А балким, башка бирөө таптың беле?
Өзүңчө качып эле...
Өзгөрдүң эми неге?
Сөздөрүң жаным эле,
А балким, башка бирөө сүйдүң беле?
Көздөрүң сүйкүм эле,
Сөздөрүң ширин эле,
Бири жок бүгүн неге?

Болушум ушул болсо не кыл дейсиң?
Дилимди же билбейсиң,
А өмүр өтөр-кетер,
Бир келген көз ирмемсиң.
Жашоодо өкүнбөгөн адам барбы?
Сыйрыдың жараттарды,
Бактылуу күндөр келет,
Бардыгы жаңы, жаңы.

А балким, башка бирөө жакты беле?
Жолуңа тартып желе,
Кош эми, ыйлайт дебе,
Кааларым бакыт эле,
Кааларым бакыт эле.

Бүгүн неге жашым төктүм да,
Ой көлүнөн чыкпай чөктүм да.
Мээримиңе такыр бөлөнбөй,
Ата, сизди көрбөй өстүм да.
Жүрөгүмө толгон кусалык,
Ошол үчүн ыйлайм, өксүйм да.

Кайырма:
Бул азаптар мени кыйнады,
Таба аламбы издеп атамды?
Кусалыктар мени кыйнады,
Таба аламбы издеп атамды?

Шылтап коюп баарын тагдырга,
Бири-бириңден өчүң алдың да.
Наристе элем, күнөөм жок эле,
Ошол үчүн өксүйм, жашыйм да.
Көөдөнүмө толгон кусалык,
Эх, атаке, көрбөй өстүм да...

Бул азаптар мени кыйнады,
Таба аламбы издеп атамды?
Сагынычтар мени кыйнады,
Таба аламбы издеп атамды?

Бул азаптар, сагынычтар мени кыйнады,
Таба аламбы издеп атамды?
Кусалыктар, ызалыктар мени кыйнады,
Таба аламбы издеп атамды?
Айыктырып жүрөк жарамды...

Ошондо ойго келеби,
Мектепти бүтүп кетерим.
Кайдасың эми, классташ?
Сагынам агай-эжени.

Кайырма:
Мектебиме келдим,
Кайдасыңар, кайдасыңар?
Сагындым мен силерди, парталаштар.

Жаш көчөт элек тигилген,
Уядан учтук бириндей.
Убакыт өттү билинбей,
Көзгө илинбей.

Кайырма:
Мектебиме келдим,
Кайдасыңар, кайдасыңар?
Сагындым мен силерди, парталаштар.
Сагындым мен силерди, уялаштар.

Кубарып кусалыктан,
Чарчадым сагынычтан, кайдасың, жаным?
Арзууларымды, кусалыктарды сезсеңчи, жаным.
Ушул күндөрдө келсеңчи, жаным.

Кайырма:
Саргайдыбы үмүттөр, жалбырактай?
Өтүүдө айланып төрт мезгил, кусалыкта.
Жеңилдиби көп күндөр убакытка?
Сени таппай...

Келер деп кышта күткөм,
Эңсөөдөн сыздап бүткөм, кайдасың, жаным?
Кыялдарымды, кыялбасымды сезсеңчи, жаным.
Ушунун баарын билсеңчи, жаным.

Кайырма:

Эгер болсо таарыныч,
Не кыласың таарынып?
Өткөн өттү кел, досум,
Келечекке кам уруп,
Жайнамазга баш уруп.

Жакшы адамдар доско бай,
Көңүл сүйгөн достор бар.
Бири-бириңди чансаң да,
Тарых чанбас жолдор бар.
Гүл өстүрүп көңүлгө,
Не бир сонун сөздөр бар.
Өз апаңдай тиктеген,
Мээрим толгон көздөр бар.

Жакшылыктар көп болуп,
Кудай көзү түз болуп.
Жүрөйүнчү түбөлүк
Досторума дос болуп,
Бактылуулук коштолуп.

Жакшы адамдар доско бай,
Аке-үкө достор бар.
Жакшы күндөр көп болот,
Бизди күткөн тойлор бар.
Бал тамызып көңүлгө,
Не бир ширин сөздөр бар,
Наристедей тиктеген,
Таза, тунук көздөр бар.

Кандай адам доско бай,
Жүрөгү от шоктор бар.
Беш маал намаз окуган,
Ыйман толгон достор бар.
Нур тамызып жүрөккө,
Не бир хадис кептер бар.
Досту досум деп билип,
Кадырына жеткен бар.

Бүт дүйнөм арман болуп,
Карекке жаштар толуп.
Жаш менен агып барам,
Эсимден танып барам
Армандарга, күйүттөргө,
Кайгыга батып барам

Ишенбеймин, ишенбеймин ал сөздөргө,
Кантип эле, кантип эле башка бүлөө?
Чокту салып, такты салып жүрөктөргө,
Тагдырга баш ийип, турмушка баш ийип,
Жашайбыз бул өмүрдө,
Жете албай сүйгөнүңө.

Токтобой жаштар улам,
Кайгынын жигин улай.
Асманым көчүп барат,
Көз жашым төгүп барам,
Армандарга, күйүттөргө,
Кайгыга чөгүп барам

Ишенбеймин, ишенбеймин жалгандарга,
Кантип эле, кантип эле ал башкага?
Жолдош кылып, курдаш кылып армандарга,
Жүрөккө кайгыны, көңүлгө кусаны калтырып кеттиң мага
Кош болгун, эх, садага.

Бактылуу болгун деп,
Таалайлуу болгун деп
Ак тилек арнайм сага,
Кош болгун эх, садага.

Турналар учуп өтсө, жаз келсе кайтып келер,
Жаштышгың өтүп кетсе, кайтарып кимге берер.
Толгонуп буулугамын бир собол жүрөк эзер,
Өмүрлөр өтүп кетер...

Негедир жылдан жылга, саамайлар агаргансыйт,
Жаштыгым жаздай эле, күз келип саргайгансыйт.
Өмүрдүн барактары бат-баттан айрылгансыйт,
Байгеде бараткансып...
Өкүнүп күткөн менен өткөн күн кайтмак беле?
Табигат табышмагы жалынсаң да, сырларын ачмак беле?

Билинбей мезгил менен, кошулуп агабызбы?
Анын да чеги болор жээгине барабызбы?
Убакыт токтой турчу, гул терип алайынчы,
Сагындым балалыкты...
Өкүнүп күткөн менен өткөн күн кайтмак беле?
Табигат табышмагы жалынсаң да, сырларын ачмак беле?

Кете бер мейли, теңсинбедиң кантейин мени,
Бүлүндүбү биздин тагдырлар.
Баш ийебиз айла жок эми, арга жок эми.
Унутам сени, кайрылба эми.
Өксүп бир сыздап, бөксөрдү,
Жүрөктүн, сен турган жери.

Издейм түбөлүк,
Бизди бөлгөн айлуу түндөрдү.
Жектеп ыйлайм таш боор тагдырды,
Бир өзүңө койбойм күнөөнү.
Эстедиңби, алтын күндөрдү.
Жашырып айтпайм, эч кимге,
Сагынып, жүрөм бирөөнү.

Ойлодуңбу, ойлодуңбу балдарыңды?
Сыр кылып айтпайм эч кимге,
Сагындым жалжалымды.

Сагынтасың мени айылым,
Кусалыктан келет ыйлагым
Бир күч бар го сага байлаган
Бейиш жерим, мекен, турагым
Жыл айланбай келем айылга,
Сенде калган мөлтүр курак.
Кылымдарга жол улап,
Ага берчи ар убак,
Соолубачы ыйык булак.

Кайырма:
Биздин айыл керемет
Сага кай жер тең келет.
Качан келсең берет кубат,
Биздин айыл жапжаш турак
Ага берчи ыйык булак.

Биз чоңойдук жигиттик убак,
Чуркап келип суу ичкен чулак
Балалыгым сенде катылган,
Сен болосуң ыйык булак
Жыл айланбай барам Аксыга,
Сенде калган бала курак.
Кылымдарга жол улап,
Ага берчи ар убак,
Соолубачы ыйык булак.

Кайырма:

Жыл айланбай келем Мукурга,
Сенде калган мөлтүр курак.
Кылымдарга жол улап,
Ага берчи ар убак,
Соолубачы ыйык булак.

Оюн карак бала элем,
Эркелеткен таенем,
Алар кеткен менден узап.
Жигит эле, акелер чачтарында бүгун бубак.
Сен карыба, ыйык булак.

Барбы өзү бул дүйнөдө бакыт деген,
Мөмөсүн кандай жандар татып жеген?
Таң эрте ойгоном да бакыт тилеп,
Кызарып күнгө кошо батып келем.

Кайырма:

Себелеп, себелеп,
Себелеп жамгыр жааса.
Бакыттай, бакыттай,
Бакыттай сезилет да.
Келээрсиң, келээрсиң мага да,
Балким жазда.
Негедир ал күндөр,
Ал күндөр кечигет да.

Барбы өзү, кандай неме сүйүү деген,
Жете албай канча жандар өксүп келген.
Саргайып тагдырымдан сүйүү күтүп,
Мен эми жашап калдым үмүт менен.

Кайырма:

Себелеп, себелеп,
Себелеп жамгыр жааса,
Сүйүүдөй, сүйүүдөй,
Сүйүүдөй сезилет да.
Келээрсиң, келээрсин мага да,
Балким жазда,
Негедир ал күндөр,
Ал күндөр кечигет да.

Себелеп, себелеп,
Себелеп жамгыр жааса,
Менин да көз жашым тамчылайт да.
Кечикпе!
Күтөмүн, күтөмүн ушул жазда,
Күтүүдөн жан дүйнөм,
Жан дүйнөм жанчылат да.

Себелеп, себелеп,
Себелеп жамгыр жааса,
Менин да көз жашым,
Көз жашым куюлат да.
Күтөмүн, күтөмүн,
Каректер толуп жашка,
Негедир ал күндөр келбестей туюлат да.

Гитарамды алам, чачты болсо тарайм,
Көчө бойлойм жашым он сегиз.
Кечелерге барам, каалаганым чабам,
Оюн курак ушул он сегиз.
Өзгөлөрдөн коруп, кызга жигит болуп,
Гүлдөп турат бүгүн он сегиз.
Үйдө турбай тынып, каалагың кылып,
Ой жок убак ушул он сегиз.

Кайырма:
Капаланып кайгыга, чөмүлбөйбүз кайгыга,
Ойно, ойно жалында, биздин күндөр азыр да,
Өтүп кетет эртең он сегиз.
Кысылбагын демине, жакын отур периңе,
Ойно, ойно сен бийле, шарап сунуп селкиңе,
Он гүлүңдүн бири он сегиз,
Ойно, ойно жашың он сегиз.

Сабактардан калам, эптеп шылтоо табам,
Студентмин жашым он сегиз.
Жумуштуудан өтүп, аны-муну көрүп,
Көчө курак ушул он сегиз
Кызыл гүлдү сунуп, кыз бетинен сүйүп,
Жигит курак ушул он сегиз.
Мекен үчүн ыйык, кызматыңды кылып,
Жоокер убак ушул он сегиз.

Кайырма:

Капаланып кайгыга, чөмүлбөйбүз кайгыга,
Ойно, ойно жалында, биздин күндөр азыр да,
Өтүп кетет эртең он сегиз.
Кысылбагын демине, жакын отур периңе,
Ойно, ойно сен бийле, шарап сунуп селкиңе,
Он гүлүңдүн бири он сегиз,
Ойно, ойно жашың он сегиз.
Өтсө кайра келбейт он сегиз.

Өмүр чиркин суудай агылып,
Балалыгым кетти агызып.
Узадыбы менден билинбей,
Же кеттиңби мага таарынып.

Кайырма:
Айланайын алтын балалык,
Сенде кетти аруу тазалык.
Жолугалы дагы бир өмүрдө,
Түбөлүккө бирге калалык.
Айланайын алтын балалык.

Куштай сызып канат кагылып,
Айылыма келдим сагынып,
Көздөн учат ширин балалык,
Кайда калдың менден жашынып

Кайырма:
Айланайын алтын балалык,
Сенде эле го аруу тазалык.
Жолугалы дагы бир өмүрдө,
Түбөлүккө бирге калалык.
Айланайын алтын балалык,

Кагылайын ширин балалык
Сенде элего аруу тазалык.
Жолугалы дагы бир өмүрдө,
Түбөлүккө бирге калалык.
Айланайын алтын балалык,
Кайда калды биздин балалык?

Сары-Челек көлдүн боюнда,
Сен экөөбүз түндүн коюнунда
Бирге отурсак арман жок эле.

Канат күүлөп калкып турам,
Чоң бакытка балкып турам,
Кээде түшүп сүйүү жалынга.
Жан дүйнөмө батпай келет,
Эмне дешти таппай келем
Бизди кошкон ушул тагдырга.
Тагдыр берген энчим менин,
Элжиретип эзбе мени,
Жаралдыңбы менин бактыма?
Токою бай, жер-жемиши,
Асыл жери, жер бейиши -
Жүрчү, жүрчү кеттик Аксыга.

Сары-Челек көлдүн боюнда,
Сен экөөбүз түндүн коюнунда
Таңды күтсөк арман жок эле.
Элинин да пейили сонун да,
Касиеттүү Аксы коюнунда
Өмүр сүрсөк арман жок эле.

Кашка-Суунун суусун кечип,
Бозбу-Атанын гүлүн терип,
Оюн салсак кечки адырда.
Жан кейиткен жамандардан,
Тажап бүттүм ушактардан,
Кетеличи жүрчү айылга.

Сары-Челек көлдүн боюнда,
Сен экөөбүз түндүн коюнунда
Таңды күтсөк арман жок эле.
Элинин да пейили сонун да,
Касиеттүү Аксы коюнунда
Өмүр сүрсөк арман жок эле,
Бир карысак арман жок эле.

Жубайыма же койсомбу айтып чынымды,
Угуп алгын эртең кеч го азыр ырымды.
Акыр бир күн билинер,
Канча жүрөм катып сырымды.

Кайырма:
Бир күн Бишкек, бир күн Ош,
Жинди болуп каламбы?
Колду шилтеп баарына мен
Ошко кетип каламбы?
Тентип кетем жетелеп,
Али жашсың эркелеп.
Эзип бүттүң го,
Жубайымды такыр чанамбы.
Биротоло Ошто каламбы?

Өкүмдарым дейсиң мени, Хюрремим менин.
Сен түбүмө жетесиң го,
Күйдүрдүң мени, күйдүрбө мени.
Атың өчкүр, сүйүү а,
Аста-секин алабы кегин.

Кайырма:

Атың өчкүр, сүйүү а,
Мына ушинтип алабы кегин

Бир күн Бишкек, бир күн Ош,
Жинди болуп каламбы?
Колду шилтеп кайра эле мен,
Чүйгө кетип каламбы?
Тентип кетем жетелеп,
Али жашсың эркелеп.
Билип бүттүм го,
Жубайымды дагы чанамбы?
Кайра эле Ошко барамбы?

Козгобо жүрөк жарасын
Дарысын кайдан табасың
Дартыма даба сен болуп
Алтыным мага жагасың
Жолуксак күндө эле, күндө эле
Жүрөгүң муз беле
Кыйнадың сен неге, сен неге
Кыйнадың сен неге, сен неге
Аай, Айзирек

Кайырма:
Айзирек, Айзирек
Кыйнадың алтыным
Жолубуз кайчы деп
Аа, Айзирек

От болуп күйүп жанамын
Жообуңду качан аламын
Өзүңдү тагдыр буюруса
Өмүрлөш кылып алайын
Сыр болуп мага да, мага да
Кыйнадың садага, садага
Кетпечи башкага, башкага
Чылаба арманга, аа, Айзирек

Кайырма:

Жолуксак күндө эле, күндө эле
Жүрөгүң муз беле
Кыйнадың сен неге, сен неге
Кыйнадың сен неге, сен неге
Аай, Айзирек

Кайырма:

Өмүр чиркин суудай агылып,
Балалыгым кетти агызып.
Узадыбы менден билинбей,
Же кеттиңби мага таарынып.

Кайырма:
Айланайын алтын балалык,
Сенде кетти аруу тазалык.
Жолугалы дагы бир өмүрдө,
Түбөлүккө бирге калалык.
Айланайын алтын балалык.

Куштай сызып канат кагылып,
Айылыма келдим сагынып,
Көздөн учат ширин балалык,
Кайда калдың менден жашынып

Кайырма:
Айланайын алтын балалык,
Сенде элего аруу тазалык.
Жолугалы дагы бир өмүрдө,
Түбөлүккө бирге калалык.
Айланайын алтын балалык,

Мезгил чиркин суудай агылып
Балалыгым кетти агызып
Узадыбы менден билинбей,
Же кеттиңби мага таарынып

Кайырма:

Кагылайын ширин балалык
Сенде элего аруу тазалык.
Жолугалы дагы бир өмүрдө,
Түбөлүккө бирге калалык.
Айланайын алтын балалык,
Кайда калды биздин балалык

Кечээ тиккен дарагым, мөмө берет дедиңби,
Жерге көмгөн данегим өнө берет дедиңби.
Мына ушинтип базарым өтө берет дедиңби
Айтканымдын баарын эп көрүп
Бул бечара жүрө берет дедиңби

Кайырма:
Үй-бүлөсүн ал кечип тентип кетти дейсиңби,
Мени чанып башканы ээрчип кетти дейсиңби,
Күйүтүнө чыдабай ичип кетти дейсиңби,
Эми, эми мага баары бир
Жоктугума шүгүр дейсиңби
Кеч түшүнүп аттиң дейсиңби

Байчечекей чилдеде гүлдөй берет дедиңби
Ырыскысын кудайым үзбөй берет дедиңби
Акыл айтсам мен сага сүйлөй берет дедиңби
Айтканымдын баарын эп көрүп
Бул селсаяк түтө берет дедиңби,

Үй-бүлөсүн ал кечип тентип кетти дейсиңби,
Мени чанып башканы ээрчип кетти дейсиңби,
Күйүтүнө чыдабай ичип кетти дейсиңби,
Эми, эми мага баары бир
Куйрук эмес буйрук жейсиңби
Кеч түшүнүп аттиң дейсиңби

Кемибестен ырыскым толо берет дедиңби,
Бакыт кушу күндө эле коно берет дедиңби.
Эмне кылсам мен булга боло берет дедиңби
Айтканымдын баарын эп көрүп
Бул бечара жүрө берет дедиңби
Көнө берет дедиңби

Кайырма:

Тумчугамын, түбү жок санааларга батамын,
Бийиктерге жетелейт ак батасы атамдын,
Издеп жүргөн бейишим таманында апанын.
Азаматты эр кылган бата болот турбайбы,
Жашоодогу дөөлөтүң ата болот турбайбы,
Жаман жүрсөң ичинен капа болот турбайбы.
Түгөнбөгөн берекең апа болот турбайбы,
Үйүңдөгү базарың бала болот турбайбы.

Көзүңдү ачып-жумганча кеч кирет да, таң атат,
Сыйлашалы кел, досум, өмүр өтүп баратат,
Тирүүлүктө адамдар бири-бирине аманат.
Бешик көркү бөлөнгөн бөбөк болот турбайбы,
Агасына иниси жөлөк болот турбайбы.
Бир туугандар бир үйдө өзөк болот турбайбы,
Бой жеткенде үй-жайың бөлөк болот турбайбы,
Карыганда неберең эрмек болот турбайбы.

Ташы менен урганды, ашың менен тосуп ал,
Турмуш деген татаал жол, жакшы чөйрө күтүп ал.
Түбөлүктүү жарыңды алып качпай, сүйүп ал.
Жалынсаң да токтобос өмүр болот турбайбы,
Назиктердин назиги көңүл болот турбайбы.
Тууганыңдан жакыны коңшу болот турбайбы,
Акыретте жаныңда досуң болот турбайбы.
Балалыгың жомоктой эсте калат турбайбы,
Өмүр өтсө бул денең жерде калат турбайбы.
Өмүр өтсө бул денең жерде калат турбайбы,
Бектер кетип, кайра эле элдер калат турбайбы.