
Жерде жанган жылдызым.

Кайырма:

Алыс калган менде махабатым,
Алсыраган жүрөк сыздаганы.
Унут мени эми, куса болбой,
Элес болуп калган жылмайганың.

Кайырма:
Жалбарып сага айткан сөздөрүм,
Сагынып өткөргөн түндөрүм.
Маралым, кайрылбайм арманга,
Кыйнабаймын, унут мени!

Ардагым, мен сага таарынбаймын,
Күтсөң деле мени, сагынбаймын.
Муңга толгон жүрөк кыйналганбы,
Кайрылбаган сүйүү артта калды.

Кайырма:

Жалгызсырап, сенсиз кыйналдым,
Сур булуттай сыздап, ыйладым.
Кайрылбай кеттиңби, алыстап жанымдан.
Айрылтып эздиңби, жыргалымды алып кеттиңби?

Кайырма:
Таарындым тагдырга,
Өзүңдөн айрылганда.
Көңүлдү соолутуп,
Ак сүйүүмдү айланткан арманга.

Жалдыраган көздөрүң калды,
Сооротчудай сөздөрүң барбы?
Жалгызым сездиңби буулукканымды,
Же жылдыз аралап учкун сымал учуп кеттиңби?

Кайырма:

Назданып басып, тоготпой бой саласың,
Сүйлөсөм укпай, кыялданып качасың.
Сулуусуң айдай, нур жүздүү чырайың бар,
Суусаткан жүрөк сүйлөсөң сөздөрүң бал.

Кайырма:
Ичтеги сезимди жашырбай айтайын,
Ирмелтип көздөрүң, жанымдан качпагын.
Жаралган тунук жүрөктөгү сүйүүмдү,
Сага арнайын.

Кыйнабай мени, аячы көңүлүмдү,
Кыялбай сени, сан ойго бөлүндүмбү?
Кымбатым болуп жашайсың кыялымда,
Кылчайып келчи, айланып жыргалыма.

Кайырма:

Күтүүдөн күндөр жылбай,
Кусадан санаам чыкпай.
Кечиктиң, жол караймын,
Керемет ыр ырдай.

Кайырма:
Жайдары басып эй,
Жарыгың чачып эй,
Жаркыным, жаныма сен келсең.
Маанайым ачып эй,
Махабат ташып эй,
Маралым, сезимге дем берсең.

Саамайың көзгө сүйкүм,
Сагынып шыңгыр күлкүң.
Самадым, күтүп сени,
Сары оору болуп бүттүм.

Кайырма:

Байланам шок кыздардын,
Көздөн учкан сыйкыр нуру.
Мен балкыган жанга дары,
Алтын жибек, мончок шуру.
На, на, ней,
Ал жомоктогу перидей.
Сезилет жылмайганы,
Сезим өрттөп тамшандырат.
Көрсөң көзүң тойбос болуп,
Көксөп адам арман кылат.
На, на, ней,
Ал бийкечтер оттой болот,
Кол тийгизбес чоктой болуп жанат, эй.
Кайырма:
Байланам көздөрүнө анын,
Жалындаган жазым, жаным ай.
Жан дүйнөмдө жашайт жалындай,
Ай, ай, ай...

Байланам көздөрүнө анын,
Жымыңдаган жазым, жаным ай.
Жыргалымдын аткан таңындай,
Ай, ай, ай..

Тамшанам тал чыбыктай,
Ичке бели, көздөрү күйүп.
Алтын күлкү, шыңгыр добуш,
Ашык болуп келем сүйүп.
На, на, най,
Ал жомоктогу перидей.
Сырларын сактап келет,
Айтылбаган жомок болуп.
Учкун учуп күлсө нуру,
Көз уялтат күндөй болуп.
На, на, ней,
Ал бийкечтер оттой болот,
Кол тийгизбес чоктой болуп жанат эй.

Кайырма:

Туюлган арзуулардай,
Алгачкы махабатым,
А бирок азыр армандай.
Куюндап учкан чаңдай,
Кайрылбай бара жатат,
Ак сүйүүм менден алыстай.

Кайырма:

Негедир жүрөгүм эзилгенсийт,
Эгизин жоготуп, жалгыз калгандай.
Махабат мүрөгүм соолуп баратат,
Менин...

Буулугуп учкан куштай,
Армандан сыздап кеттим,
Айта албай, ичимен ыйлай.
Эмне үчүн тагдыр кыйнайт,
Айрылтып жүрөктөрдү?
Бирине-бирин буюрбай.

Кайырма:

Табияттан туң ирет, туңгуюктамын тушалгандай,
Тагдырымды ким билет, таамай талдуу бир муш алгандай.
Тизе бүгө бүк түштүм алсыраймын, кансырагандай,
Жарадармын жүрөктөн жарым жанымдан сурагандай.

Кайырма:
Жалынам жанымдан кайтарып берчи,
Сур булуттун арасында сенсиз адашкам.
Жалынам, жанымдан кечиргин мени,
Бейкүнөө эт жүрөгүмдү кайтарып берчи.

Кубаладың кусалыкты, куру кыял чуу салдыкпы кайра,
Душман кылдың жан дүйнөмдү, туштап соккон кан жүрөктү жайлап
Тамырымдын согушунан сездим сезим адашканын сага
Жаңы ырымдын добушунан туйсаң болду жадаганым жана.

Сага деген махабатымды арнадым мен,
Жүрөгүмдө сага айта албаган сезимимди.
Анан мага ачып ажарыңды, элесиңди,
Арбаласың сен, жаным.

Өзүң менин тагдырлашым, тапканым сен,
Өзгөлөргө жана башкаларга ачылбаган.
Жалаң мага чачып жалыныңды, илебиңди,
Күн нурундай сен, жаным.
Кучагымда сен, гүлзарым, багым,
Жүрөгүмдөсүң ар дайым.

Кайырма:

Жүзүндө жылдыз бар,
Жүрөктө чогу бар.
Ал сулуу – Аймончок,
Тилинде балы бар.
Күлкүсүн уксам дейм,
Гүлүмдү сунсам дейм.
Асманда ай болуп,
Ашыгып күтсөм дейм.

Сагынычты сага бөлүп, карааныңды издеп,
Жаным, сени көрүп, гүл жытыңды искеп.
Сагынамын сени, гүлүм, эстеп,
Махабатка тойбоймун.

Өмүрүмдү өзүң менен өткөрсөмбү бирге,
Өкүнүчтө калсам эгер арманым ал менде.
Тагдырыма мендик болуп жазса,
Бакытым деп ойлоймун.
Жүрөгүмдөсүң, махабатым да,
Сезимимдесиң жаным, бактым ай.

Кайырма:

Супер гезит бул – “Супер Инфо”,
Супер гезит менен алдыда бол.
“Супер-Инфодон” гана табасың,
"Супер" менен мезгилден калбайсың.
Мезгил өтөт, заман өзгөрөт,
Убакыт талыкпайт, оку көбүрөөк.
Ошондо гана сен алдыда болосуң,
Өз колуңда сен туура жолдосуң.
Бизди танда биз сени тандайбыз
Бирге, чогуу биз артта калбайбыз.
Талантың барбы, өргө чабар өнөр,
Анда эмне турасың? Биз менен бол.
Бер өзүңө жол, кыл элиңе кызмат,
Бери көздөй чыгып, элиңе бер кубат.
“Супер-Инфо” дайыма бол кабардар,
Бизге кошул, мезгилден артта калба!


Жымыңдаган жылдыздардай,
Көктө жарыктардай.
Сезилет го ал жомоктой,
Тартылат сыйкыры бардай.
“Мезгилден артта калба!” деп
Бакыт тилеп,
“Мекенди ыйык сакта” деп,
Сатпагын деп.

Кайырма:
“Супер-Инфо” элим менен,
Жерим менен, эскирбеген.
“Супер-Инфо” кылымдарга,
Өчпөс болот эскирбеген.

Жолун улай бирге болот,
"Супер" артта калбайт.
Эмгектенет ал талыкпай,
Адашпай жолун тандай.
“Мезгилден артта калба!” деп,
Бакыт тилеп.
“Мекенди ыйык сакта” деп,
Сатпагын деп.

Суранам сенден, алтыным,
Бул түнгө таштабачы.
Жоготуп кара көзүңдү,
Калтырдың коюу түнгө.
Жалгыздык жанга шерик,
Тиктеймин көзүмдү албай.
Терезени улам чертип,
Жамгыр да кошо ыйлайт.

Кайырма:

Барбы сенин күткөнүң,
Айтчы, жамгыр, сырыңды?
Балким, сен да мага окшоп күткөнсүң.
Сыздай, кыйналып, сагынып, жалынып,
Келсеңчи деп, кетпечи деп...

Жамгырдын ыйы басылбай,
Өксүүдөн ыйлап турдум.
Эселек жапжаш баладай,
Жүрөгүм туйлап турду.
Ушул түнү аяп келчи,
Сооротчу, жаным, жай.
Кусалыгым жанга батпай,
Кошулуп турам ыйлай.

Кайырма:

Жамгыр төксө ай жүзүңө арбалып,
Жүрөм сени ал жамгырдан кызганып.
Көк асманда чырайыңа көз артып,
Ак булуттар сызып жүрөт суктанып.

Кайырма:
Сенсиң менин бул жашоодо белегим,
Бирге болчу, жалгыз өзүң тилегим.
Жүрөгүмдү сен аячы,
Азапка эч салбачы.

Өмүрүмдү жаным сага арнаймын,
Сени сүйгөн жүрөгүмдү аяймын.
Бакыт тилеп Жараткандан дайыма,
Өзүң менен бир болууну самаймын.

Кайырма:

Тагдырым берген жөлөгүмсүңбү,
Таалайым сунган белегимсиңби?
Махабат кошкон биздин жүрөктү,
Маңдайга жазган медеримсиңби?

Кайырма:

Күлкүңдөн кубат алып жашайын,
Турмуштун кырын бирге ашайын.
Жараткан кошкон узун жолумда,
Жанашып бирге чогуу басайын.

Багыма конгон периштемсиңби,
Бактымды чогуу бөлүшкөнсүңбү?
Балбылдап жанган көзүңдөн сенин,
Бакытым үчүн көрүшкөнбүзбү?

Кайырма:

Жамгыр болуп, жаз болуп,
Жан дүйнөмө нур болуп.
Булактай таза, буюруп мага.
Кылыктанып, назданып,
Күлсөң жүрөм кызганып,
Сени башкадан. Сүйүп, тамшанам.

Кайырма:

Жылдызың учкун болуп,
Түндө учуп көрүнгөн.
Жылмайсаң жүзүң айдай,
Назик күлкүң төгүлгөн.
Жаныңдан калбайын,
Санаага салбайын.
Сагынам ар дайым.

Тапкан сүйүүм, ардагым,
Тандап гүлүм арнадым,
Жүрөктөн сага, өзүңө гана.
Санап күндү, келсе дейм,
Сагынганым билсе дейм,
Убара тартам, уйкуман кача.

Кайырма:

Күндөр алмашты, күтүп чарчадым,
Алыстады менден жаштык карааны.
Баарынан кымбат, жаным, сен белең,
Алмаштыргыс айга да, күнгө?

Жаным жай албай, арга таба албай,
Күтчү элем сени күндүн нурундай.
Кечире албаймын, унута да албаймын,
Жалгызымды кайрыбайм.

Кайырма:

Жел сылаган саамайың,
Жалгыз сени тандаймын,
Жарым болчу, жандай сүйүп, жактырган.
Сүйүү гүлүн терейин,
Сүйгөнүмө берейин,
Эркелетип эрдиңден мен сүйөйүн.

Сүйүүм таптаза, тунук булактай,
Ортобузда күйүп турган чырактай.
Бирге сүрөлү жашоо татымын,
Ажырагыс эгиз ынактай.

Жаным жай албай, арга таба албай,
Күтчү элем сени күндүн нурундай.
Кечире албаймын, унута да албаймын,
Жалгызымды кайрыбайм.

Кайырма:

Жаралып ай нурунан.
Жамалың тунук суудан,
Көргөн жан арзуу кылган.
Тандалып жылдыздардан,
Таң шооладай нур чачкан.
Тагдырым болдуң жазган.

Кайырма:
Сен ак сүйүүмдүн жарчысы,
Жүрөгүмө дем берген,
Шүдүрүмдүн тамчысы.

Эңседим издеп таптым,
Энчилеп сени бактым,
Эргүүнүн балын таттым.
Суусадым сугум арттым,
Сүйүүңө тойбой жаттым,
Сен болуп чексиз бактым.

Кайырма:

Кубулуп, нурга бөлөнүп,
Кулпуруп Соң-Көл, көгөрүп.
Түгөнбөс сүйүү кайгысын,
Түбүнө алган чөгөрүп.

Көл үстү муңдуу шыбырап,
Айткандай сырды туюлат.
Арманда ыйлап бараткан,
Ак Мөөрдүн үнү угулат.

Канаты кандан кайрылган,
Кан кусуп, катуу кайгырган...
Элеси келет Болоттун,
Ак Мөөрдөн анда айрылган.

Өксүгөн өмүр кез келип,
Өткөндү бүгүн эскерип.
Сүрөтүн сактап сулуунун,
Сүйүүгө Соң-Көл эстелик.

Карагат көздөрүңдү көргөндө кубанамын,
Көңүлүң алсамбы деп, күнүгө убарамын.
Кылчайып карап койчу,
Көңүлүм оорубасын.

Жүзүмдөй эриндериң жүрөгүм арбап алды,
Түндөрү уйку бербей, жүдөтүп, ойго салды.
Жарыгым, мендик болчу,
Жанымды кыйнабачы.

Керилип басканыңа көз артып, суктанамын,
Башкага ыраа көрбөй, өзүңдү кызганамын.
Өкүнтпөй мендик болчу,
Өмүрүм сага арнаймын.

Ак жоолук салынган, суйкайып таранган,
Эркеси агамдын кыялданган
Капкара кашыңдан, өрүлгөн чачыңдан,
Кайниңди сүйдүрүп ойго салган.

Кайырма:
Жеңеке качпачы, сырыңды катпачы,
Маралдай керилген жеңекем ай.
Агамдын бактысы, үй-бүлө тактысы,
Бактылуу болуңуз жеңекем, ай.

Кайни деп жүрөсүң, күйдүрүп күлөсүң,
Бой жеттим мен дагы үйлөнөмүн.
Жеңеке жыл өтүп энеке болуңуз,
Узарсын алтындай ак колуңуз.

Кайырма:

Ырдап турам, жеңе гүлүм сунам,
Ак тилегим арнап турам.

Кайырма:

Бакыт мага сезилип,
Ак жаан болуп себелеп.
Саамайыңдан сылап жүрктөн,
Өз жарыңды күтөсүн.
Саат өтпөй, күн өтпөй,
Кою түндө өчпөйт чырагым

Жамалыңа жан жетпей,
Күндөр өтпөй, таң кетпей.
Көңүлүмдү сага бурайын,
Жамалыңдан сылайын.
Жарашыктуу жаз айым,
Сүйүү гүлүн сага сунайын.

Саргайынкы кеч күздөй,
Санаам калды үзүлбөй.
Сүйөрүмдү сага билгизбейм,
Караныңа зар болуп.
Сенсиз дүйнөм тар болуп,
Түндөр өтөт дагы билинбей.

Каректериң менин жүрөгүмдө,
Өчпөс болуп сакталат.
Кайрылбаган, аттиң, калды күндөр,
Эңсеп жүрөк суктанат.
Келчи кучагыма, жыргалым,
Бирге күткөн,
Сезим кумарына чөмүлсөм,
Сүйүп өткөн...

Кайырма:
Сен кубанычым,
Аттиң, эми арман болдуң.
Сен сагынычым,
Жазган түйшүк,
Жалган болдуң.

Жолдор бөлүп бизди эки башка,
Тагдыр ошол, түшүндүм.
Аттиң дедим, сүйүп жалгыз калдым,
Өксүп, эми өкүндүм.
Келчи кучагыма, жыргалым,
Бирге күткөн,
Сезим кумарына чөмүлсөм,
Сүйүп өткөн...
Кайырма:

Канча күн өттү кайрылып келбей,
Билбей оюңду.
Калбай артыңдан, кадам таштадым,
Үзбөй жолумду.
Кайдасың айтпай, кайрылып кайтпай,
Түнгө жашынып.
Айсыз караңгы, жетпей каламбы,
Сени сагынып.

Кайырма:
Кеттиң кайда?
Оюман кетпей, оорудум жетпей.
Талпынып сага жетпей,
Дарыма жетпей.
Оюман кетпей, оорудум жетпей.
Талпынып сага жетпей,
Дарыма жетпей.

Балким, кечиктиң,
Маңдайга жазган тагдыр түшүнгүн.
Арзуу махабат, жетпедим сүйүүгө,
Сенсиз өкүндүм.
Кайдасың айтпай, кайрылып кайтпай,
Түнгө жашынып.
Айсыз караңгы, жетпей каламбы,
Сени сагынып.

Кайырма: