Капкара көздөрү, бал ширин сөздөрү,
Жомокто жашаган перидей кыз өзү.
Жамандык, жалган жок, сезимде кири жок,
Жүзүндө нуру бар, журөккө салат чок.

Өрүлгөн чачы бар, көзүндө сүйүү бар,
Өчпөгөн жылдызбы, өрттөнгөн жалын бар.
Ал кызга барсамбы, сырымды ачсамбы.
Же сүйүп, суктанып ачылбай калсамбы.

Кайырма:
Айдагы селки,
Ак куудай пери
Жомокто жалган
Жолуккан ал селки.

Ал кызга суктанып, гүл тартып, ыр жазып
Ай менен жылдыздан коемун кызганып
Өзөндө гүл болсоң жел болуп учамын,
Өмүрдө бир болсоң жаямын кучагым

Тагдырым туш болсо, табышып алайын,
Жамандык, көз тийбес көз мончок тагайын.
Бактыңа узун жол, жашооңдо күлүп жүр
Бир жигит сүйөт деп, сен мени билип жүр

Кайырма:

Неге сен мени карап жодурайсың,
Өмүргө күз жакындап калган кезде.
Көксөтүп алыс калган жаштыгымды,
Белегиң мага деген ушул беле.

Кайырма:
Азгырып улам-улам карай бербе,
Талдырып көздүн нурун бекерге эле.
Мен сендик эместигим билесиң го,
Суранам алоолонуп карай бербе, тиктей бербе.

Суранам мени улам карай бербе,
Толтуруп бүт денемди кусалыкка.
Тиктешиң сезимдерге салып бүлүк,
Жүрөгүм алоолонуп күйүп-жанат.

Кайырма:

Өтүнөм мени улам карай бере,
Ысытса эрип кетер темир деле,
Чыдабай илебиңе кабылбайын,
Өмүргө күз жакындап калган кезде.

Кайырма:

Мен сенден сүйүү күтөм,
Жан дүйнөм арууланган.
Жалындап нурга бөлөп,
Балбылдап күйүп-жанган.

Кайырма:
Мен сенден сүйүү күтөм,
Акындын жакшы ырындай.
Сүйүү деп зар какшаткан
Жүрөктүн бар сырындай.
Мен сенден сүйүү күтөм,
Сүйүү күтөм, сүйүү күтөм,
Акындын жакшы ырындай.

Мен сенден сүйүү күтөм,
Күн сымал жаркыраган,
Мээримдүү көз карашың,
Заматта тартып алган.

Кайырма:

Мен сенден сүйүү күтөм,
Таңдагы шүдүрүмдөй.
Көңүлдү көкөлөткөн,
Жылдыздын үзүмүндөй.

Кайырма:

Жашоо дайым ар башка,
Таасир берет карыга-жашка,
Кабыл ал түшүнүү менен,
Бир тараптуу караба.
Карап калчап көргүн,
Айырмасын сезгин
Кары-жаштын калоосу бар,
Түшүнүүлөр болсун,
Ынтымак орносун,
Ар курактын жашоосу бар.

Кайырма:
Жылдар учат канат кагып,
Заман дайым өзгөрүп турат
Жаштар улам багыт алып
Жаңы нерсе көңүлүн бурат.

Улгайганды сындаба,
Өзүң дагы каарыйсың шашпа,
Жаштарды да түшүнгүлө,
Заман азыр башкача.
Карап калчап көргүн,
Айырмасын сезгин
Кары-жаштын калоосу бар,
Түшүнүүлөр болсун,
Ынтымак орносун,
Ар курактын жашоосу бар

Кайырма:

Кандай сонун жүрөгүмдү арбаган жамалың,
Түбөлүккө бир өзүңө арнагам мен баарын.
Жалгыз гана сулуу болуп саналган,
Жамалыңдан жылдыз нуру таралган,
Жан экенсин бир мен үчүн жаралган ардагым.
Маңдайымда жанып турган махабатым болосуңбу жаным?

Багыма кончу булбулум,
Бакытым болгун.
Эртелеп сайрап, ак сүйүү арнап,
Мен үчүн сайра.
Жагайын махабат шамын,
Сен деп күн сайын,
Эркелеп сага, сүйүүмдү арнайм,
Мен жалгыз сага.

Сени көрүп туйлап келет жүрөгүм ханзаадам,
Сымбатыңа, дидарыңа сүйгөнүм тамшанам,
Менин бүгүн орун алды тилегим,
Мээрим төгүп болчу менин тирегим
Мендей сени сүйө албашын билемин, башка адам
Маңдайымда жанып турган махабатым болосуңбу жаным?

Жагайын махабат шамын,
Сен деп күн сайын,
Эркелеп сага, сүйүүмдү арнайм,
Мен жалгыз сага.
Багыма кончу булбулум,
Бакытым болгун.
Эртелеп сайрап, ак сүйүү арнап,
Мен үчүн сайра.

Кыз сымал назик ар дайым,
Кылым көргөн жамалың.
Кызыгып жерди кыдырып,
Кымбатым мен таппадым

Сагынып сага кайтамын
Сапардан мен сабырсыз
Сагындырып мени кайттырган,
Садагам сен Бишкек шаарымсың

Жашоонун козгойт кумарын,
Гүл оронгон чырайың,
Күн нуру өзү суктанган,
Күндөй жылуу турагым.

Мекеним сенсиң, жерим сен,
Мени танбас элим сен.
Медерим аман жүргүн деп,
Мээримин төккөн энем сен

Төгүлүп сулуу кирпигиң,
Түнүң бейпил болсо экен.
Бешиги ырын ырдай бер
Бейкуттуктап наристең

Бириктирип дүйнө шаарларын,
Бирин сага теңебейм.
Кубатым кетсе кучактап,
Кулунум, ий, деген шаарым сен.

Бир көрүп бүгүн сүйүүмө мен да кезиктим,
Бир көрүп сени бакыттын даамын сезипмин, теңимсиң.
Атыңды жүрөк түбүнө катып бекиттим.
Жүрөгүм оттой жанат согуп,
Келдиңби дүйнөмө жаз болуп.

Кайырма:
Башкача караймын наздана,
Жан дүйнөмдө жанган нурдай таптаза.
Тилегеним, бакыт бизден качпаса,
Жансың башкача.
Таарыныч ортодо жанса да,
Алмаштырбайм бир өзүңдү башкага.
Сүйүнөмүн мен өзүңдү тапканга,
Жансың башкача.

Теребел мага жылмайып колун сунгандай,
Ай-жылдыз бизге суктанып карап тургандай, бул кандай?
Сакталып сүйүү сезимдер жүрсүн булганбай.
Караймын талбай каректерим,
Кетпегин жанымдан, кетпегин.

Кайырма:

Убак жылып алга,
Кадам таштап бир жылга
Өткөн кезиң калды,
Кол булгалап артыңда

Көп күндөр алдыда,
Өткөн кезге муңайба
Курчап сени турсун,
Жакындарың дайыма
Жараткан бөлөсүн бакытка

Кайырма:
Туулган күнүң менен,
Өздүк майрам бул деген
Куттуктайбыз сени,
Аппак тилек ой менен

Кабыл болсун бүтүн,
Тилектер бүт сен үчүн
Өткөрөлү бирге,
Сен жаралган уулуу күн

Калоолорду арнап,
Көңүл ачып, ыр ырдап
Жакшылыктын баары,
Ар дайым турсун жандап
Өмүр гүлүң жайнап жаркырап

Кайырма:
Туулган күнүң менин,
Өздүк майрам бул деген
Куттуктайбыз сени,
Аппак тилек ой менен

Жаз келгенде жайнап чыккан гүлдөй болгон ким элең?
Шыбыраган кулагыма үндөй болгон сен белең?
Жарык чачкан шоолаларын күндөй болгон ким элең?
Ай чыкканда сүттөй жарык, күндөй болгон ким белең?

Ла-ла-ла-ла, ким элең?
Ла-ла-ла-ла-ла-ла-ла-ла
Ла-ла-ла-ла, сен белең?
Ким элең, ким элең?
Гүлдөй болгон ким элең?
Ким элең, ким элең?
Үндөй болгон сен белең?
Ким элең, ким элең?
Күндөй болгон ким элең?
Ким элең, ким элең?
Түндөй болгон ким элең?

Бажырайып бышып турган багым болгон ким элең?
Балдай таттуу жыты урган дарым болгон сен белең?
Шаңга толуп көңүл ачкан шаарым болчу ким элең?
Жүрөгүмдүн сырын тапкан жарым болчу ким элең?

Ла-ла-ла-ла, ким элең?
Ла-ла-ла-ла-ла-ла-ла-ла
Ла-ла-ла-ла, сен белең?
Ким элең, ким элең?
Багым болгон ким элең?
Ким элең, ким элең?
Дарым болгон сен белең?
Ким элең, ким элең?
Шаарым болчу ким элең?
Ким элең, ким элең?
Жарым болчу ким элең?

Күз айы Алматага,
Капыстан барып калдым,
Көздөрү күлмүңдөгөн,
Бир кызды сүйүп калдым
Чийилген кара кашы
Сезимге бүлүк салып,
Соңку ирет мени карап,
Караны алыстады.

Кайырма:
Айланам сенден Сауле,
Сагындым сени Сауле
Кайдасың, айтчы кайдасың?
Шириним менин Сауле
Ашыгым менин Сауле,
Сүйүктүүм менин Сауле
Кай жакка кеттиң жашынып,
Сагындым билсең Сауле.

Арадан өттү айлар,
Кыш өтүп жаз да келди.
Сагынып сени жаным,
Калааңа издеп келдим,
Сен мени күттүң бекен,
Күн санап, түн уктабай.
Же эстен такыр алып,
Унутуп койдуң бекен.

Кайырма:

Жашоо, жашоо, сенде тилек-үмүтүм,
Күр-шар эткен океандай дүбүртүң.
Толкунуңдан ала сала жиреймин,
Алсамбы деп мезгил, өмүр үлүшүн.
Ойлонуп келе жатамын, жатамын,
Кең дүйнө тарыйт, капамын.
Бирок да кыйбай өмүрдү,
Жашагым келет, жашагым,
Жашагым келет, жашагым.

Адам деген күйүп-бышып сыналат,
Аздан көпкө өмүр сүрө куралат.
Жарык дүйнө канча катаал болсо да,
Жашоо нугу, жашоо бүтпөй уланат.
Өмүрдүн суусун татамын, татамын,
Өткөрүп жыргал-азабын.
Бирок да сүйүп өмүрдү,
Жашагым келет, жашагым,
Жашагым келет, жашагым.

Өмүр жылат. Жолу кыска, жолу узун,
Адам жашайт кар, муз каптап конушун.
Жер титиреп, зоо куланат сен жүрүп
Бирок, жашоо неге мынча сонунсуң?
Ак тилек арбын жасармын, жасармын,
Ажалдан кайда качамын?
Өмүрдүн терип гүлдөрүн,
Жашагым келет, жашагым,
Жашагым келет, жашагым...

Жалгыз досум, алыстасың менден сен,
Жалгызсырап сагынамын сени мен.
Бала кезде оюн куруп жүрчү элек,
Сагындым го элесиңди эселек.

Кайырма:
Кыйналдым мен таппай сендей кан досту,
Өзүң гана мээримдүүсүң, тунуксуң.
Жашоо татаал алып кетти сыздатып,
Өз кан досум, жүрөк кантип унутсун.

Эстеймин мен сенин достук мамилең,
Жылдар өтүп, бүгүн сенсиз калдым мен.
Таш боор ажал жаш экен деп карабай,
Алып кетти жүрөгүмдү жаралай.

Болду, болду барбаймын.
Сүйөмүн деп айтпаймын.
Көңүл калды сүйгөнүм, сенден ардагым.

Ушунчага бардыңбы?
Таштап, кетип калдыңбы?
Сүйгөн элем мен чындап, сени ардагым.

Кайырма:
Аппак сүйүүм сен гана.
Ай Гүлдана, Гүлдана.
Жүрөгүмдө эңсеген, сүйүүм сен гана...
Ай, ай, ай, ай Гүлдана,
Жүрөгүмдө эңсеген, сүйүүм сен гана...

Жүрөгүмдө эңсеген,
Чын сүйгөнүм сен элең.
Ишеничти актабай,
Кеттиң жан эркем.

Мейли, мейли сүйбөгүн.
Сен да ээрчип жүрбөгүн.
Боло албадың Гүлдана, менин түгөйүм...

Кайырма:

Болду, болду барбаймын.
Сүйөмүн деп айтпаймын.
Көңүл калды сүйгөнүм, сенден ардагым.

Ушунчага бардыңбы?
Таштап, кетип калдыңбы?
Сүйгөн элем мен чындап, сени ардагым.