Жан дүйнөм сенден азык алып,
Жашаймын алга камчыланып.
Жараткан берген сыноолорду,
Жеңели бирге кол кармашып.

Кайырма:
Эч кимге мен сенден кетпеймин,
Эч кимге өзүңдү бербеймин.
Эр жүрөк баатырым, алмашкыс жанымсың,
Элжиретип жүрөктү айланткан канымсың.

Сезимдин чертели ыргагын,
Сүйүүнүн ичип мөл булагын.
Сүзүп өтөлү бирге, жаным,
Сыйкырдуу махабат дайрасын.

Кайырма:

Айлана жымжырт, караңгы түн ортосу,
Кандайдыр шыбырт калп эле ойготпочу.
Уйку жок неге, сураймын бул эмне.
Сезимдер учат, убакыт токтотпочу.
Алып учат неге, алыстарга мени?
Алгалаган сезим шаштырат.

Кайырма:
Ак куу болуп учкум келет айдай сулуу кезимде,
Асмандагы жылдыз болуш ал сезимде.
Жылдыз болуп учкум келет жакшынакай кезимде,
Жер жүзүндө адам болуш ал эсимде.

Шаштырба сезим, секелек кезим,
Шашпачы дедим, уксаңчы кебим.
Өзүмдөн өзүм өрт болуп жанам,
Шаркырап аккан, шаштырган сезим.
Алып учат неге, алыстарга мени?
Алгалаган сезим шаштырат.

Кайырма:

Келчи жаным, жаныма келчи,
Сүйүү жөнүндө ыр ырдап берчи
Жүрсөм деймин дайым жаныңда.
Жүрөгүмдөсүң жалгыз сен өзүң,
Кандай сонун сенин мүнөзүң,
Сен деп ырдайм бүт ырларымда.

Кайырма:
Асманда жанган жылдызым,
Кусалыкка салбагын мени,
Жанымда жанган жылдызым,
Ырларымда ырдаймын сени.

Сенде жатат менин сырларым,
Арзуум айткан, обон ырларым.
Айлуу түндү алмаштым таңга,
Бакытымда, байлыгым сенсиң.
Бал жашоомдун баардыгы сенсиң.
Назиктигиң жагымдуу жанга.

Кайырма:

Сен тарапка ойлор жетелеп келген,
Сүйкүм сенин.
Мен кыялды куруп элестеп келем,
Булутка теңеген өзүң элең.

Кайырма:
Сүйүү бар бир караштан жанган,
Ар күнү сагынычка салган.
Сүйүү ал - сен жана мен бирге.
Ай-күн жылмаят, жүрөгүндө сени аяп.

Сен бир өзүң жүрөктү ээлеген,
Ойлор сени менен.
Мен асмандан жамгырдай себелеген,
Сага барганга, жаныңа калганга.

Кайырма:

Жанымдын жарымысың,
Билсең айтчы, жалгызым,
Көзүңдөгү сырды катасың кимден,
Жанбай нуру.

Сага арнадым садагам менин
Махабатым жалгызым сенсиң
Сүйүү оту өчпөй келемин,
О, секелек сезим терметтиң

Таңкы жылдыз жаркырап жанат
Алоолонуп жүрөгүм самайт.
Жалбарамын жараткандан мен,
Бирге болсок кайрадан экен

Кайырма:
Асылым эркем журөк эргиткен
Махабатка мен кол сунуп келем
Айтарым сага арманда калба
Ойлорумда сен кана...

Айлуу түндө ай чачат жарык,
Ак булуттар асманда калкып.
Күндөн күнгө убакыт учат,
Ушунчалык каякка шашат.

Эңсей берем элесиңди мен
Эч тынымсыз жүрөк эзилген
Эрдиңе эч жете албадым
Бактылуу бол менин ардагым

Теңсинбей көптү чырайыңа
Термеле басып эмне пайда?
Ачылган гүлсүн, билемин аны,
Мендей ашык көптөр сага.

Кайырма:
Ашыгым, жүрөгүмдү арнайын,
Бирге болчу сен дайым.
Ууз сүйүүмдүн балын мен,
Бир өзүңө арнайын.

Какпачы жаным каш-кирпигиң,
Кайышып турат жаным менин.
Таңдагы нурсуң сен мен үчүн,
Жүрөгүмө жарык чачкан.

Кайырма:

Эргитип сени кучагыма,
Эрдиңден сүйөм качан гана.
Алыстан сүйүп акмалап жүрүп,
Өтөмбү же жанып күйүп.

Кайырма:

Көздөрүңдүн нуру тамып,
Жүрөгүмө бүлүк салып,
Ойготтуң сен сүйүү сезимди.
Махабаттын балын таттым,
Кара көзүм, сени таптым,
Ашык болдум аны сездиңби?

Кайырма:
Кара-кара көздөрүңө,
Шыңгыр тунук күлгөнүңө.
Суктанамын, арбаламын, жаным, садагам.
Ширин-ширин сөздөрүңө,
Кара-кара көздөрүңө,
Суктанамын, арбаламын, жаным, садагам.

Тунук, таза мөлтүрөгөн,
Кара мончок көздөрүңдөн,
Сүйгүм келет сени жүзүңдөн.
Көргөн жанды арбап алат,
Көздөрүңдөн бал-бал жанат,
Көзүм тойбой сага суктанам.

Кайырма:

Кара көзүм, сени таптым,
Ашык болдум аны сездиңби?
Көздөрүңдөн бал-бал жанат,
Көзүм тойбой сага суктанам.

Көз алдымдан дайым кетпейсиң,
Гүл көктөмүм болуп көктөйсүң.
Кездешүүгө чакырсам сени,
Неге, жаным, мага жок дейсиң?

Кайырма:
Жок, жок, жок дебе мага,
Мен сени издеп табам.
Терезеңдин алдында,
Түнү бою үн салам.
Көчөлөрдү чурулдатып,
Телефонду чырылдатып,
Тынчтык бербей коёмун сага.

Мен өзүңдү сагына берем,
Бакытымсың жүрөк эңсеген.
Ойлонуп көр, жаным, өткөндөй,
Бүгүн кечке дагы да келем.

Кайырма:

Күлгүндү күнгө кактабайт, бегим
Күмүштү күлгө таштабайт, бегим
Сырганы сыңар сактабайт, бегим
Сыр аяк турса аттабайт, бегим

Күңгөйдө күкүк мен элем, бегим
Күйкөгө качан жем , элем, бегим
Кулаалы салбайт акууга, бегим
Куп келген теңим сен элең, бегим

Ал мезгил кол жеткис бакыт бак,
Алмашкыс ай менен күндү берсе да.
Арман, ай, кай жакка кеттиң, периштем,
Мен сени таарынттып же алдым беле?

Кайырма:
Сен кечиргин таарынтсам эгер,
Түшүнбөй таарынба бекер,
Өчпөсүн биздин махабат.
Сен кечиргин мени, кечиргин,
Сүйүүмдү кайрып бергиниң,
Жашасын биздин махабат.

Сен үчүн өрт болду, жаным, жалындап,
Сездиңби, билбеймин, аны ардагым.
Күндөрүм күндөргө такыр окшошпой,
Арман, ай, жүрөгүм жаман эзилди.