Көчөлөрү ар түр жашылдан,
Кере жутам таза абаңдан.
Көз салсам төмөн тарапка,
Көкмөк көлүң ойноп чалкыган.

Кереметүү тоосу Шамшыкал
Жер соорусу Арым, Итагар
Капчыгай, Чычкан, Бейиш-Төр
Узун-Акмат, Торкен дайралар.

Кайырма:
Биздин туулган жер ушул,
Биз да ушул жерге уул,
Акындын аты аталган жер, Токтогул.
Ырчы кызы, ырчы уул,
Биздин туулган жер ушул,
Акындын аты аталган жер, Токтогул.

Обон чыгат аска-зоосунан,
Ыр татымы келет тузунан.
Касиеттүү алтын бешигим,
Күү угулат аккан суусунан.

Кайырма:

Сен төрөлүп, неберем
Кемиди го керегем
Тосуп чыксаң жүгүрүп,
Тоодой толкуп кенейем.

Кайырма:
Айга-күнгө теңеген,
Алмаштыргыс сен элең.
Жүгүрөм деп жыгылсаң,
Жан бөлүнүп денеден
Сен аман бол, неберем.

Нурлап жарык күн-түндү,
Көп күттүм мен бул күндү.
Эч нерсеге кыйбаймын
Сенин таза күлкүңдү.

Кайырма:

Ачып көзүн булактын,
Ата жолун уланткын.
Чоң энеңди сүйүнтүп,
Чоң атаңды кубанткын.

Кайырма:

Ала-Тоодой бийик бол,
Ак мөңгүдөй тунук бол.
Айкөл болуп Манастай,
Кан Бакайдай улук бол!

Жумушум бардай байкеде эле,
Үйүңө барам атайын эле.
Ийилип сунган чайыңды унутуп,
Суктанып кечке караймын неге.
Караймын неге, караймын неге,
Карегим сизге кадалат жеңе.

Ак сүйүү болсо, кечиктим беле,
Армандуу ишке кезиктим беле.
Жылмайып мени карап коййсоңуз,
Сезиле берет сүйгөндөй эле.
Сүйгөндөй эле, сүйгөндөй эле,
Сиз мени сүйүп жүргөндөй жеңе.

Ыр менен сунам гүлүмдү жеңе,
Айта алайм эми сүйүүмдү деле.
Ак жоолугуңду сыйлап жеңеке,
Алыс жүрөйүн аттиң, ай жеңе.
Аттиң, ай жеңе, аттиң, ай жеңе.
Арманда сыздайм сүйбөсөңнеге.
Аттиң, ай жеңе, айылдаш жеңе.
Арманда сыздайм сүйбөсөң неге.
Ыр менен сунам гүлүмдү жеңе,

Арбайт ар бир кыймылың,
Бийчи кызым, махабатым сен,
Махабатым сен.
Айдан түшкөн ай кызым,
Таазим кылам чырайыңа мен,
Чырайыңа мен.
Жайкалган өрмөлүңдөн,
Көзүңдөн мөлмүлдөгөн.

Кайырма:

Өткүр жаштык, өмүргө сүйүү берген,
Жүрө бергин көңүлдө,
Жүрөгүмдө бийлей бергин.
Ай кызым, ай, ай кызым,
Ай кызым менин.
Жүрө бергин көңүлдө,
Жүрөгүмдө бийлей бергиниң.


Жомоктон келдиң ханзаадам,
Сулуулардын периси белең,
Мен издеген.
Байкатпай жүрөк уурдаган,
Бийчилердин сыйкыры белең,
Мен билбеген.
Алтын көкүл саамайыңдан,
Аппак жүзүң, маанайыңдан.

Кайырма:

Жылдыз болуп күнүгө,
Жарык чачат үйүмө.
Сен бар үчүн дүйнөдө,
Үйүм толо күлкүгө.

Кайырма:
Балам, балам, жан балам,
Ананайын садагам.
Элим аман болсун деп,
Атыңды койдум Эламан.
Аман, аман, Эламан,
Гүл белемсиң, садагам?
Жыттап, жыттап тойбоймун,
Ананайын жытыңдан.

Балдан ширин сөздөрүң,
Бүлбүл жанган көздөрүң.
Шириним, ай, шириним,
Узун болсун өмүрүң.
Ата-энеңдин бактына,
Эр жетилгин, садага.
Талыбастан канатың,
Пайдаң тийсин журтуңа.

Кайырма:

Жаңырган айлуу түндү жамынайын,
Жол тартып мен өзүңө камынайын.
Жамалың бир көрүүнү дегдеп барам,
Жайдары тосуп алчы Жаңылайым.

Кайырма:
Жаңылайым менин жаным, ай,
Агарып аткан таңым, ай.
Тоодой багым ай, бактылуу болмокмун,
Болсоң жарым, ай...

Көзүңө карегиңе багынайын,
Көрбөсөм, көргүм келип сагынайын.
Көзү өтүп кетишпесин башкалардын,
Көбүрөөк күлбөй жүрчү кагылайын.

Кайырма:

Көрө албастар көргөндөй айтат,
Көңүл бөлбөй көп жүргүн байкап.
Көксөбөдүм сенден башканы,
Көздөрүңдөн алгансың арбап.

Кайырма:
Мен өзүңдөн алыс чыкканда,
Ишенбечи ушак уксаң да.
Жаным, жаным, жаным, кызганба,
Жашоом бирге, жаным садага.

Азгырышат, ар кандай айтат,
Алыс жүргүн андайдан байкап.
Алмаштырбайм сени башкага,
Аппак сүйүүм - өчпөс махабат.

Кайырма:
Мен өзүңдөн алыс чыкканда,
Ишенбечи ушак уксаң да.
Гүлүм, гүлүм, гүлүм, кызганба,
Гүл сунбаймын башка кыздарга.

Алтын бешигим, түшүмө кирдиң,
Ансайын сага арналат сүйүүм.
Ырымды сунам, сапарым улайм,
Сагынып сени, элестеп улам.
Анда мен бала чуркап ойногон,
Андагы кыял сезим козгогон.
Айлуу түн, кечтер, балалык кездер,
Кусадар кылдың эсимден кетпей.

Таңдын шооласы, эненин үнү,
Таңкы шүүдүрүм, жоогазын гүлү.
Айылдын деми, сагындым сени,
Баратам сага, тосуп ал мени.

Киндик кан тамган туулган жерим,
Кадырыңа, эй, жетер бекенмин?
Ала-Тоо - жерим, кыргызым - элим,
Арча бешигим, Ата Мекеним...
Кадырыңа мен жетер бекенмин?
Баратам сага тосуп ал мени.

Туш тарабы курчалган тоолор менен,
Жайы-кышы тулаң чөбүн малдар жеген.
Жаратылыш көркү сонун Токтогулдун,
Элинин да, жеринин пейили кенен.

Чычкан жээктеп эс алсаң жайындасы,
Тамшандырат тээ Талгардын кожогаты.
Түркүн кооз кубулушка таң калышып,
Бир көргөндөр жергеме, бир көргөндөр Токтогулга сугун артып.

Өнүп-өсүп кийинки жаш муундарың,
Сыймыктантат мыкты кыз-уулдарың.
Кетмен-Төбөм, кең өрөөнүм чалкып жаткан,
Асыл мекен, мен да өзүңдө туулганмын.

Экөөбүз жолукчу жер, колдүн жээги аба салкын,
Күнүгүдөн баскандарың бүгүн, эртең арбын-арбын.
Шашкансып толкундарды кечип өттүм,
Кол сунуп жолугаарда ойго чөктүм
Оюмда эч нерсе жок кучактасам
Башкага жар болдум деп ыйлап өттүң.

Махабат бооруң ташпы, агыздыңго көздөн жашты,
Бактымды кармай албай бул сүйүүдөн көңүл калды
Тилеген ой бар эле дагы канча,
Сөз бүтпөй сүйлөшчү элек ай чыкканча.
Алтыным кош болгун деп кете бердиң
Көзүмдөн акты жашым узаганча...

Кызарып күн жаңыдан тоого кире баткан эле,
Көл дагы коштошконсуп жээкке сууну чачкан эле.
Кааларым бакыт кушун табарыңды,
Соолубай гүлдөй болуп жанарыңды.
Кош эми түбөлүккө бактылуу бол
Унутпа сени сүйгөн адамыңды.
Унутпа сен деп жүргөн адамыңды.

Кызыл өрүк төгүлгөндөй,
Кыздын чачы өрүлгөндөй.
Кыз жашырып ал ак сүйүүсүн,
Кыйгач карап көңүл бөлбөй.

Кайырма:
Кызыл өрүк, кызыл өрүк,
Сүйүп калдым мен сени көрүп.
Кызыл өрүк, кызыл өрүк,
Койчу мага көңүл бөлүп.

Кызыл өрүк данегиндей,
Кара көздүн карегиндей.
Кагып кашың басып кеттиң,
Калтырбадың дарегиңди, эй.

Кайырма:

Кызыл өрүк, азап болдуң,
Кызык сүйүү баштап койдуң.
Кыздын атын сурай албай,
Кызыл өрүк атап койдум.

Жаңы, жаңы, жаңы жыл!
Кирип келди кайрадан.
Жаңы жылдан жакшылык,
Күтөт элдер сандаган.
Тынчиык, сүйүү, бейкуттук,
Чын ден-соолук кааларым.
Ыр, күлкүгө чулганып,
Шаңга толсун айлана.

Кайырма:
Көңүлдөргө дайыма,
Күлкүлөр толуп, шаң болсун.
Адамзаттын жан дүйнөсү,
Жааган кардай ак болсун!
Эски жылды биз узатып,
Жаң жылды биз тосолу.
Ар бир үйгө кут кирип,
Ден – соолукта бололу.

Сааттын жылып жебеси,
Он экини кактырат.
Шаңга толуп көчөлөр,
Шампан көккө атылат.
Ар бир үйгө жаңы жыл,
Кирип келет жаркырап.
Жаңы жылда жакшылык,
Каалоо- тилек айтылат.

Кайырма:

Адырдагы аппак гүлдү көрөм,
Аппагына кызыгып аны терем.
Аппак көйнөк кийинген, эй, сулуу кыз,
Колумдагы аппак гүл сизге берем.

Эй, сулуу кыз, токтой туруңуз!
Колумдагы аппак гүл сизге берем.

Кыр- кырлардан кызыл гүлдү көрөм,
Кызылына кызыгып аны терем.
Кызыл көйнөк кийинген эй, сулуу кыз,
Колумдагы кызыл гүл сизге берем.

Эй, сулуу кыз, токтой туруңуз!
Колумдагы кызыл гүл сизге берем.

Суу боюнан сулуу гүлдү көрөм,
Сулуусуна кызыгыл аны терем.
Сырлуу көйнөк кийинген эй, сулуу кыз,
Колумдагы сурлуу гүл сизге берем.

Эй, сулуу кыз, токтой туруңуз!
Колумдагы аппак гүл сизге берем.
Эй, сулуу кыз, токтой туруңуз!
Колумдагы кызыл гүл сизге берем.
Эй, сулуу кыз, токтой туруңуз!
Колумдагы сырлуу гүл сизге берем.

Желдей жортуп өттү бир күн дагы да,
Ал өмүрдүн кетти келбес жагына.
Тирүү туруп болгум келбейт кабатыр,
Кеткен күндүн, келээр түндүн баарына.

Өтөт күндөр бири-бирине окшобой,
Өтөт өмүр бир мүнөткө токтобой.
Өрттөй жанып, жалындагын барыңда,
Өмүрүңдү өкүнүчкө коштобой.

Мейли жүз жыл, мейли миң жыл жашагын,
Бирок, чындык жер алдында жатарың.
Падыша бол, кайырчы бол баарыбир,
Өлүм үчүн бирдей сенин катарың.

Айлана жашыл шибер, керемет,
Асмандан жамгыр төгөт себелеп.
Мен дагы жамгыр коштоп ырдаймын,
Жазда сени эмнегедир келет деп,
Жамгыр менен төгүлөмүн сени эстеп.

Кайырма:
Төкчү жамгыр, төк жамгыр,
Токтобостон төк жамгыр!
Сүйгөнүмдүн жүзүнөн сүйчү жамгыр,
Өп жамгыр...

Жамгыр төгөт, моюн ылдый куюлат,
Жан дүйнөм да жай таба албай буюгат.
Тамчылары ак жамгырдын негедир,
Таанышымдай жүрөгүмө угулат,
Таанышымдай жүрөгүмө угулат.

Кайырма:

Акыры жамгыр төгүп, басылды,
Аттиң ай, ал жамгырдын аздыгы.
Алтыным, сага болгон сүйүүмдү,
Алып барат ошол сүйүү жамгыры,
Алып барат ошол сүйүү жамгыры.

Кайырма:

Кызыл өрүк төгүлгөндөй,
Кыздын чачы өрүлгөндөй.
Кыз жашырып ал ак сүйүүсүн,
Кыйгач карап көңүл бөлбөй.

Кайырма:
Кызыл өрүк, кызыл өрүк,
Сүйүп калдым мен сени көрүп.
Кызыл өрүк, кызыл өрүк,
Койчу мага көңүл бөлүп.

Кызыл өрүк данегиндей,
Кара көздүн карегиндей.
Кагып кашың басып кеттиң,
Калтырбадың дарегиңди, эй.

Кайырма:

Кызыл өрүк, азап болдуң,
Кызык сүйүү баштап койдуң.
Кыздын атын сурай албай,
Кызыл өрүк атап койдум.

Карагаттай көздөн мөлт-мөлт жашын төккөн,
Сүйгөнүнө жетпей, канча өмүр өткөн?
Сени ойлоп дайым, куса болдум, айым,
Кыялга батып, кыйналып жатып,
Сага арнап жаздым бир обон.
Сени ойлоп дайым. Куса болдум, айым,
Ойлорго батып, ойлонуп жатып,
Обонум сага арнадым.

Жашоо берген күн го, жаш өмүрүм гүл го,
Жаштык өтсө сенсиз, өткөргөнүм түн го.
Үмүт өчтү, үмүт, сени күтүп жүрүп,
Кыялга батып, кыйналып жатып,
Сага арнап жаздым бир обон.
Сени ойлоп дайым. Куса болдум, айым,
Ойлорго батып, ойлонуп жатып,
Обонум сага арнадым.

Сени ойлоп дайым. Куса болдум, айым,
Ойлорго батып, ойлонуп жатып,
Обонум сага арнадым.