Тата Улан "Карындаш"
Жанр:Рок-музыка
00:04:06
81,69 Мб
Жүктөлгөн: 21-02-2011


Сөзү:Тата Уландыкы
Обону:Тата Уландыкы

Кап этпесең угуп койчу,
Момундай болгон окуя.
Чындык болбос калп нерседей,
Жай айтылган акыя.
Көгүчкөндөр учуп жүрөт,
Бир айылда тыптынч.
Жан көрүнбөйт тегеректе,
Болуп турса чак түш.
Эшикке чыкты бир карындаш,
Кызыл өтүк кийген.
Сулуу, чырай келбетине,
Ишенгенин билген.
Шаарды көздөй сапар алды,
Саркеч сумка асынган.
Кандай болот келечеги?
Тагдырына таарынган.
Чимирилип ылдый түшөт,
Кызыл-сары жалбырак.
Көздөн агат жаш куюлуп,
Көкүрөккө тамчылап.
Кабак бүркөп кейип-кейип,
Калаа көздөй келатат.
Үйдөн качып, уруш менен,
Эркиндикке баратат.
Өрүп жүргөн жибек чачты,
Белге таштап чачты.
“Өзүм түзөм, өз жашоомду”,
Деп кыйкырып качты.
Мени түшүнгөн өмүр жарды,
Издештирип табамын.
Өзүм деле сулуу кызмын,
Жакканымды чабамын.
Бул жашоодо баары болот,
Капа болбо, карындаш.
Түз узасаң тез жетесиң,
Жоолук асты кайык каш.
Бактылуулукту эңсейсиң,
Жөлөк болгон асыл таш.
“Оозду чүйрүп, жебейм дейсиң,
Сунса балды кашыкташ.
Бул жашоого жеткен арман,
Кудай өзү кечирсин.
Турмушуңда өзүң каарман,
Ката сенден кетпесин”.
Деп айтчу эле сага энең,
Күндө мээңди жегендей.
Сен укпадың аны деги,
“Билем-билем” дедиң сен.

Кайырма:

Титиреген эриндериң,
Муздадыбы таштан?
“Сүйөм, сүйөм, сүйөм” дедиң,
Сылаттырып чачтан.
Өзүң эле ысып турган,
Кучагына жолодуң.
“Күйөм, күйөм, күйөм” дедиң,
Күйүп кеттиң, кор болдуң.


Сейил бакта эс алганда,
Көрүп калдым ал кызды.
Дарак сүйөп, жалгызданып,
Көктү тиктеп жалынды.
Көздүн тузун кошо жутуп,
Өксүп-өксүп ыйлаган.
“Не болду?” деп сурагандан,
Тилим барбай кармалган.
Ыйдын ачуу добушуна,
Дене боюм кысылып.
Не деримди билбей калдым,
Сөзүм тилге кыпчылып.
Оюм кетти жаман жакка,
Ташталдыңбы, бечара?
Оюнчуктай оюн болдуң,
Булгандыңбы, таптаза?
Алдандыңбы таттуу сөзгө,
Бир максатты көздөгөн.
Сүйүүң күйүү болуп кетти,
Капилеттен күтпөгөн.
Өзүң назик, ишенчээксиң,
Не көздөдүң бул жолду?
Акыл келет тайгаланып,
Ыйлап бүтүп бир көлдүү.
Не кыл дейсиң, азыр турмуш,
Бүт жагынан бузулган.
Арам нерсе мода болуп,
Жаман жолго алпарган.
Төштү ачып, суктандырып,
Чакырасың шайтанды.
Жаккың келет денең менен,
Өзүң баштап жаманды.
Оо, шайтанды карачы,
Чаташтырган, ээ заман.
Сен жактырган бар нерселер,
Териштирсең бүт жалган.
Cактап жүргүн жеңил болбой,
Кыздыгыңды, намысты.
Кол тийгизбе ойноктобой,
Сылаттырып чачыңды.
Сен сөздөрдү туура түшүн,
Эркек оюн актабайм.
Менде да бар карындашым,
Ага жаман каалабайм.
Бул жашоодо баары болот,
Капа болбо, карындаш.
Түз узасаң тез жетесиң,
Жоолук асты кайык каш.
Бактылуулукту эңсейсиң,
Жөлөк болгон асыл таш.
“Оозду чүйрүп, жебейм дейсиң,
Сунса балды кашыкташ.
Бул жашоого жеткен арман,
Кудай өзү кечирсин.
Турмушуңда өзүң каарман,
Ката сенден кетпесин”.
Деп айтчу эле сага энең,
Күндө мээңди жегендей.
Сен укпадың энекеңди,
Билем-билем дедиң сен.


  • Currently 4.46/5
(39 добуш)
Окшош видеолор

Комментарийлер (127)

03.03.2011. 03:34
 beka1
эн сонун мааниси чон
03.03.2011. 13:12
 predator
Жакшы клип! Тата Улан молодец, бул ыр жана клип кыздар учун сабак! Менин айтарым балдар силер дагы уважайте девушек ведь для них выйти замуж не девственицой это же грех так что подумайте парни а кыздарики вы тоже живите с умом!
03.03.2011. 23:49
 kyrgyzstan996
баланы жамандай бербегилечи. ал деле бироонун баласы да...
04.03.2011. 19:40
 aydaykyz
В общем хорошо получилось, но было бы еще лучше, если бы создатели клипа не ограничились реально порочным взглядом молодого человека. Цензура помешала?
04.03.2011. 21:49
 Мыкты Соодагер
Жакшы, жакшы
Дайыма колдоп келем сизди Улан байке
Талантыңыз өркүндөй берсин
05.03.2011. 08:57
 tunaev_joni
Молодец Улан брат негизи эле мен сизди баалайм Мен Кыргызды баалайм Кыргыз кыздарын тоже бирок кыздар жолдон адашпагыла куйоого тийгиче чыдагыла.
05.03.2011. 11:07
 ulake
ырды болсо эчак угуп жаттап бутконбуз,клипин да ырды укканда элестеткендерди тартыптыптыр.
05.03.2011. 21:48
 Aiko
Жакшы. Мага жакты..
06.03.2011. 15:12
 Sayakbayka
Жон тургулачы!!! ТАТА баарынан жакшы!!!
09.03.2011. 17:48
 sardaralay
ммм дааа укмуш
10.03.2011. 04:03
 tnurik
салам алейкумдар -) мен ушул клиптеги жаман баланын ролун ойногон жигитмин... андай коз карашты 15-20 жолу кайталап тартып отуруп аран окшотсом ит кылдынар го -( билем!!! билем!!! -)))) таарынбайм, жаза бергиле оюнарды...
13.03.2011. 13:30
 nuraiym318
uwul klipti kopton beri kutkon elem! soonoun boluptur!!!!!!
14.03.2011. 03:04
 Gulzatka
coнун эле клип жинди кыздар эске келиш учун так держать Тата Улан!!!
14.03.2011. 18:04
 lara
Klip abdan jakshy, kyzdardy korgogudai albette koi emespiz, birok baldar ar bir kyzga mamile jasaardan murda apanyrdy je karyndashynardy estegile. bugn sen bir kyzdy kapa kylsan erten anyn ordunda senin karyndashyn bolushu mumkun. Jigitter kyzdardy aiagyla!!!
Tata Ulan azamat!!! yigilik!!!
15.03.2011. 21:40
 kalys
Клип орто болуп калыптыр ыр супер
20.03.2011. 17:02
 jika
Бали,бали ырыныз эн соонун мааниси коптогондорго сабак берчу,ойлондурчу ыр!!!Клип да жакшы РАХМАТ!!!
20.03.2011. 17:09
 jika
senior оказывается вы не знали что живете в сказке.
Мен ушу тан калам,рольду манызына жеткире тартылса"ужас такой взгляд,чудище",андай аткара албаса "безпонтовый,фу"ДЕГИ СИЛЕРГЕ ЭМНЕ ЖАГАТ
22.03.2011. 02:19
 ibragim
salam aleykum!!! Klip ayabbbbbbbay jakty! Azamatsyz! Iwinizge iygilik!!!
22.03.2011. 17:48
 gulya445
Чындыгында азыр ушундай кыздар кездешет, бирок силер баардык кыздарды андай деп ойлобогула, кыздар озубузго келеличи, акыры жок нерселерге азгырылбагылачы, биз болочок энебиз, мырзалар силер да кыргыз кыздарына аяр мамиле жасагыла, клип жакшы тартылыптыр тарбиялык мааниси бар, бирок клиптин устунон дагы иштесе болмок, ыр супер, ийгилик сизге Улан аке!
26.03.2011. 15:09
 DooZzyWooZzy
молоч братан жакшы клип :)
26.03.2011. 15:44
 das
азамат.биринчи жолу бул ырды укканда 2-
3 ай тынымсыз угуп чарчаган эмесмин.клип орто.башкача элестеткемин.Улан дагы жакшы ырларды жарата бер!
28.03.2011. 18:19
 Programmer
Тата Улан азамат алга
29.03.2011. 17:09
 Дикуся
Клиптин тарбиялык мааниси зор,жашап жаткан жашообуздагы актуалдуу темадан бир узумун корсоткон.Бирок толук ачып бере алган эмес.Ушундан тарбиялык мааниси зор клиптер коп тартылса,жаштарга жакшы сабак болмок,себеьи клипти кобунчо жаштар корот эмеспи.
04.04.2011. 15:00
 Kazaf
Клипин укмуш кылам деп жатпады беле, анча эмес болуп калыптыр
05.04.2011. 17:28
 Aipesh
Начар
07.04.2011. 21:51
 NUR-KYZ
Эн жакшы клип, клипке канча каражат кеткени же арзан экенин талкуулаганда эмне, эн башкысы мааниси бар жана адамга жеткиликтуу болду, эн мыкты клип!!!
10.04.2011. 08:45
 Mikolas
ай Тата хочу тебе напомнить, что кыргыздардын арасында токмолор болгон, сага окшогон кокмолорду жаны эле коруп жатам. Адам болсон алдагы бетине жабыштырып алган сасыган носкини алып эле койчу. Кичине болсодагы эл-журт корсун ким тантырап ырдап жургонун.
11.04.2011. 09:39
 Kaibek
Ыры маанилуу, жакшы. Бирок клип жакшы эмес. Башкача тартылса болмок...
12.04.2011. 01:11
 damkavalet
mykty klip bolyptyr, akterlor da aibai jakshy oinogon, jigit ozynyn karmanynyn betin aiabai achyptyr, koz karashy menen baadygyn korsotyp... jakshy akter chykchydai, al emi kazda soz jok, tatynaki ele kyz bolboston aiabai jakshy atkargan, azamat, Tata Ylan... chygarmachylygyna iigilik
13.04.2011. 08:08
 Zein
Мындай жакшы ырдан копту кутком, бирок клип ырдын маанисин бут бойдон ачып берген эмес.
1
2
3
4
5
Комментарий калтыруу үчүн өз ысымыңыз менен кириңиз же каттоодон өтүңүз.
Музыка түрү
Маалымат-маанайшат порталы 2006-2025 © SUPER.KG
Биздин дарек: Кыргыз Республикасы,
Бишкек шаары, Турусбеков 109/1,
Тел.: +996 312 88-24-00, portal@super.kg
SUPER.KG порталына жайгаштырылган материалдар жеке колдонууда гана уруксат.
Жалпыга таратуу SUPER.KG порталынын редакциясынын жазуу түрүндөгү уруксаты менен гана болушу мүмкүн.
Политика конфиденциальности
p
Рейтинг@Mail.ru
Биз социалдык тармактарда: