Кайда жүрсө карааның, кайдан сени табам?
Чындыгында, өзүмдү бактысыз деп санаймын.
Жүрөктүн каны жанымды кыйнайт,
Кайда кеттиң сен?
Кайда жүрдүң сен, сен, сен,
Асыл ардагым, менин ардагым?

Мен отурам жаныңда көз жашымды тыя албай,
Махабаттын отуна күйүп-жанып чыдабай.
Жүрөктүн каны жанымды кыйнайт,
Кайда кеттиң сен?
Кайда жүрдүң сен, сен, сен,
Асыл арманым, менин арманым?

Уктай албай түнкүсүн сарсанаага батамын,
Сенсиз таңды атырам тартып сүйүү азабын.
Жүрөктүн каны жанымды кыйнайт,
Кайда кеттиң сен?
Кайда жүрдүң сен, сен, сен,
Асыл ардагым, менин алтыным?

Аккан суум акпай калды,
Меникиндей арман барбы.
Кошулмак чоң дайрага,
Адашып таппай калды.

Кайырма:
Бугумду ырдайынчы,
Арманым батпай калды.
Көңүлсүз мындай жашоо,
Көөнүмө жакпай калды.

Күн өтөт сызган куштай,
Каларбыз сыздап-сыздай.
Ажыратмак болсоң кайра,
Не коштуң бизди, Кудай?

Кайырма:

Кадамым баспай калды,
Канча жол артта калды.
Өзүң деп соккон жүрөк,
Башкага чаппай калды.

Ажырадым ардагымдан,
Өкүнүп кайгырбаймын.
Турмуштун жолу татаал,
Кайра эми жаңылбаймын.

Кайырма:

Аккан суум акпай калды,
Меникиндей арман барбы.
Кошулмак чоң дайрага,
Адашып таппай калды.

Кайырма:
Бугумду ырдайынчы,
Арманым батпай калды.
Көңүлсүз мындай жашоо,
Көөнүмө жакпай калды.

Кадамым баспай калды,
Канча жол артта калды.
Өзүң деп соккон жүрөк,
Башкага чаппай калды.
Өзүң деп соккон жүрөк,
Өзгөгө чаппай калды...

Тат десең ууну татайын,
Дартымды ичке катайын.
Ашыгын күткөн жолугуп,
Ай болуп , ай болуп тоодон батайын.

Уурттасаң балды уурттайын,
Ууртуңдан сүйүп жыттайын.
Жан азык кылып күлкүңдү,
Жаныңдан, жаныңдан алыс чыкпайын.

Дем берген ичтен жашыруун,
Делбирим сага баш урдум.
Өзүңдөн таптым байланып,
Өмүрдүн, өмүрдүн алтын казыгын.

Гүлдөрдүн барктуу гүл барын,
Күндөрдүн барктуу гүлдөрүн.
Көзүмдөн кайра окудуң,
Көңүлдүн, көңүлдүн мендик сырларын.

Бабалардан калган турмуш ыргагы,
Бул жашоонун көркү – көңүл ачууда.
Өмүр шаңы экөөбүзгө тең, орток,
Сен кандайсың, жаным, көңүл ачууга.
Сенсиз көрккө келбей,
Жазгы тентек желдей,
Сансыз күндөр өттү,
Баасы ирмемдей.
Келчи, жаным, келчи,
Жан дүйнөмө кирчи,
Сени күткөн бакыт эшигин,
Ачып киргендей.

Бир берилген шаттуу өмүрдө,
Кир кетпесин аруу көңүлгө.
Бул жашоодо өкүнүүлөр аз болор,
Көлкүп-чалкып калсак жаштык көлүндө.

Бул өмүрлөр өткөн, өтө да берет,
Конок сымал коомай карап турсаң да.
Максаттардын сересине умтулуп,
Ай-жылдызга сермеп колду сунсаң да.
Назик көркү гүлдөй,
Керемети күндөй,
Чоң сүйүүгө жолугууну
Тилейли.
Өмүр наркы бизден,
Көңүл наркы бизден.
Майда адамдар майда сүйгөндөй,
Биз майда сүйбөйлү.

Чындык ошол жашоо шартында,
Эмне жетсин көлкүп-чалкууга.
Мен да сага аппак сүйүү берейин,
Сен да мага аппак сүйүү тартуула.
Мен өзүмдү сага бүтүн берейин,
Сен да өзүңдү мага бүтүн тартуула.

Сулайман тоосу кош жүрөк анык,
Суктандык ага кошулуп барып.
Жүзүмдөй жүзүң жүрөктү эзет,
Оң бетиң өсөм сол бетиң калат.

Адамды аста абайлап карап,
Асманда гана ай калкып барат.
Жутунуп жутуп ийчүдөй болуп,
Бир көзүң өпсөм бир көзүң калат.

Окшошуп ошол тоодогу күндөр,
Ойлонуп бастык Оштогу түндө.
Кол кармашып чаркылдап жүрсөк,
Келечек өмүр, келечек күндө.

Сагынып сени эстедим,
Кыялбай дале келемин.
Алгачкы сенде махабат,
Ак сүйүүм жашайт билесиң.

Кайырма:
Күтөмүн далай күндөрдө,
Уктабай айлуу түндөрдө.
Жүрөгүм сыздап кыйналса,
Сезилер бекен өзүңө.

Махабат жаздын демисиң
Мээримиң неге тең келсин.
Табылгыс сенин дүйнөңдөн,
Сезимиң ыйык билемин.

Издедим далай күндөрдү,
Табалбай сенин сүйүүңдү.
Талыкпай сезим канаты,
Талпынып сен деп күн-түнү.

Бакыт тилеп ар бир адамга,
Махабат келесиң жазда.
Жашырып ошол мезгилден,
Сүйүүңдү менден аяба.

Сезимге салдың дүрбөлөң,
Сенчелик эчким сүйбөгөм.
Каалагын мейли каалаба,
Карап тур сени сүйдүрөм.

Кайырма:
Тамашага саламын,
Көңүлүңдү табамын,
Ырдап берип сүйүү дастанын.
Жүрөгүңдү эргитип,
Сезимиңди сергитип,
Сени мендик кылып аламын.

Акылга салдың дүрбөлөң,
Анчалык эчким сүйбөгөм.
Алдагын мейли, алдаба,
Ансайын сени сүйдүрөм.
Кайырма:

Жүрөкө салдың дүрбөлөң,
Жүдөп бир эчким сүйбөгөм.
Жактыргын мейли , жактырба,
Жанымдан чыккыс сүйдүрөм.

Кайырма:
Балбылдап жанган көздөрүң,
Жалооруп сага жетпедим.
Жаш кезек өтүп кетсе да,
Оюмдан такыр кетпедиң.

Кайгыдан жүрөк жанчылып,
Карекке көзүң тартылып.
Караймын дайым жолуңду,
Кайгынын жүгүн артынып.

Сагыныч мени жүдөттү,
Саналуу далай күн өттү.
Сагынтпай келсең болбойбу,
Сароору кылбай жүрөктү.

Жаңы турмуш улакмак,
Жакшы го дейм бул адат.
Келин келсе биздин эл,
Кут келгендей кубанат.
Кары –жашы чогула,
Калбай келет тоюна.
Боорсок чачып башына,
Тыйын чачат жолуна.

Түшүнүп ал сен эми,
Боорсок чачкан себебин.
Ыйык нандай табылгыс,
Ак жолтой бол дегеним.
Тыйын чачкан себебин,
Сырын чечип берейин.
Дүнүйөгө келиним,
Кароо болбо дегеним, эй.

Кыздар аста гүлкүлдөп
Бөбөктөрү бүлкүлдөп.
Келин жанында отурат,
Көшөгөдө үлпүлдөп.
Мүнөздөрү өзгөрүп,
Ой үстүнөн өчүрүп.
Келечегин ар кимдин,
Көз алдынан өткөрүп .

Бүгүн баары башкача,
Мөл булактай таптаза.
Ар киминин дилинен,
Оргуп чыккан ак бата.
Жакшылыгын ашырган,
Жамандыгын жашырган.
Бүлөө болгун ак жолтой,
Жолук түшпөй башыңдан.

Кайрымдуу бол карыңа,
Жагымдуу бол жарыңа.
Өз өзгө деп чектебей,
Бирдей кара баарына.
Алпештеген эл дагы,
Алдыңдагы жер дагы.
Жакшы болсоң сен эгер,
Жарың менен тең кары.
Наристелер төрөлсүн,
Ак бешике бөлөнсүн.
Ортоңордон жыл өтпөй,
Көшөгөңөр көгөрсүн.
Балкытып кош денемди,
Бата берет эл эми.
Келеркиде оомийин,
Бешик тойго келели.

Кошулушуп эки жаш,
Жуп болуптур жар-жар.
Кубанышып эл-журту,
Кут конуптур жар-жар.

Толкуп келген мейманга,
Той баштайбыз жар-жар.
Болушунча аянбай,
Бой таштайбыз жар-жар.

Алтын ордо гүл бакча,
Калалуу бол жар-жар.
Артыңардан ээрчиткен,
Балалуу бол жар-жар.

Ак элечек колго алып,
Ыргап жүргүн жар-жар.
Жакшы менен жаманды,
Ылгап жүргүн жар-жар.

Асманга учсун куш болуп,
Ак тилегиң жар-жар.
Ажырашпай бир жүрсүн,
Ак билегиң жар-жар.

Баскан жериң дайыма,
Гүлдүү болсун жар-жар.
Бүгүн курган жашооңор,
Бүрдүү болсун жар-жар.

Ырыс алды – ынтымак,
Билип жүргүн жар-жар.
Ата-энеге башыңды,
Ийип жүргүн жар-жар.

Ак булуттан себилген,
Кар болгула жар-жар.
Дайым ушул жашоодо,
Бар болгула жар-жар.

Кайыл болуп көп короткон убагыма,
Качан болсо кабыл алып турарыма.
Келем жалгыз мен өткөрүп өмүрүмдү,
Ишене бер күтөөрүмө, чыдарама.

Жол карайып карбаластап калганымда
Ак шам болуп жангым келет маңдайыңда
Тагдырыңа кээде өксүп капалансаң,
Бал каймактай көлкүгүң бар таңдайыңда.

Уктай албай өткөрдүм көп убагымды,
Эшик жакка тосуп коюп кулагымды.
Дарегимди издеп таппай жүрбөсүн деп,
Өчүрбөстөн жатам түндө чырагымды.

Келчи гүлүм, менин сүйүүм,
Сени издеп таппай жүрөмүн.
Өтпөй күнүм, жетпей үнүм,
Сени күтүп абдан жүдөдүм.

Кайырма:
Аттиң ай, аттиң ай,
Ак сүйүүнүн баркын, ай.
Өттү жалгыз алтын ай,
Көңүл салкын, ай.
Эркем ай, эркем ай,
Берекедей келсең, ай.
Жашап келем сен деп, ай,
Жаным сенсиң, ай.

Ойлор кысат, алып учат,
Айтчы неге жаным келбедиң?
Жолдор узап, жүрөк сызат,
Сени күтүп аттым, келбедиң.

Кайырма:

Жолукканда турдум көпкө карай албай,
Өзүмдү өзүм коёрго жер таба албай.
Өзөгүмдөн оргуп чыккан сүйүү окшойт,
Көздөрүңдөн көздөрүмдү ала албай.

Кайырма:

Коргошундай эрип кеттим тимеле,
Бейтааныш жигит, аты-жөнүң ким эле?
Жаралабы сендей сулуу ааламда?
Мөлтүрөгөн ай, көздөрүңдү ий,
Көрсөм экен бир эле...

Тартынамын сен тарапка барышка,
Тагдыр экен чыдап күйүү намыска.
Бир көрүнүп, кетип калдың тез эле,
Карааныңды мен узаттым алыска.

Кайырма:

Апакебай, майрамыңыз кут болсун,
Ушул күнү үйүңүзгө кут толсун!
Балдарыңыз чогуу болуп сиз менен,
Дасторкондо дүйүм-тамак бүт болсун.

Кайырма:
Жаныңызга тирек болуп атабыз,
Оорубаңыз, дагы көпкө жашаңыз.
Урмат-сыйын неберенин көргүлө,
Баарыбызга тийсин сиздин батаңыз!

Бүт тарттыңар жаш кезекте мээнетти,
Көргүлө эми карыганда дөөлөттү.
Көрбөгүлө жамандыгын балдардын,
Капа кылып, көңүлдөрдү чөгөртчү.

Кайырма:

Тынчтык болсун элибизде ар дайым,
Эл ичинде силер аман болгула.
Кызыңардын арзыбаган каалоосун,
Аз да болсо кабыл алып койгула.

Кайырма:

Кайыл болуп көп короткон убагыма,
Качан болсо кабыл алып турарыма.
Келем жалгыз мен өткөрүп өмүрүмдү,
Ишене бер күтөөрүмө, чыдарама.

Жол карайып карбаластап калганымда
Ак шам болуп жангым келет маңдайыңда
Тагдырыңа кээде өксүп капалансаң,
Бал каймактай көлкүгүң бар таңдайыңда.

Уктай албай өткөрдүм көп убагымды,
Эшик жакка тосуп коюп кулагымды.
Дарегимди издеп таппай жүрбөсүн деп,
Өчүрбөстөн жатам түндө чырагымды.

Тынчтыкты көксөп,
Ар намысы чуулардай.
Тынымсыз чуркайм,
Ойлордун чексиз торунан.
Тыгылып батпайм,
Түбү жок кенен ааламга.
Тынчы жок сүйүү,
Оорудан качан арылам?

Кайырма:
Тар болуп дүйнөм,
Териме батпай баратам.
Телмире тиктеп,
Жолумду теше караган.
Тесмедей тизип, сүйүүнүн нурлуу сөздөрүн.
Көзүңө карап айтуудан неге айбыгам?

Карааның жоктоп,
Издеймин ири кадамдан.
Көөдөндү жарат,
Кусалык менде буулуккан.
Издесем таппайм,
Келсеңчи менин жаныма.
Кайгы кат сүйүү отунан качан арылам.

Кайырма:
Тар болуп дүйнөм,
Териме батпай баратам.
Телмире тиктеп,
Жолумду теше караган.
Тесмедей тизип, сүйүүнүн нурлуу сөздөрүн.
Көзүңө карап айтуудан неге айбыгам?

Өтөбөй уйку неченин,
Дайрасын ойдун кечемин.
Ажарың жүрөк жандырган,
Ак шоокум сен деп сеземин.

Көздөрүң алоо жаккандай,
Каректе көп сыр жаткандай.
Таасириң мынча сүйкүмдүү,
Жайлоодон аткан ак таңдай.

Сен турган кыштак жаркырап,
Көңүлдө элес калтырат.
Эзбесең боло жүрөктү,
Эчаккы өчүң барчылап.

Көрбөсөм көөнүм жайланбай,
Көп ишим унут калгандай.
Он минут турсам жаныңда,
Ошол күн мага майрамдай.

Жүрөгүңдө сыр бардай,
Жүзүң неге албырат.
Көп карасаң жаш селки,
Көз отуңду талдырат.

Кайырма:
Көңүл бөлүп караба,
Көп анчалык кадала.
Көңүл отун козгоду,
Көз карашың садага.
Сүйсөң тандап бирди сүй.
Жылдар өтсүн арада.
Жүдөтпөсүн бул сөзүң
Жүрөгүмдү садага.

Сүйсөң сүйүү чырагын
Жүрөгүңдө жандырат
Адаштырат кээ бирде
Сүйүү жолдон тандырат.

Кайырма:

Кайраттансаң сүйүүнүн,
Келечегин чектегин.
Каны таза жүрөктү
Канжар менен чекпегин,
Жабыры көп махабат,
Жеңил ойлоп чечпегин
Жуудуруп көз жаш менен
Жүрөк сырын эзбегин.

Кайырма:

Бала кезин кимдер гана сүйүп эңсебейт,
Алгач сүйүү, таза сүйүү мектепте келет.
Жыргал күндү ойноп алгын бала кезиңде,
Бул өмүрдүн эң таттуусун балалык берет.

Кайырма:

Балалык, балалык артта калды балалык,
Жалынсаң да кайрылбайт го балалык.
Балалык, балалык эстен кеткис балалык,
Кайгырсаң да кайра келбейт балалык.

Ойлоп көрсөң сен жашыңда ой жок бала элең,
Жүрөгүңдө эч кири жок, сүттөй ак элең.
Ошол мезгил баарыбызга бир келет, кетет,
Кана достор бизди коштоп тургун бий бийлеп.

Кайырма: